ಗ್ರ್ಯಾಂಡ್ ಫಿನಾಲೆಯಲ್ಲಿ  ಸಾಧಕರ ಸೀಟ್ ಮೇಲೆ ಕೂರುವ ಅವಕಾಶಪಡೆದ ಗೋಲ್ಡನ್ ಸ್ಟಾರ್.

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ರಿಯಾಲಿಟಿ ಶೋ ಗಳಲ್ಲಿ ಒಂದಾದ ವೀಕೆಂಡ್ ವಿಥ್ ರಮೇಶ್ ಮೂರನೇ ಸೀಸನ್ ಮುಗಿಯುವ ಹಂತದಲ್ಲಿದೆ. ಕಳೆದೆರಡು ಎಪಿಸೋಡ್ ಗಳಲ್ಲಿ ರಾಜಕಾರಣಿಗಳ ಎಂಟ್ರಿಯಾಗಿತ್ತು. ಹೆಚ್ ಡಿ ದೇವೇಗೌಡ ಹಾಗು ಸಿದ್ದರಾಮಯ್ಯ ಈ ಸಾಧಕರ ಸೀಟನ್ನ ಅಲಂಕರಿಸಿ ಅಚ್ಚರಿ ಮೂಡಿಸಿದ್ದರು. ಈಗ ಸೀಸನ್ ನ ಕೊನೆಯ ಅತಿಥಿ ಯಾರು ಎಂದು ಜೀ ಕನ್ನಡ ಚಾನೆಲ್ ಬಹಿರಂಗಪಡಿಸಿದೆ.

ಈ ವಾರ ವೀಕೆಂಡ್ ವಿಥ್ ರಮೇಶ್ ಕಾರ್ಯಕ್ರಮದ ಗ್ರ್ಯಾಂಡ್ ಫಿನಾಲೆ ನಡೆಯಲಿದ್ದು ಇದಕ್ಕೆ ಸಾಧಕರ ಸೀಟ್ ಮೇಲೆ ಕೂರಲು ಗೋಲ್ಡನ್ ಸ್ಟಾರ್ ಗಣೇಶ್ ರವರು ಬರುತ್ತಿದ್ದಾರೆ.ಕಾರ್ಯಕ್ರಮದಲ್ಲಿ ಗಣೇಶ್ ಪಾಲ್ಗೊಳ್ಳಬೇಕು ಎಂದು ಮೊದಲ ಆವೃತ್ತಿಯಿಂದಲೂ ಅಭಿಮಾನಿಗಳು ಒತ್ತಾಯಿಸುತ್ತಿದ್ದರು. ಆದ್ರೆ, ಹಲವು ಕಾರಣಗಳಿಂದಾಗಿ ಅದು ಸಾಧ್ಯವಾಗಿರಲಿಲ್ಲ. ಆದರೆ ಇದೀಗ ಆ ಕಾಲ ಕೂಡಿ ಬಂದಿದೆ.

ಈಗಾಗಲೇ ಕಾರ್ಯಕ್ರಮದ ರೆಕಾರ್ಡಿಂಗ್ ಮುಕ್ತಾಯವಾಗಿದ್ದು ಅದರ ಪ್ರೋಮೋಗಳನ್ನು ಜೀ ಕನ್ನಡ ಚಾನೆಲ್ ನಲ್ಲಿ ಹಾಕಲಾಗುತ್ತಿದೆ.ಗಣೇಶ್ ರವರ ‘ವೀಕೆಂಡ್ ವಿತ್ ರಮೇಶ್’ ಸಂಚಿಕೆ ಜುಲೈ 1 ಹಾಗೂ 2 ರಂದು, ಗಣೇಶ್ ರವರ ಹುಟ್ಟುಹಬ್ಬದ ಪ್ರಯುಕ್ತ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗಲಿದೆ.

ಈ ಕಾರ್ಯಕ್ರಮದ ಮತ್ತೊಂದು ವಿಶೇಷವೆಂದರೆ ಗಣೇಶ್ ರವರ ಭೂಮಿಕೆಯಲ್ಲಿ ಮತ್ತು ಯೋಗರಾಜ್ ಭಟ್ ರವರ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಬಹು ನಿರೀಕ್ಷಿತ ‘ಮುಗುಳುನಗೆ’ ಚಿತ್ರದ ಒಂದು ಹಾಡು ಸಹ ಈ ಕಾರ್ಯಕ್ರಮದಲ್ಲಿ ಬಿಡುಗಡೆಯಾಗಲಿದೆ.
ಗಣೇಶ್ ಸಂಚಿಕೆ ಮೂಲಕ ‘ ವೀಕೆಂಡ್ ವಿಥ್ ರಮೇಶ್ ಮೂರನೇ ಸೀಸನ್ ‘ ಮುಕ್ತಾಯವಾಗಲಿದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ