ಮೈಸೂರುಪಾಕ್ ಮಾಡುವ ವಿಧಾನ

ಮೈಸೂರುಪಾಕ್ ಸಾಮಗ್ರಿಗಳು:

ಕಡಲೆಹಿಟ್ಟು-1 ಕಪ್,

ನೀರು-1/2 ಕಪ್,

ಸಕ್ಕರೆ-2 ಕಪ್,

ತುಪ್ಪ-2 1/2 ಕಪ್

ಮಾಡುವ ವಿಧಾನ:

ಕಡಲೆಹಿಟ್ಟನ್ನು ದಪ್ಪತಳದ ಬಾಣಲಿ ಅಥವಾ ಪ್ಯಾನ್‍ನಲ್ಲಿ ಘಂ ಎಂದು ಪರಿಮಳ ಬರುವವರೆಗೂ ಹುರಿಯಬೇಕು.

ಮತ್ತೊಂದು ಪಾತ್ರೆಯಲ್ಲಿ 2 ಕಪ್ ಸಕ್ಕರೆಯನ್ನು 1/2 ಕಪ್ ನೀರು ಹಾಕಿ ಸಣ್ಣ ಉರಿಯಲ್ಲಿ ಪಾಕಕ್ಕಿಡಬೇಕು.

ಸಕ್ಕರೆ ಸಂಪೂರ್ಣ ಕರಗಿ ಎಳೆಪಾಕ ಬಂದಾಗ ಹುರಿದುಕೊಂಡ ಕಡಲೆಹಿಟ್ಟನ್ನು ಇದಕ್ಕೆ ಗಂಟುಕಟ್ಟದಂತೆ ಸ್ವಲ್ಪಸ್ವಲ್ಪವಾಗಿ ಬೆರೆಸಬೇಕು.

ನಂತರ ಒಂದು ಕಪ್ ತುಪ್ಪವನ್ನು ಹಾಕಿ ಗೊಟಾಯಿಸಬೇಕು.

ಆ ನಂತರ ಮತ್ತೊಂದು ಕಪ್, ಕೊನೆಗೆ ಉಳಿದ 1/2 ಕಪ್ ತುಪ್ಪವನ್ನು ಸೇರಿಸಿ ಕಡಲೆಹಿಟ್ಟು-ಸಕ್ಕರೆ ಮಿಶ್ರಣವನ್ನು ಚೆನ್ನಾಗಿ ಗೊಟಾಯಿಸುತ್ತಲೇ ಇರಬೇಕು.

ಮಿಶ್ರಣವು ಗಟ್ಟಿಯಾಗುತ್ತಾ ಅಂಚು ಬಿಡಲಾರಂಭಿಸಿದಾಗ (ಪೂರ್ತಿ ಗಟ್ಟಿಯಾಗಲು ಬಿಡಬಾರದು) ತುಪ್ಪ ಸವರಿದ ತಟ್ಟೆಗೆ ಮೈಸೂರ್‍ಪಾಕನ್ನು ಸುರಿದು ಮೊಗಚು ಕೈ ಇಲ್ಲವೇ ಮತ್ತೊಂದು ತಟ್ಟೆಯಿಂದ ಮೇಲ್ಭಾಗವನ್ನು ಸಮತಟ್ಟಾಗಿಸಿ ಸ್ವಲ್ಪ ಆರಿದ ಬಳಿಕ ಬೇಕಾದ ಆಕಾರಕ್ಕೆ ಕತ್ತರಿಸಿ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ