ಬಾಯಿ ಚಪ್ಪರಿಸೋ ಹಾಗೆ ಮಾಡೋ ಸಿಹಿ -ಖಾರ ಎರಡು ಇರೋ ಕಾಶ್ಮೀರಿ ಪಲಾವ್ ಮಾಡೋ ವಿಧಾನ ಸಕ್ಕತ್ ಸುಲಭ..

ಬೇಕಾಗುವ ಸಾಮಗ್ರಿಗಳು:

ಬಾಸ್ಮತಿ ಅಕ್ಕಿ – 2 ಕಪ್
ಬಟಾಣಿ ಬೇಯಿಸಿ – ½ ಕಪ್
ಕ್ಯಾರೆಟ್ ಸಣ್ಣಗೆ ತುಂಡು ಮಾಡಿ ಬೇಯಿಸಿ – ¼ ಕಪ್
ಕ್ಯಾಪ್ಸಿಕಂ – 1 ಸಣ್ಣಗೆ ತುಂಡು ಮಾಡಿ
ಈರುಳ್ಳಿ – ½ ಕಪ್
ಸಕ್ಕರೆ – 2 ಚಮಚ (ಸಿಹಿಗೆ ಅನುಗುಣವಾಗಿ)
ಉಪ್ಪು – 2 ಚಮಚ / ರುಚಿಗೆ ತಕ್ಕಂತೆ
ಪಿಸ್ತಾ, ಬಾದಾಮಿ, ಗೋಡಂಬಿ, ಒಣ ದ್ರಾಕ್ಷಿ – ¼ ಕಪ್
ಕ್ರೀಂ – 2 ಟೇಬಲ್ ಚಮಚ
ಹಾಲು – 1 ಟೇಬಲ್ ಚಮಚ- ಇದಕ್ಕೆ ಸ್ವಲ್ಪ ಕೇಸರಿ ಸೇರಿಸಿ ಕುದಿಸಿಡಬೇಕು.
ಚೆಕ್ಕೆ – ½” ಸಣ್ಣ ತುಂಡು / ಅಥವಾ 1-2 ಎಲೆ
ಏಲಕ್ಕಿ – 2
ಜೀರಿಗೆ – ¼ ಚಮಚ
ತುಪ್ಪ / ಬೆಣ್ಣೆ – 2 ಟೇಬಲ್ ಚಮಚ
ಹಣ್ಣುಗಳು ( ದ್ರಾಕ್ಷಿ, ಸೇಬು , ಪೈನ್ ಆಪಲ್ ) – ಬೇಕಾದಷ್ಟು ಸಣ್ಣಗೆ ತುಂಡು ಮಾಡಿ

ಮಾಡುವ ವಿಧಾನ:

ಎರಡು ಕಪ್ ಅಕ್ಕಿಯನ್ನು ತೊಳೆದು 3 ಗ್ಲಾಸ್ ನೀರಿನಲ್ಲಿ ರುಚಿಗೆ ತಕ್ಕಷ್ಟು ಉಪ್ಪು, ಸಕ್ಕರೆ, 2 ಚಮಚ ತುಪ್ಪ ಹಾಕಿ ಬೇಯಿಸಬೇಕು. ಬೆಂದ ನಂತರ ಕುಕ್ಕರಿನ ಮುಚ್ಚಳ ತೆಗೆದಿಡಬೇಕು ಅಥವಾ ಒಂದು ದೊಡ್ಡ ಬಟ್ಟಲಿನಲ್ಲಿ ಅನ್ನವನ್ನು ಹರಡಿಡಬೇಕು.

ಇದರಿಂದ ಅನ್ನ ಉದುರಾಗಿರುತ್ತದೆ.

ಇನ್ನೊಂದು ಪಾತ್ರೆಯಲ್ಲಿ ತುಪ್ಪ ಬಿಸಿಮಾಡಿ ಇದರಲ್ಲಿ ಡ್ರೈ ಫ್ರುಟ್ಸ್ ಗಳನ್ನು ಹುರಿದು ತೆಗೆದಿಡಬೇಕು.

ನಂತರ ಇದೇ ತುಪ್ಪದಲ್ಲಿ ಈರುಳ್ಳಿಯನ್ನು ಚೆನ್ನಾಗಿ ಹುರಿಯಬೇಕು. ಇದಕ್ಕೆ ಚಕ್ಕೆ, ಏಲಕ್ಕಿ, ಜೀರಿಗೆ, ಕ್ಯಾಪ್ಸಿಕಂ ಸೇರಿಸಿ ಸ್ವಲ್ಪ ಹುರಿಯಿರಿ. ಬೇಯಿಸಿದ ಕ್ಯಾರೆಟ್, ಬಟಾಣಿ ಸೇರಿಸಿ ಸ್ವಲ್ಪ ಹುರಿದುಕೊಂಡು ನಂತರ ಕೇಸರಿ ಹಾಲು, ಕ್ರೀಂ ಮತ್ತು ಬೇಯಿಸಿಟ್ಟ ಅನ್ನವನ್ನು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ ಒಲೆಯಿಂದ ಇಳಿಸಿ.ಕೊನೆಯಲ್ಲಿ ದ್ರಾಕ್ಷಿ, ಆಪಲ್, ಅಥವಾ ನಿಮಗೆ ಬೇಕಾದ ಹಣ್ಣುಗಳನ್ನು ಸೇರಿಸಿ ತಿನ್ನಲು ಕೊಡಿ.

ಇದನ್ನು ಹಾಗೆಯೇ ತಿನ್ನಬಹುದು ಅಥವಾ ರಾಯತ ದೊಂದಿಗೆ ಸವಿಯಬಹುದು

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ