ಬಿಸಿ ಬಿಸಿ ತರಕಾರಿ ಪಲಾವ್ ಮಾಡ್ಕೊಳ್ಳಿ ..

ಬಿಸಿ ಬಿಸಿ ತರಕಾರಿ ಪಲಾವ್ ಮಾಡುವ ವಿಧಾನ

ಬೇಕಾಗುವ ಸಾಮಾಗ್ರಿಗಳು :

ಎರಡು ಕಪ್ ಬಾಸುಮತಿ ಅಕ್ಕಿ,
2 ಕ್ಯಾರೆಟು,
ಕಾಲು ಹೋಳು ಹೂ ಕೋಸು
ಸ್ವಲ್ಪ ಬೀನ್ಸ್,
ಎಳೆ ಬಟಾಣಿ,

2 ಈರುಳ್ಳಿ,
ಸ್ವಲ್ಪ ಕೊತ್ತಂಬರಿ ಸೊಪ್ಪು,
ಸ್ವಲ್ಪ ಚಕ್ಕೆ, 2 ಏಲಕ್ಕಿ , ಸ್ವಲ್ಪ ಹಸಿ ಶುಂಠಿ, 4 ಬೆಳ್ಳುಳ್ಳಿ ಎಸಳು , ಕೊತ್ತಂಬರಿ, ಸ್ವಲ್ಪ ಕಡಲೆಕಾಯಿ, 2 ತುರಿ ತೆಂಗಿನಕಾಯಿ, ಉಪ್ಪು, 3 ಚಮಚ ಎಣ್ಣೆ, ತುಪ್ಪ ಅರ್ಧ ಕಪ್.

ಪಲಾವ್ ಮಾಡುವ ವಿಧಾನ:

ಲವಂಗ, ಚೆಕ್ಕೆ, ಏಲಕ್ಕಿಯನ್ನು ಜಜ್ಜಿ ಇಟ್ಟುಕೊಳ್ಳಬೇಕು. ಕ್ಯಾರೆಟ್, ಬೀನ್ಸ್ ಹೂ ಕೋಸುಅನ್ನು ಹೆಚ್ಚಿ ಚೆನ್ನಾಗಿ ತೊಳೆದು ಉಪ್ಪು ಹಾಕಿ ಬೇಯಿಸಿ ಎಳೆ ಬಟಾಣಿಯನ್ನು ಬೇಯಿಸಿ ಹಾಕಿ .

ನಂತರ ಹಸಿಮೆಣಸಿನ ಕಾಯಿಯನ್ನು ಮತ್ತು ಕೊತ್ತಂಬರಿ ಸೊಪ್ಪನ್ನು, ಸ್ವಲ್ಪ ತೆಂಗಿನಕಾಯಿ, 4 ಬೆಳ್ಳುಳ್ಳಿ ಎಸಳು, ಲವಂಗ, ಚೂರು ಚೆಕ್ಕೆ, ಸ್ವಲ್ಪ ಕೊತ್ತಂಬರಿ, 1 ತಂಡು ಹಸಿ ಶುಂಠಿ, ಎಲ್ಲ ಹಾಕಿ ತರಿತರಿಯಾಗಿ ರುಬ್ಬಿ ತೆಗೆದು ಬೆಂದ ತರಕಾರಿಗೆ ಹಾಕಿ ಕುದುಸಬೇಕು.

ಆ ಮೇಲೆ ಒಲೆಯ ಮೇಲೆ ಬಾಣಲೆ ಇಟ್ಟು ಸ್ವಲ್ಪ ಎಣ್ಣೆ ಹಾಕಿ ಕಾದ ನಂತ್ರ ಈರುಳ್ಳಿಯನ್ನು ಸಿಪ್ಪೆ ತೆಗೆದು ಹೆಚ್ಚಿ ಹಾಕಿ ಕೆಂಪಗೆ ಹುರಿದು , ಜಜ್ಜಿಟ್ಟ ಏಲಕ್ಕಿ, ಲವಂಗ ಚೆಕ್ಕೆಯನ್ನು ಹಾಕಿ,

ಅಕ್ಕಿಯನ್ನು ಚೆನ್ನಾಗಿ ತೊಳೆದು ಹಾಕಿ ಮುಚ್ಚಿಡಬೇಕು. ಸ್ವಲ್ಪ ಹುರಿಯಬೇಕು. ಸ್ವಲ್ಪ ಬಿಳಿ ಬಿಳಿ ಆಗುವಾಗ, ನೀರು ಹಾಕಿ ಮುಚ್ಚಿಡಬೇಕು. ಉದುರುದುರಾಗಿ ಬೆಂದ ನಂತರ ಸ್ವಲ್ಪ ತುಪ್ಪ, ಉಪ್ಪು ಹಾಕಿ ಮುಚ್ಚಿಡಬೇಕು.

ಕಡಲೆ ಕಾಯಿ ಸ್ವಲ್ಪ ಎಣ್ಣೆಯಲ್ಲಿ ಹುರಿದು ಹಾಕಿ ಬೆರಸಿ ಇಳಿಸುವುದು. ಟೊಮೇಟೋ ಮೊಸರು ಗೊಜ್ಜಿನ್ನೊಂದಿಗೆ ತಿನ್ನಲು ರುಚಿ,ಅಥವಾ ಕೂರ್ಮದೊಂದಿಗೆ ತಿನ್ನಲು ರುಚಿ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ