ಸಮಾಚಾರ

ಸ್ವದೇಶಿ ನಿರ್ಮಿತ ಎಚ್​ಟಿಟಿ-40 ತರಬೇತಿ ವಿಮಾನ ಅನಾವರಣ

👇 ನಮ್ಮ ಪುಟ ಲೈಕ್ 👍 ಮಾಡಿ 👇👇

👆ನಮ್ಮ ಪೇಜ್ ಲೈಕ್ 👍 ಮಾಡಲು ಮರಿಬೇಡಿ ಫ್ರೆಂಡ್ಸ್ 👆

ಬೆಂಗಳೂರು: ಸ್ವದೇಶಿ ನಿರ್ಮಿತ ಹಿಂದುಸ್ತಾನ್ ಟರ್ಬೋ ಟ್ರೖೆನರ್-40 (ಎಚ್ಟಿಟಿ-40) ತರಬೇತಿ ವಿಮಾನದ ಮೊದಲ ಹಾರಾಟಕ್ಕೆ ರಕ್ಷಣಾ ಸಚಿವ ಮನೋಹರ್ ಪರಿಕರ್ ಸಾಕ್ಷಿಯಾದರು. ಬೆಂಗಳೂರಿನ ಎಚ್ಎಎಲ್ ವಿಮಾನ ನಿಲ್ದಾಣದಲ್ಲಿ ವಿಮಾನ ತನ್ನ ಮೊದಲ ಹಾರಾಟ ನಡೆಸಿತು.

ಎಚ್ಟಿಟಿ-40 ವಿಮಾನವನ್ನು ಎಚ್ಎಎಲ್ ವಿನ್ಯಾಸಗೊಳಿಸಿ ನಿರ್ಮಿಸಿದೆ. ಈ ವಿಮಾನವನ್ನು ಪೈಲೆಟ್ ತರಬೇತಿಯ ಮೊದಲ ಹಂತದಲ್ಲಿ ಬಳಸಲು ಉದ್ದೇಶಿಸಲಾಗಿದೆ. 2013ರಲ್ಲಿ ವಿಮಾನ ವಿನ್ಯಾಯ ಕಾರ್ಯವನ್ನು ಪ್ರಾರಂಭಿಸಿ ಮೇ 2015ರಲ್ಲಿ ವಿನ್ಯಾಸವನ್ನು ಅಂತಿಮಗೊಳಿಸಲಾಯಿತು. 12 ತಿಂಗಳ ನಂತರ ಮೊದಲ ವಿಮಾನದ ಪರೀಕ್ಷಾರ್ಥ ಹಾರಾಟ ನಡೆಸಲಾಯಿತು. ಭಾರತೀಯ ವಾಯುಸೇನೆ ಈಗಾಗಲೇ 70 ಎಚ್ಟಿಟಿ-40 ವಿಮಾನಗಳಿಗೆ ಬೇಡಿಕೆ ಸಲ್ಲಿಸಿದೆ ಎಂದು ಎಚ್ಎಎಲ್ ಅಧಿಕಾರಿಗಳು ತಿಳಿಸಿದ್ದಾರೆ.

2018ರ ವೇಳೆಗೆ ವಿಮಾನಕ್ಕೆ ಕಾರ್ಯಾಚರಣೆ ನಡೆಸಲು ಅನುಮತಿ ಸಿಗುವ ಸಾಧ್ಯತೆ ಇದೆ. ಈ ವಿಮಾನವನ್ನು ವಾಯುಪಡೆಯ ಪ್ರಸ್ತುತ ಬೇಡಿಕೆಗಳಿಗೆ ಅನುಗುಣವಾಗಿ ಸಿದ್ಧಪಡಿಸಲಾಗಿದೆ. ಇದರಲ್ಲಿ ಶಸ್ತ್ರಾಸ್ತ್ರಗಳನ್ನು ಅಳವಡಿಸಲೂ ಸಹ ವ್ಯವಸ್ಥೆ ಮಾಡಲಾಗಿದೆ. 2800 ಕೆ.ಜಿ. ತೂಕ ಹೊಂದಿರುವ ಈ ವಿಮಾನಕ್ಕೆ 950 ಎಸ್ಎಚ್ಪಿ ಕ್ಲಾಸ್ನ ಟರ್ಬೆ ಪ್ರೊಪೆಲ್ಲರ್ ಇಂಜಿನ್ ಅಳವಡಿಸಲಾಗಿದೆ. ಈ ವಿಮಾನವನ್ನು ಸಂಪೂರ್ಣವಾಗಿ ದೇಶದಲ್ಲೇ ನಿರ್ಮಿಸಲಾಗಿದೆ. ಇದರ ಬಹುತೇಕ ಬಿಡಿಭಾಗಗಳನ್ನು ದೇಶದಲ್ಲೇ ಉತ್ಪಾದಿಸಲಾಗಿದೆ ಎಂದು ಎಚ್ಎಎಲ್ ಅಧಿಕಾರಿಗಳು ತಿಳಿಸಿದ್ದಾರೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Comments

comments

Click to comment

Leave a Reply

Your email address will not be published. Required fields are marked *

To Top