ದಕ್ಷಿಣ ಕರ್ನಾಟಕದ ಸ್ಪೆಷಲ್ ಬಸ್ಸಾರು ಮತ್ತು ಸೊಪ್ಪಿನ ಪಲ್ಯ ಮಾಡೋ ವಿಧಾನ..

ಪಲ್ಯಕ್ಕೆ ಬೇಕಾಗುವ ಪದಾರ್ಥಗಳು

ಎರಡು ಕಟ್ಟು ಸೊಪ್ಪು (ದಂಟು , ಚಕೋತ್ತ, ) ಅಥವಾ 250 ಗ್ರಾಂ ಎಲೆಕೋಸು, ಬೀನ್ಸ್ ಅಥವಾ ಹಿರೇ ಕಾಯಿ ಬಳಸಬಹುದು.
1/4 ಕಪ್ ತೊಗರಿ ಬೇಳೆ
1/4 ಕಪ್ ಹೆಸರು ಕಾಳು ಅಥವಾ 1/4 ಕಪ್ ಹೆಚ್ಚಿನ ತೊಗರಿ ಬೇಳೆ
ಅರಿಶಿನ ಪುಡಿ ಒಂದು ದೊಡ್ಡ ಚಿಟಿಕೆ
ನಿಮ್ಮ ರುಚಿಗೆ ತಕ್ಕಂತೆ ಉಪ್ಪು

ಸಾರು ಮಾಡಲು ಬೇಕಾಗುವ ಪದಾರ್ಥಗಳು

2 – 4 ಕೆಂಪು ಮೆಣಸಿನಕಾಯಿಗಳು
2 ಟೀಸ್ಪೂನ್ ಕೊತ್ತಂಬರಿ ಬೀಜಗಳು
1 ಟೀಸ್ಪೂನ್ ಜೀರಿಗೆ
4 – 5 ಬೀಜಗಳು ಕಪ್ಪು ಮೆಣಸು
1 ಕತ್ತರಿಸಿದ ಈರುಳ್ಳಿ
10 ಎಸಳು ಬೆಳ್ಳುಳ್ಳಿ
1 ಕತ್ತರಿಸಿದ ಟೊಮೆಟೊ
ನೆಲ್ಲಿಕಾಯಿ ಗಾತ್ರದ ಹುಣಿಸೇಹಣ್ಣು
1/4 ಕಪ್ ತುರಿದ ತೆಂಗಿನಕಾಯಿ
ನಿಮ್ಮ ರುಚಿಗೆ ತಕ್ಕಂತೆ ಉಪ್ಪು

ಸಾರು ಒಗ್ಗರಣ್ಣೆ ಮಾಡಲು ಬೇಕಾಗುವ ಪದಾರ್ಥಗಳು

1 ಕೆಂಪು ಮೆಣಸು
1/2 ಟೀಸ್ಪೂನ್ ಸಾಸಿವೆ ಬೀಜಗಳು
5 – 6 ಕರಿ ಬೇವು
2 ಟೀಸ್ಪೂನ್ ಅಡುಗೆ ತೈಲ

ಪಲ್ಯ ಒಗ್ಗರಣ್ಣೆ ಮಾಡಲು ಬೇಕಾಗುವ ಪದಾರ್ಥಗಳು:

1 ಕೆಂಪು ಮೆಣಸು
1/2 ಟೀಸ್ಪೂನ್ ಸಾಸಿವೆ ಬೀಜಗಳು
1 ಟೀಸ್ಪೂನ್ ಉಪ್ಪು
1 ಟೀಸ್ಪೂನ್ ಹೆಸರು ಬೇಳೆ
5 – 6 ಕರಿ ಬೇವಿನ ಎಲೆಗಳು
1 ಈರುಳ್ಳಿ ಸಣ್ಣದಾಗಿ ಕತ್ತರಿಸಿ
1 – 2 ಹಸಿಮೆಣಸು (ಐಚ್ಛಿಕ)
2 ಟೀಸ್ಪೂನ್ ತುರಿದ ತೆಂಗಿನಕಾಯಿ
2 ಟೀಸ್ಪೂನ್ ಸಣ್ಣದಾಗಿ ಕತ್ತರಿಸಿದ ಕೊತ್ತಂಬರಿ ಎಲೆ
2 ಟೀಸ್ಪೂನ್ ಅಡುಗೆ ತೈಲ

ತಯಾರು ಮಾಡುವ ವಿಧಾನ :

ನಿಮ್ಮ ಆಯ್ಕೆಯ ಸೊಪ್ಪು ಅಥವಾ ತರಕಾರಿಗಳನ್ನು ತೆಗೆದುಕೊಂಡು ತೊಳೆಯಿರಿ ಮತ್ತು ಸಣ್ಣಗೆ ಕತ್ತರಿಸಿಕೊಳ್ಳಿ .

ಕುಕ್ಕರ್ನಲ್ಲಿ ಹೆಸರು ಕಾಳು, ತೊಗರಿ ಬೇಳೆಯನ್ನು ತೆಗೆದುಕೊಂಡು ತೊಳೆಯಿರಿ.

ಕತ್ತರಿಸಿದ ಹಸಿರು ಸೊಪ್ಪು ಅಥವಾ ತರಕಾರಿಗಳನ್ನು ಬೇಳೆಗೆ ಸೇರಿಸಿ. ಉಪ್ಪು ಮತ್ತು ಅರಿಶಿನ ಪುಡಿ ಹಾಕಿ . ಅಗತ್ಯವಿರುವಷ್ಟು ನೀರು ಸೇರಿಸಿ ಬೇಯಿಸಿ.

ಅಷ್ಟರಲ್ಲಿ ಇನ್ನೊಂದು ಬಾಣಲೆಯಲ್ಲಿ ಕೆಂಪು ಮೆಣಸಿನಕಾಯಿಗಳು, ಕೊತ್ತಂಬರಿ ಬೀಜಗಳು, ಜೀರಿಗೆ ಮತ್ತು ಕರಿಮೆಣಸು ಸೇರಿಸಿ ಉರಿಯಿರಿ.

ಇದಕ್ಕೆ ಕತ್ತರಿಸಿದ ಈರುಳ್ಳಿ ಮತ್ತು ಬೆಳ್ಳುಳ್ಳಿ ಸೇರಿಸಿ ಹಸಿ ವಾಸನೆ ಹೋಗುವವರೆಗೂ ಫ್ರೈ ಮಾಡಿ , ಕತ್ತರಿಸಿದ ಟೊಮೆಟೊ ಸೇರಿಸಿ ಅವುಗಳನ್ನು ಫ್ರೈ ಮಾಡಿ

ತುರಿದ ತೆಂಗಿನಕಾಯಿ ಮತ್ತು ಹುಣಿಸೆಹಣ್ಣು ಕಿವುಚಿದ ರಸ ಸೇರಿಸಿ ಒಂದು ನಿಮಿಷ ಫ್ರೈ ಮಾಡಿ ಮತ್ತು ಸ್ಟೌವ್ ಅನ್ನು ಆಫ್ ಮಾಡಿ.

ಈಗ ಬಾಣಲೆಗೆ ಬೆಂದ ತರಕಾರಿ ಅಥವಾ ಸೊಪ್ಪಿನ ಮಿಶ್ರಣವನ್ನು ಇನ್ನೊಂದು ಪಾತ್ರೆಗೆ ನೀರನ್ನುಚೆನ್ನಾಗಿ ಸೋಸಿಕೊಳ್ಳಿ .

ಬಾಣಲೆಯಲ್ಲಿರುವ ಮಿಶ್ರಣಕ್ಕೆ ಈ ಸೊಪ್ಪು ಅಥವಾ ತರಕಾರಿಯ ಎರಡು ಚಮಚದಷ್ಟನ್ನು ಸೇರಿಸಿ ರುಬ್ಬಿಕೊಳ್ಳಿ .

ರುಬ್ಬಿದ ಮಿಶ್ರಣವನ್ನು ಸೊಪ್ಪಿನ ನೀರಿಗೆ ಹಾಕಿ ಕುದಿಯಲು ಬಿಡಿ ,ಸಾರು ಕುದಿ ಬಂದ ಮೇಲೆ
ಎಣ್ಣೆ , ಕೆಂಪು ಮೆಣಸಿನಕಾಯಿ, ಸಾಸಿವೆ ಮತ್ತು ಕರಿ ಬೇವು ಎಲೆಗಳನ್ನೂ ಸೇರಿಸಿ ಒಗ್ಗರಣ್ಣೆ ಹಾಕಿ
ಈಗ ಬಸ್ಸಾರು ರೆಡಿ .

ಪಲ್ಯ ತಯಾರು ಮಾಡುವ ವಿಧಾನ :

ಬಾಣಲೆಗೆ ಎಣ್ಣೆ, ಸಾಸಿವೆ, ಉದ್ದಿನ ಬೇಳೆ , ಕೆಂಪು ಮೆಣಸಿನಕಾಯಿ, ಹಸಿರು ಮೆಣಸಿನಕಾಯಿ ಹಾಕಿ ಒಗ್ಗರಣೆ ಮಾಡಿ
ನಂತರ ಒಂದು ಹಚ್ಚಿದ ಈರುಳ್ಳಿಯನ್ನು ಸೇರಿಸಿ ಉರಿಯಿರಿ .

ಬಾಣಲೆಯಲ್ಲಿರುವ ಮಿಶ್ರಣಕ್ಕೆ ಬೇಯಿಸಿದ ಸೊಪ್ಪು ಅಥವಾ ತರಕಾರಿಯನ್ನು ಸೇರಿಸಿ ಚೆನ್ನಾಗಿ ಕಲಸಿ ,

ಉಪ್ಪು ಸರಿಹೊಂದಿಸಿ. ತುರಿದ ತೆಂಗಿನ ಮತ್ತು ಕೊತ್ತಂಬರಿ ಎಲೆಗಳಲ್ಲಿ ಸೇರಿಸಿ. ಚೆನ್ನಾಗಿ ಮಿಶ್ರಮಾಡಿ ಚೆನ್ನಾಗಿ ಕಲಸಿದರೆ ಪಲ್ಯ ರೆಡಿ

 

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ