ಅಡುಗೆ ಮನೆಯಲ್ಲಿ ವಾಸ್ತು ಹೇಗಿರಬೇಕು .

ಅಡುಗೆ ಮನೆಯನ್ನು ಹೇಗೆ ನಿರ್ಮಿಸಬೇಕು ಅಂದರೆ,ಅದು ನಮ್ಮ ಆರೋಗ್ಯವನ್ನು ವೃದ್ಧಿಸಬೇಕು, ಅದಕ್ಕೆ ನಾವು  ಏನು ಮಾಡಬೇಕು ಅಂದರೆ ಅಡುಗೆ ಮನೆಯನ್ನು ಸದಾಕಾಲ ಶುಚಿಯಾಗಿ ಇಟ್ಟುಕೊಳ್ಳಬೇಕು. ಇದರ ಜೊತೆಗೆ ವಾಸ್ತು ನಿಯಮಕ್ಕೆ ಅನುಗುಣವಾಗಿ ಪ್ರತಿಯೊಂದು ಸಾಮಗ್ರಿಗಳನ್ನು ಜೋಡಿಸಿಬೇಕು.

ಅಡುಗೆ ಮಾಡುವಾಗ ಯಾವಾಗಲೂ ಪೂರ್ವ ದಿಕ್ಕಿಗೆ (ಅಂದರೆ ಸೂರ್ಯ ಉದಯಿಸುವ ದಿಕ್ಕು) ಮುಖ ಮಾಡಿಯೇ ನಿಂತು ಅಡುಗೆ ಮಾಡಬೇಕು.ಇದರಿಂದ ಆರೋಗ್ಯ ಭಾಗ್ಯ  ವೃದ್ಧಿಸುತ್ತದೆ.

ಪಶ್ಚಿಮ ದಿಕ್ಕಿಗೆ ಮುಖ ಮಾಡಿ ಅಡುಗೆ ಮಾಡಿದರೆ ಅಂತಹ ಪುರುಷ ಅಥವಾ ಮಹಿಳೆಗೆ ಆರೋಗ್ಯ ಸಮಸ್ಯೆಗಳು ಎದುರಾಗುತ್ತವೆ.

ದಕ್ಷಿಣ ದಿಕ್ಕಿಗೆ ಮುಖ ಮಾಡಿಕೊಂಡು ಅಡುಗೆ ಮಾಡಿದರೆ ಹಣಕಾಸು ಬಿಕ್ಕಟ್ಟು ಮತ್ತು ಕೌಟುಂಬಿಕ ಸಮಸ್ಯೆಗಳು ಎದುರಾಗುತ್ತವೆ.

ಪಾತ್ರೆ ತೊಳೆಯುವಾಗ ಅಥವಾ ಸ್ವಚ್ಛ ಗೊಳಿಸುವಾಗ ಪಶ್ಚಿಮ ದಿಕ್ಕಿಗೆ ಮುಖ ಮಾಡಿಕೊಂಡು ತೊಳೆಯಬೇಕು. ಅಂದರೆ ಸೂರ್ಯ ಮುಳುಗುವ ದಿಕ್ಕು.

ಮನೆಯನ್ನು ಕಟ್ಟುವಾಗ ಅದರಲ್ಲಿ ಅಡುಗೆ ಮನೆಯನ್ನು ನಿರ್ಮಿಸುವಾಗ ಆಗ್ನೇಯ ದಿಕ್ಕು ಅತೀ ಪ್ರಾಶಸ್ತ್ಯ ದಿಕ್ಕು.ಆಗ್ನೇಯ ದಿಕ್ಕಿನಲ್ಲಿ ಅಡುಗೆ ಮನೆಗೆ ಸಂಪೂರ್ಣವಾಗಿ ಲಾಭ ತರುವ ದಿಕ್ಕಾಗಿದೆ.

ಒಂದು ವೇಳೆ ಆಗ್ನೇಯ ದಿಕ್ಕಿನಲ್ಲಿ ಸ್ಥಳ ಇಲ್ಲ ಎಂದಾದರೆ ವಾಯುವ್ಯ ದಿಕ್ಕನ್ನು ಎರಡನೇ ಅಧ್ಯತೆಯನ್ನಾಗಿ ಮಾಡಿಕೊಳ್ಳಬಹುದು.

ಅಡುಗೆ ಮನೆಯ ಬಾಗಿಲು ಉತ್ತರ, ಪೂರ್ವ, ಈಶಾನ್ಯ ಅಥವಾ ವಾಯುವ್ಯ ದಿಕ್ಕಿನಲ್ಲಿ ಇರಬೇಕು.

ಅಡುಗೆ ಮನೆಯ ಬಾಗಿಲಿಗೆ ನೇರವಾಗಿ ಅಂದರೆ ಎದುರಿಗೆ ಸ್ಟೌವ ಇರಬಾರದು.

ನೀರಿನ ಸಿಂಕ್ ಆದಷ್ಟು ಗ್ಯಾಸ್ ಸ್ಟೌವನಿಂದ ಸಾಧ್ಯವಾದಷ್ಟು ದೂರದಲ್ಲಿ ಅಂದರೆ ಈಶಾನ್ಯ ದಿಕ್ಕಿನಲ್ಲಿ ಇರುವಂತೆ ನೋಡಿಕೊಳ್ಳಿ.

ಕುಡಿಯುವ ನೀರಿನ ನಲ್ಲಿ ಮತ್ತು ನೀರು ಸಂಗ್ರಹಿಸಿ ಇಡುವ ಯಾವುದೇ ಸಾಮಗ್ರಿಗಳು ಈಶಾನ್ಯ ದಿಕ್ಕಿನಲ್ಲೇ ಇರಬೇಕು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ