Entertainment

ವಿಮಾನದ ಮೇಲೆ ‘ಕಬಾಲಿ’ ಅಬ್ಬರ

ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯದ ‘ಕಬಾಲಿ’ ಚಿತ್ರ ಬಿಡುಗಡೆಗೂ ಮುನ್ನವೇ ಭಾರೀ ಸದ್ದು ಮಾಡುತ್ತಿದೆ. ‘ಕಬಾಲಿ’ ಯ ಟೀಸರ್ ಬಿಡುಗಡೆಯಾದ ಸಂದರ್ಭದಲ್ಲಿ ಲಕ್ಷಾಂತರ ಮಂದಿ ಇದನ್ನು ವೀಕ್ಷಿಸಿದ್ದರಲ್ಲದೇ ಚಿತ್ರದ ಬಿಡುಗಡೆಯನ್ನು ಕುತೂಹಲದಿಂದ ನಿರೀಕ್ಷಿಸುತ್ತಿದ್ದರು.

‘ಕಬಾಲಿ’ ಚಿತ್ರ ಜುಲೈ 15 ರಂದು ಬಿಡುಗಡೆಯಾಗಲಿದೆ ಎಂದು ಈ ಮೊದಲು ಹೇಳಲಾಗಿತ್ತಾದರೂ ಅದೀಗ ಜುಲೈ 22 ಕ್ಕೆ ಮುಂದೂಡಲ್ಪಟ್ಟಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಭೂಗತ ಲೋಕದ ಕಥಾ ಹಂದರವನ್ನು ಹೊಂದಿರುವ ‘ಕಬಾಲಿ’ ಯಲ್ಲಿ ರಜನಿಕಾಂತ್ ತಮ್ಮ ಎಂದಿನ ಸ್ಟೈಲ್ ಹಾಗೂ ಡೈಲಾಗ್ ಡೆಲಿವರಿಯಿಂದ ಪ್ರೇಕ್ಷಕರ ಮನ ಸೆಳೆಯಲಿದ್ದಾರೆ ಎನ್ನಲಾಗಿದೆ.

ಈ ಮಧ್ಯೆ ‘ಕಬಾಲಿ’ ಯ ವಿಶೇಷ ವಿಮಾನವನ್ನು ಮಲೇಶಿಯಾ ಮೂಲದ ಏರ್ ಏಷ್ಯಾ ರೂಪಿಸಿದೆ. ಈ ವಿಮಾನದ ಎರಡೂ ಬದಿಯಲ್ಲಿ ‘ಕಬಾಲಿ’ ಚಿತ್ರದ ಜಾಹೀರಾತು ಕಂಗೊಳಿಸುತ್ತಿದ್ದು, ಚಿತ್ರ ಬಿಡುಗಡೆಯಾದ ಮೊದಲ ದಿನದ ಮೊದಲ ಷೋ ವೀಕ್ಷಿಸಲು ಬೆಂಗಳೂರಿನಿಂದ ಚೆನ್ನೈಗೆ ರಜನಿಕಾಂತ್ ಅಭಿಮಾನಿಗಳನ್ನು ಕರೆದೊಯ್ಯಲಿದೆ ಎನ್ನಲಾಗಿದೆ. ಅಲ್ಲದೇ ಅತಿಥಿಗಳಿಗೆ ನೀಡುವ ಮೆನು ಕೂಡಾ ಸಂಪೂರ್ಣ ‘ಕಬಾಲಿ’ಮಯವಾಗಿರದೆ ಎಂದು ತಿಳಿದುಬಂದಿದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top