‘ಸಂಜುಕ್ತ ಪರಶರ್’ಎಂಬ ಮಹಿಳಾ ಐಪಿಎಸ್ ಅಧಿಕಾರಿ. 

 

ಸಾಮಾನ್ಯವಾಗಿ ಈ ಸಮಾಜದಲ್ಲಿ ಮಹಿಳೆಯರಿಗೆ ಹೊರಗಡೆ ಕೆಲಸಕ್ಕೆ  ಕಳುಹಿಸಲು ಹೆದರುತ್ತಾರೆ.ಒಂದು ವೇಳೆ ಕಳುಹಿಸಿದರು ಅದು ಯಾವುದೇ ಅಪಾಯಗಳು ಇರದಂತಹ ಶಿಕ್ಷಕಿ,ಬ್ಯಾಂಕ್ ಕೆಲಸ ,ವೈದ್ಯೆ ಮುಂತಾದ ಅಪಾಯಗಳಿಲ್ಲದ ಕೆಲಸಕ್ಕೆ ಕಳುಹಿಸುತ್ತಾರೆ.ಆದರೆ ಈ ಎಲ್ಲಕ್ಕಿಂತ ಒಂದು ಹೆಜ್ಜೆ ಮುಂದೆ ಹೋಗಿ ‘ಸಂಜುಕ್ತ ಪರಶರ್’ಎಂಬ ಮಹಿಳೆ ಇಂದು ಸಾಧನೆಯ ಶಿಖರವನ್ನೇರಿ ನಿಂತಿದ್ದಾರೆ.

ಸಂಜುಕ್ತ ಪರಶರ್ ರು ಅಸ್ಸಾಮಿನವರು, ಇವರು ಬಾಲ್ಯದಿಂದಲೂ ಸಹ ಅತ್ಯಂತ ದೈರ್ಯಶಾಲಿಯಾಗಿದ್ದರು.ಅವರ ಪ್ರಾರ್ಥಮಿಕ ಶಿಕ್ಷಣವು ಮುಗಿದ ತಕ್ಷಣ ಅವರು ತಮ್ಮ ಮುಂದಿನ ವ್ಯಾಸಂಗಕ್ಕಾಗಿ ದೆಹಲಿಗೆ ಹೋಗಿ ಅಲ್ಲಿ ಅವರು ಪೊಲಿಟಿಕಲ್ ಸೈನ್ಸ್ ನಲ್ಲಿ ಪದವಿಯನ್ನು ಪಡೆಯುತ್ತಾರೆ.ನಂತರ ಇವರು ಪ್ರಸಿದ್ಧ ಜವಾಹರಲಾಲ್ ನೆಹರು ವಿಶ್ವವಿದ್ಯಾಲಯದಿಂದ PHD ಪದವಿಯನ್ನು ಪಡೆಯುತ್ತಾರೆ.

 

ಮುಂದೆ ಇವರು ಸಿವಿಲ್ ಸರ್ವಿಸ್ ಪರೀಕ್ಷೆಯಲ್ಲಿ 85ನೇ ರಾಂಕ್ ಪಡೆದು ಉತ್ತೀರ್ಣಳಾಗಿ ಈ ಮೂಲಕ ಐಪಿಎಸ್ ಅದಿಕಾರಿಯಾಗುತ್ತಾರೆ.ಚಿಕ್ಕಂದಿನಿಂದಲೂ ಭಯೋತ್ಪಾದನೆಯನ್ನು ಕಂಡು ಬೇಸತ್ತು ಹೋಗಿದ್ದ ಸಂಜುಕ್ತಾ ಅದನ್ನು ಮಟ್ಟ ಹಾಕುವ ಪಣತೊಟ್ಟರು.ಅವರು ಕೆಲಸ ಮಾಡಲು ಶಾಂತಿಯುತ ನಗರಗಳ ಪಟ್ಟಿಯಿದ್ದರೂ ಸಹ ಭಯೋತ್ಪಾನೆ ಹೆಚ್ಚಾಗಿದ್ದ ಮೇಘಾಲಯ ಮತ್ತು ಅಸ್ಸಾಮ್ ಪ್ರದೇಶಗಳನ್ನೇ ಆಯ್ದುಕೊಂಡರು.

ಸಂಜುಕ್ತಾ ಅವರು 2008 ರಲ್ಲಿ ಅಸಿಸ್ಟಂಟ್ ಕಂಮ್ಯಾಂಡ್ ಆಗಿ ಮುಕುಂ ಎಂಬಲ್ಲಿಗೆ ನೇಮಕಗೊಂಡಳು.ಆದರೆ ಬಹುಬೇಗ ಅವರು ಬೋಡೋ ಮತ್ತು ಬ್ಲ್ಯಾಂಗ್ಲಾದೇಶಿಗಳ ನಡುವೆ ಗಲಾಟೆಗಳು ನಡೆಯುತ್ತಿದ್ದ ಉಡಾಲ್ ಗಿರಿ ಎಂಬಲ್ಲಿಗೆ ವರ್ಗಾವಣೆ ಗೊಂಡರು.ಅಲ್ಲಿ ಅವರು 15 ತಿಂಗಳಲ್ಲಿ ಸುಮಾರು 16 ಬೋಡೋ ಭಯೋತ್ಪಾದಕರನ್ನು ಕೊಂದಳು ಮತ್ತು 64 ಅಪರಾಧಿಗಳನ್ನು ಅರೆಸ್ಟ್ ಮಾಡಿ ಅವರಿಗೆ ಶಿಕ್ಷೆ ಕೊಡಿಸಿದಳು.ಇದಾದ ಬಳಿಕ ‘ಸಂಜುಕ್ತ ಪರಶರ್’ ಎಲ್ಲರ ಮನೆ ಮಾತಾದಳು.

‘ಸಂಜುಕ್ತ ಪರಶರ್’ ನಾಲ್ಕು ವರ್ಷದ ಮಗುವಿನ ಒಬ್ಬ ತಾಯಿಯಾಗಿದ್ದಳು ಅವಳ ಅನುಪಸ್ಥಿತಿಯಲ್ಲಿ ಆ ,ಮಗುವನ್ನು ಅವರ ತಾಯಿ ಆರೈಕೆ ಮಾಡುತ್ತಿದ್ದರೆ ಅತ್ತ ‘ಸಂಜುಕ್ತ ಪರಶರ್’ ರವರು ತಮ್ಮ ವೈಯಕ್ತಿಕ ಜೀವನದ ಕಡೆ ತುಸು ಕ್ಷಣವೂ ಗಮನ ಕೊಡದೆ AK47 ಪಿಸ್ತೂಲನ್ನು ಹಿಡಿದು ಉಗ್ರರೊಂದಿಗೆ ಹೋರಾಡುತ್ತಿದ್ದರು.
ಇವರಿಗೆ ಎನ್.ಡಿ.ಎಫ್.ಬಿ ಕಡೆಯಿಂದ ಹಲವು ಬಾರಿ ಹೆದರಿಸಿದರು ಆದರೆ ಈ ಹೆದರಿಕ್ಕೆ ಸಂಜುಕ್ತರ ಕೆಲಸಕ್ಕೆ ಅಡ್ಡಿಯಾಗಿರಲಿಲ್ಲ. ಅವರು ತಮ್ಮ ಕರ್ತವ್ಯ ಸರಿಯಾಗಿ ನಿರ್ವಯಿಸಿದರು. ಇವರು “ಬರೆ ಕ್ರಿಮಿನಲ್ ಮಾತ್ರ ಭಯ ಪಡಬೇಕು”ಎಂದು ಹೇಳುತ್ತಾರೆ. ಇವರು ‘ಅಸ್ಸಾಮಿನ ಉಕ್ಕಿನ ಮಹಿಳೆ’ ಎಂದು ಪ್ರಸಿದ್ದಿಯನ್ನು ಪಡೆದು ದೇಶದ ಎಲ್ಲ ಯುವತಿಯರಿಗೆ ಮಾದರಿಯಾಗಿದ್ದಾರೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ