fbpx
Breaking News

ಅಪನಗದೀಕರಣದ ಹಿಂದೆ ‘ಅನುತ್ಪಾದಕ ಆಸ್ತಿ’ ಎಂಬ ಪೆಡಂಭೂತ? ತೆರಿಗೆದಾರನಿಗೆ ಮಂಕುಬೂದಿ ಎರಚಿದರ ಪ್ರಧಾನಿಗಳು !

ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡುತ್ತಿದ್ದ ಕಾಂಗ್ರೆಸ್ ವಕ್ತಾರರಾದ ಶ್ರೀ ಕಪಿಲ್ ಸಿಬಲ್ ರವರು ಮೋದಿ ರವರ ‘ಅಪನಗದೀಕರಣ’ [Demonetization ] ನ ಹಿಂದಿರುವ ಸತ್ಯವನ್ನು ಬಿಚ್ಚಿಟ್ಟಿದ್ದಾರೆ.

ಬ್ಯಾಂಕ್ ನಲ್ಲಿ ಹಲವು ವರ್ಷಗಳಿಂದ ಕೊಳೆಯುತ್ತಿರುವ ‘ಅನುತ್ಪಾದಕ ಆಸ್ತಿಗಳನ್ನು’ [Non performing Assets] ನನ್ನು ‘write off’ ಮಾಡಲು ಈ ತಂತ್ರ ಹೂಡಲಾಗಿದೆಯೆಂದು ದೇಶದ ಪ್ರಖ್ಯಾತ ನ್ಯಾಯವಾದಿಯೂ ಆಗಿರುವ ಸನ್ಮಾನ್ಯ ಸಿಬಲ್-ರವರು ಹೇಳಿದ್ದಾರೆ. “ತೆರಿಗೆದಾರನ ಹಣದಿಂದ ಈ ಅನುತ್ಪಾದಕ ಆಸ್ತಿಗಳನ್ನು ರೈಟ್ ಆಫ್ ಮಾಡಲಾಗಿದೆ. ಇದು ಮೋದಿ ರವರ ಕಾರ್ಯ ತಂತ್ರ”.

ಇಲ್ಲಿಯವರೆಗೂ, ೩ ಲಕ್ಷ ಕೋಟಿಯಷ್ಟು ಹಣ ಬ್ಯಾಂಕ್ ಗಳಿಗೆ ಪಾವತಿಯಾಗಿದೆ. ಸರ್ವೋಚ್ಚ ನ್ಯಾಯಾಲಯಕ್ಕೆ ಸಲ್ಲಿಸಿರುವ ಅಫಿಡೇವಿಟ್ ನಲ್ಲಿ, ಕೇಂದ್ರ ಸರ್ಕಾರ ೩೦ ಡಿಸೆಂಬರ್, ೨೦೧೬ ಒಳಗೆ ಸುಮಾರು ೧೦ ಲಕ್ಷ ಕೋಟಿ [ಒಟ್ಟು ಹಣ] ಪಾವತಿಯಾಗಬಹುದೆಂದು ಮಾಹಿತಿ ನೀಡಿದೆ. ಆದರೆ, ಈಗ ೧೦ ಲಕ್ಷದಷ್ಟು ೫೦೦ ಮತ್ತು ೧,೦೦೦ ಮೌಲ್ಯದ ಕರೆನ್ಸಿ ನೋಟುಗಳು ಚಲಾವಣೆಯಲ್ಲಿದೆ.

ಆದ್ದರಿಂದ, ೬ ಲಕ್ಷ ಕೋಟಿಯಷ್ಟು ಹಣ ವ್ಯವಸ್ಥೆಯಿಂದ ದೂರವಿದೆ. ಅಢಾವೆ ಪಟ್ಟಿಕೆ [ಬ್ಯಾಲೆನ್ಸ್ ಶೀಟ್] ನನ್ನ ಸರಿಹೊಂದಿಸುವ ಸಲುವಾಗಿ, ಭಾರತೀಯ ರಿಸೆರ್ವೆ ಬ್ಯಾಂಕ್ ನವರು, ೬ ಲಕ್ಷದ ಕರೆನ್ಸಿ ನೋಟುಗಳನ್ನು ಮುದ್ರಿಸಿ ಸರ್ಕಾರಕ್ಕೆ ಹಸ್ತಾoತರಿಸುತ್ತಾರೆ; ಹೊಸದಾಗಿ ಮುದ್ರಿತವಾದ ದುಡ್ಡನ್ನು ಬ್ಯಾಂಕುಗಳಿಗೆ ನೀಡುವ ಮೂಲಕ ಅನುತ್ಪಾದಕ ಆಸ್ತಿಯನ್ನು ರೈಟ್ ಆಫ್ ಮಾಡಲು ಕೇಂದ್ರ ಸರ್ಕಾರ ಹೊರಟಿದೆಯೆಂದು ಸಿಬಲ್ ಆರೋಪಿಸಿದ್ದಾರೆ.

ಕಾನೂನಿನಲ್ಲಿ ಅಪನಗದೀಕರಣಕ್ಕೆ ಅವಕಾಶವಿದೆಯೇ?

ಹೀಗೊಂದು ಪ್ರಶ್ನೆಯನ್ನು ಕಾನೂನು ಪಂಡಿತರು ಮತ್ತು ನಿವೃತ್ತ ಬ್ಯಾಂಕ್ ಅಧಿಕಾರಿಗಳು ಕೇಳುತ್ತಿದ್ದಾರೆ . ರಿಸೆರ್ವೆ ಬ್ಯಾಂಕ್ ಆಫ್ ಇಂಡಿಯಾ ಆಕ್ಟ್ -ನ, ಸೆಕ್ಷನ್ ೨೬ (೨) ನ ಅನ್ವಯ ಕೇಂದ್ರ ಸರ್ಕಾರಕ್ಕೆ ಯಾವುದೇ ಮೌಲ್ಯದ ಕರೆನ್ಸಿ ನೋಟನ್ನು ‘ಅಮಾನ್ಯ’ ಗೊಳಿಸಲು ಅಧಿಕಾರವಿದೆ. ಆದರೆ, ಚಾಲ್ತಿಯಲ್ಲಿರುವ ಪ್ರತ್ಯೇಕ ‘ಸೀರೀಸ್’ ಗಳ ನೋಟುಗಳನ್ನು ಮಾತ್ರ ನಿಷೇಧಿಸುವ ಅಧಿಕಾರವನ್ನು ಕೇಂದ್ರ ಸರ್ಕಾರಕ್ಕಾದೆಯೇ ಹೊರತು; ಚಲಾವಣೆಯಲ್ಲಿರುವ ಎಲ್ಲ ೫೦೦ ಮತ್ತು ೧೦೦೦ ಮೌಲ್ಯದ ಕರೆನ್ಸಿ ನೋಟುಗಳನ್ನು ನಿಷೇಧಿಸುವ ಅಧಿಕಾರ ಕೇಂದ್ರ ಸರ್ಕಾರಕ್ಕೆ ಇರುವುದಿಲ್ಲವೆಂದು ಕಾಯ್ದೆಯಲ್ಲಿದೆ.

ಇದರ ಜೊತೆ ಮತ್ತೊಂದು ಮಹತ್ತರ ಪ್ರಶ್ನೆಯನ್ನು ಕಾನೂನು ಹಾಗು ಆರ್ಥಿಕ ತಜ್ಞರು ಎತ್ತಿದ್ದಾರೆ; ಅದೇನೆಂದರೆ, ಬ್ಯಾಂಕುಗಳು ಕೇವಲ ನಮ್ಮ ದುಡ್ಡಿನ ಪಾರುಪತ್ಯಗಾರರು (trustees) ಬ್ಯಾಂಕಿನ ಗ್ರಾಹಕನಿಗೆ ತನ್ನ ದುಡ್ಡಿನ ಮೇಲೆ ಸಂಪೂರ್ಣ ಅಧಿಕಾರವಿರುತ್ತದೆ, ಯಾವ ಕಾನೂನಿನ ಆಧಾರದ ಮೇಲೆ ನನ್ನ ದುಡ್ಡಿನ ವಾಪಸಾತಿಯನ್ನು (withdrawal) ನಿರ್ಬಂಧ ಮಾಡುತ್ತಾರೆ, ಕೆಲವು ತಜ್ಞರ ಪ್ರಕಾರ ಕೇಂದ್ರ ಸರ್ಕಾರದ ಈ ನಿಲುವು ಕಾನೂನು ಬಾಹಿರವಾಗಿದ್ದು, ಸದ್ಯ ಸುಪ್ರೀಂ ಕೋರ್ಟ್-ನಲ್ಲಿ ಇರುವ ದಾವೆಯ ಅರ್ಜಿ ವಿಚಾರಣೆ ಯಾವ ತಿರುವು ಪಡೆದುಕೊಳ್ಳುವುದೋ ಕಾದು ನೋಡಬೇಕಾಗಿದೆ..

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top