ಚೀನಾದೋರು ಗಿಫ್ಟ್ ಕೊಡೊ ವಿಷ್ಯದಲ್ಲಿ ಎಷ್ಟು ನಾಜೂಕು ಅಂತ ಗೊತ್ತಾದ್ರೆ ತುಂಬಾ ಆಶ್ಚರ್ಯ ಪಡ್ತೀರಿ.
1. ಚೀನಾದ ಜನ ಗಿಫ್ಟ್ ಬದಲಾಗಿ ದುಡ್ಡು ಕೊಡೋದೇ ಜಾಸ್ತಿ.
ನಾವೆಲ್ಲಾ ಏನಪ್ಪಾ ಗಿಫ್ಟ್ ಕೊಡೋದು ಅಂತ ಎಷ್ಟೊಂದು ತಲೆ ಕೆದಿಸ್ಕೋತೀವಿ. ಆದ್ರೆ ಚೀನಾ ಮಂದಿ ಸಾಮಾನ್ಯವಾಗಿ ದುಡ್ಡನ್ನೇ ಕೊಡೋದಂತೆ. ಮಕ್ಕಳಿಗೆ ಕೊದೋವಾಗ 1 ಡಾಲರ್ ಗಿಂತ ಜಾಸ್ತಿ ದುಡ್ಡು ಕೊಡೋದಿಲ್ವಂತೆ. ಯುವಕರಿಗಾದ್ರೆ ಸ್ವಲ್ಪ ಜಾಸ್ತಿ ಕೊಡ್ತಾರಂತೆ. ಆದ್ರೆ ಆ ದುಡ್ಡನ್ನ ಹೇಗೆ ಖರ್ಚು ಮಾಡ್ಬೇಕು ಅನ್ನೋದನ್ನ ಮಾತ್ರ ದೊಡ್ಡೊರೆ ನಿರ್ಧಾರ ಮಾಡೋದಂತೆ.
2. ದುಡ್ಡು ಕೊಡೋದಕ್ಕೆ ಕೆಂಪು ಬಣ್ಣದ ಕವರನ್ನೇ ಬಳಸ್ತಾರಂತೆ.
ಕೆಂಪು ಶುಭಸೂಚಕ ಅನ್ನೋದು ಚೀನಿಯರ ನಂಬಿಕೆ. ಅದಿಕ್ಕೆ ದುಡ್ಡನ್ನ ಯಾವಾಗ್ಲೂ ಕೆಂಪು ಬಣ್ಣದ ಕವರಲ್ಲಿಟ್ಟು ಕೊಡ್ತಾರೆ. ಆ ಕವರಿನ ಮೇಲೆ ಗೋಲ್ಡ್ ಕಲರ್ನಲ್ಲಿ ಸಂತೋಷ ಮತ್ತೆ ಐಶ್ವರ್ಯ ಸೂಚಿಸೊ ತರ ಪದಗಳನ್ನ ಬರೆದಿರ್ತಾರಂತೆ.
ಆದ್ರೆ ತಮ್ಮ ಹೆಸರನ್ನ ಮಾತ್ರ ಯಾವ ಕಾರಣಕ್ಕೂ ಬರಿಯೋದಿಲ್ಲ.
3. ಬಿಳಿ ಬಣ್ಣದ ಕವರ್ನಲ್ಲಿ ದುಡ್ಡು ಕೊಡೋದು ಅಶುಭ ಸಂದರ್ಭದಲ್ಲಿ ಮಾತ್ರ.
ಯಾರಾದ್ರೂ ಪ್ರೀತಿಪಾತ್ರರಾದೋರು ತೀರಿಕೊಂಡ್ರೆ ಅಂತ ಸಂದರ್ಭದಲ್ಲಿ ಅವರ ಮನೆಯವರಿಗೆ ಸಹಾಯ ಮಾಡೋ ಉದ್ದೇಶದಿಂದ ತಮ್ಮ ಕೈಲಾಗೋವಷ್ಟು ದುಡ್ಡನ್ನ ಬಿಳಿ ಬಣ್ಣದ ಕವರ್ನಲ್ಲಿ ಹಾಕಿ ಕೊಡ್ತಾರೆ. ಆ ಕವರ್ ಮೇಲೆ ಸಮಾಧಾನ ಹೇಳೋ ತರದ ಒಂದೆರಡು ಸಾಲು ಬರೀತಾರಷ್ಟೆ. ಯಾವ್ದೇ ಕಾರಣಕ್ಕೂತಮ್ಮ ಹೆಸರನ್ನ ಬರೆಯೋದಿಲ್ಲ.
4.ಗಿಫ್ಟ್ ತರ ಕೊಡೊ ಈ ದುಡ್ಡು ಯಾವಾಗ್ಲೂ ಸಮ ಸಂಖ್ಯೆನೆ ಆಗಿರುತ್ತೆ.
ಆಡ್ ಈಸ್ ಬ್ಯಾಡ್ ಅಂತ ನಂಬೋ ಚೀನಾದ ಜನ ಬೆಸ ಸಂಖ್ಯೆ ಬರೋತರ ಹಣವನ್ನ ಕೊಡೋದಿಲ್ಲ. ಯಾವಾಗ್ಲೂ ಅದು ಸಮ ಸಂಖ್ಯೆ ಆಗಿರುತ್ತೆ. ಆದ್ರೆ 4 ಅನ್ನೋ ನಂಬರ್ ಬರೋದನ್ನೂ ಅವ್ರು ಇಷ್ಟ ಪಡೋದಿಲ್ಲ. 4,14,400,40 ಯಾವ್ದೇ ಆಗಿರ್ಲಿ ಅದು ಚೀನಾದೋರ ಪ್ರಕಾರ ಕೆಟ್ಟದ್ದಂತೆ. ಅವರ ನ್ಯೂಮೇರಾಲಜಿ ಪ್ರಕಾರ 4 ಅಂದ್ರೆ ಸೈ ಅನ್ನೋ ಪದ ಸಾವು ಅನ್ನೋ ಪದದ ಹಾಗೆ ಕೇಳುತ್ತೆ. ಇದೇ ಕಾರಣಕ್ಕೆ ಅವರಿಗೆ 4 ಅನ್ನೋ ಸಂಖ್ಯೆ ಹಿಡಿಸೋದಿಲ್ಲ.
5. ಗಿಫ್ಟ್ ಕೊಡೋ ಹಣ ಸೂಪರ್ ಕ್ಲೀನಾಗಿರ್ಬೆಕು. ಇದು ಚೀನಾದೋರಿಗೆ ತುಂಬಾನೆ ಮುಖ್ಯವಾದ ವಿಷ್ಯ.
ಚೀನಾದೋರು ಗಿಫ್ಟ್ ಕೊಡೋ ದುಡ್ಡು ತುಂಬಾನೇ ಕ್ಲೀನಾಗಿರ್ಬೇಕು. ಯಾವ ಕಾರಣಕ್ಕೂ ಮಡಸಿರೋದೋ, ಕೊಳೆಯಾಗಿರೋದೋ ಇಲ್ಲಾ ಹರ್ದೋಗಿರೋದೋ ನೋಟನ್ನ ಕೊಡೋದಿಲ್ಲ. ಕಡ್ಡಾಯವಾಗಿ ಹೊಸದಾಗಿರೋ ನೋಟನ್ನೇ ಗಿಫ್ಟ್ ಆಗಿ ಕೊಡ್ತಾರೆ. ನೋಟಿನ ಜೊತೆ ನಮ್ಮ ಹಾಗೆ ಕೊಸರು ಅಂತ ಕಾಯಿನ್ನೆಲ್ಲಾ ಹಾಕೋದಿಲ್ಲ. ಸ್ವಚ್ಛ ಮತ್ತು ನಿರ್ಮಲ ಮನಸ್ಸಿನ ಸೂಚಕ ಹೊಸ ನೋಟು ಅನ್ನೋದು ಚೀನಾದೋರ ನಂಬಿಕೆ.
ಗಿಫ್ಟ್ ಕೋಡೋದಕ್ಕೂ ಚೀನಾದೋರು ಏನೇನೆಲ್ಲಾ ಕಟ್ಟುಪಾಡು ಪಾಲಿಸ್ತಾ ಇದೇರ ಅಂತ ಕೇಳಿ ಆಶ್ಚರ್ಯ ಆಯ್ತು ಅಲ್ವಾ…
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
