ನಮ್ ಪ್ರಪಂಚದ ಕಲರ್ಪುಲ್ ಸ್ಟೋರಿ.

ನೀರಿಗೆ ಬಣ್ಣ ಇಲ್ಲ, ವಾಸನೆ ಇಲ್ಲ, ರುಚೀನೂ ಇಲ್ಲ . ಇದನ್ನೆಲಾ ಸ್ಕೂಲ್‌ನಲ್ಲಿ ಮಿಸ್ ಹೇಳ್ಕೊಟ್ಟಿದ್ರು ಅಲ್ವಾ? ಆದ್ರೂ ಕೂಡ ಕೆಲವು ನದಿ, ಕೆರೆ, ಸಮುದ್ರದ ನೀರು ರಂಗುರಂಗಾಗಿ ಇರೋದನ್ನ ನಾವೂ ಗಮಾನಿಸ್ತಾನೆ ಇರ್ತೀವಿ. ಅದಕ್ಕೆಲ್ಲಾ ಕಾರಣಗಳನ್ನೂ ತಿಳ್ಕೊಂಡಿರ್ತೀವಿ. ಆದ್ರೆ ನಮ್ಮ ಪರ್ಪಂಚದಲ್ಲಿ ಚಿತ್ರ ವಿಚಿತ್ರ ಬಣ್ಣದ ನೀರಿನ ಸೆಲೆಗಳಿವೆ. ಹಾಗೆ ಇರೋದಿಕ್ಕೆ ಸೂಕ್ತವಾದ ಕಾರಣನೂ ಇದೆ. ಅದೆಲ್ಲಿದೆ? ಏನ್ ಕತೆ? ಏನ್ ಹೆಸ್ರು? ಎಲ್ಲಾ ಹೇಳ್ತೀವಿ ಓದ್ತಾ ಹೋಗಿ.

 

ಲಗುನ ಕೊಲೊರಡ – ಬೊಲಿವಿಯ

ರೆಡ್ ಲಗೂನ್ ಅಂತ ಕೂಡ ಕರೆಸಿಕೊಳ್ಳೋ ಭಯಾನಕ ರಕ್ತದ ಬಣ್ಣದ ಈ ನೀರಿನ ಸರೋವರ ಇರೋದು ಚಿಲಿ ದೇಶದ ಬಾರ್ಡರ್ ನಲ್ಲಿರೋ ಒಂದು ಅರಣ್ಯ ಸಂರಕ್ಷಿತ ಪ್ರದೇಶದಲ್ಲಿ. ಚಿತ್ರ ವಿಚಿತ್ರವಾದ ಪ್ರಾಣಿ ಪಕ್ಷಿಗಳಿಗೆ ಗಿಡ ಮರಗಳಿಗೆ ಹೆಸರಾಗಿರೋ ಈ ಅರಣ್ಯ ಪ್ರದೇಶದಲಿರೋ ಈ ಸರೋವರದ ನೀರು ಹೀಗೆ ಕೆಂಪು ಬಣ್ಣದ ನೀರಿನಿಂದ ಕೂಡಿದೆ. ಇನ್ನು ಹೀಗೆ ಈ ನೀರು ಇರೋದಕ್ಕೆ  ಕಾರಣವೊಂದು ಇರ್ಲೇಬೇಕಲ್ಲ? ಅದೇನು ಅಂತೀರ? ನೀರಿನಡಿಯಲ್ಲಿ ಬೆಳೆಯೋ ಆಲ್ಗೇಗಳು. ಇವು ದಟ್ಟ ರಕ್ತ ವರ್ಣದಿಂದ ಕೂಡಿರೋದರಿಂದಲೇ ನೀರು ಕೂಡ ಹೀಗೆ ಕೆಂಪಗಿರೋದು. ಇಲ್ಲಿ ಅತೀ ಹೆಚ್ಚು ಪ್ಲೆಮಿಂಗೋ ಪಕ್ಷಿಗಳೂ ತಮ್ಮ ನೆಲೆಯನ್ನ ಕಂಡುಕೊಂಡಿವೆ.

 

ಪೇಟೋ ಲೇಕ್ ಕೆನಡ

ಪೇಟೋ ಲೇಕ್ ಇರೋದು ಕೆನಡ ದೇಶದಲ್ಲಿ. ಸುತ್ತಲೂ ಕಾಡು ಕಣಿವೆ ಬೆಟ್ಟ ಗುಡ್ಡ ಎಲ್ಲವೂ ಇದೆ. ಟ್ರೆಕ್ಕಿಂಗ್ ಇಷ್ಟಪಡೋರಿಗೆ ಇದು ಸ್ವರ್ಗನೇ ಸರಿ. ಇಲ್ಲಿನ ಈ ಸರೋವರದ ನೀರು ಭಯಾನಕ ರಕ್ತ ಬಣ್ಣದಲ್ಲಿಲ್ಲ ಬದಲಾಗಿ ದಟ್ಟ ನೀಲಿ ಬಣ್ಣದಲ್ಲಿದೆ. ಇದು ಆಲ್ಗೇ ಪ್ರಭಾವ ಅಲ್ಲ ಬದಲಾಗಿ ನೀರಿನಡಿಯಲ್ಲಿರೋ ಖನಿಜವೊಂದರ ಬಣ್ಣದ ಪ್ರಭಾವದಿಂದ. ಬೆಟ್ಟದ ಮೇಲಿಂದ ಈ ರಮ್ಯ ಸರೋವರವನ್ನ ನೋಡೋದೇ ಕಣ್ಣಿಗೆ ಹಬ್ಬ. ಹಾಗಂತಿರೋದು ನಾನಲ್ಲ ಈ ಪ್ರದೇಶಕ್ಕೆ ಟ್ರೆಕ್ಕಿಂಗ್ ಹೋಗಿರೋ ಪ್ರವಾಸಿಗರು.

 

ಫ಼್ಲಾಟ್ ಹೆಡ್ ಲೇಕ್

ಸತ್ಯ ಹೇಳಬೇಕೆಂದ್ರೆ ಇದು ಸರೋವರ ಅಲ್ಲ. ಎರಡು ನದಿಗಳಾ ಸಂಗಮದಿಂದ ಉಂಟಾದ ನೀರಿನ ಪಾತ್ರ. ಸ್ವಾನ್ ನದಿಯ ಜೊತೆ ಫ಼್ಲಾಟ್ ಹೆಡ್ ನದಿ ಸೇರಿ ಈ ಸರೋವರವನ್ನ ಸೃಷ್ಟಿಸಿದೆ. ಇಲ್ಲಿನ ವಿಶೇಷ ಅಂದ್ರೆ ೩೦೦ ಅಡಿ ಆಳದಲ್ಲಿರೋ ಕಲ್ಲು, ಮರಳು, ಕಪ್ಪೆಚಿಪ್ಪು, ಶಂಖು, ಮೀನು, ಜಲಸಸ್ಯ ಎಲ್ಲವು ಗ್ಲಾಸ್ ಒಂದರ ಅಡಿಯಲ್ಲಿವೆಯೇನೋ ಅನ್ನೋ ಹಾಗೆ ಕಾಣುತ್ತೆ. ಗಾಜಿನಷ್ಟೇ ಕಲ್ಮಷ ರಹಿತವಾಗಿ ಈ ನೋರು ಇದೆ. ಇದೇ ಇಲ್ಲಿಯ ವೈಚಿತ್ರ್ಯ.

 

ಆಸ್ಟ್ರೇಲಿಯಾದ ಪಿಂಕ್ ಲೇಕ್

೬೦೦ ಮೀಟರ್ ಉದ್ದದ ಈ ಪಿಂಕ್ ಲೇಕ್ ತನ್ನ ಉದ್ದ ಮಾತ್ರವಲ್ಲ ತನ್ನ ಬಣ್ಣದಿಂದ ಕೂಡ ಫ಼ೇಮಸ್. ಇಲ್ಲಿನ ಈ ಗುಲಾಬಿ ಬಣ್ಣಕ್ಕೆ ಕಾರಣ ಈ ನೀರಿನಲ್ಲಿರೋ ಕನಿಜಾಂಶ ಆ ಖನಿಂಜಾಶದಿಂದ ಜೀವಿಸ್ತಾ ಇರೋ ಬ್ಯಾಕ್ಟೀರಿಯಾದಿಂದ. ಪಿಂಕ್ ಸರೋವರದಿಂದ ಕೆಲವೇ ದೂರದಲ್ಲಿರೋ ಪೆಸಿಪಿಕ್ ಸಾಗರದ ನೀಲಿ ಈ ಗುಲಾಬಿ ಬಣ್ಣವನ್ನ ಮತ್ತಷ್ಟು ಆಕರ್ಷಣೀಯವಾಗಿ ತೋರಿಸುತ್ತೆ.

 

ಏನಂತೀರಿ ಪ್ರಕೃತಿ ಎಷ್ಟೋಂದು ಸುಂದರ ಅಲ್ವಾ? ಇಷ್ಟಕ್ಕೆ ಮುಗೀಲಿಲ್ಲ ಕಾಮನಬಿಲ್ಲಿನ ಕೆರೆ ಕೂಡ ಇದೆ. ಅದಿರೋದು ದಟ್ಟವಾದ ಕಾಡಿನ ಮಧ್ಯದಲ್ಲಿ. ಅಲ್ಲಿಗೆ ಹೋಗೋದು ಅಷ್ಟು ಸುಲಭ ಅಲ್ಲ. ಆದ್ರೆ ಅಂತಾದ್ದೊಂದು ಜಾಗಕ್ಕೆ ಜೀವಮಾನದಲ್ಲೊಮ್ಮೆಯಾದ್ರೂ ಹೋಗ್ಲೇಬೇಕು ಅನ್ನಿಸೋ ಹಾಗಿದೆ ಆ ಕಾಡಿನ ಸೌಂದರ್ಯ. ಈ ಕಾಮನಬಿಲ್ಲಿನ ಕೆರೆ ಇರೋದು ಕೊಲಂಬಿಯಾದ ಕಂಗಾರೀ ನ್ಯಾಷನಲ್ ಪಾರ್ಕ್ ಅನ್ನೋ ಕಾಡಿನಲ್ಲಿ. ನೀರಿನಲ್ಲಿ ಈ ಬಣ್ಣದ ಚಿತ್ತಾರ ಮೂಡೋದಿಕ್ಕೆ ಕಾರಣ ಆ ಮಣ್ಣಿನಲ್ಲಿರೋ ಹಲವಾರು ರೀತಿಯ ಖನಿಜ ಸಂಪತ್ತು ಜೊತೆಗೇ ಮರಗಳ ಬೇರುಗಳಿಂದ ಒಸರೋ ಒಂದು ತರದ ಜಿಡ್ಡಿನ ಅಂಶ. ಏನೇ ಆಗ್ಲಿ ಆಕಾಶದಿಂದ ಕೆಳಗಿಳಿದು ಬಂದಹಾಗಿರೋ ಈ ಕೆರೆ ಪ್ರಕೃತಿಯ ವೈಶಿಷ್ಟ್ಯ.

ಹೇಗಿದೆ ನಮ್ ಪ್ರಪಂಚದ ಕಲರ್ಪುಲ್ ಸ್ಟೋರಿ!

ನಮ್ ಪರಪಂಚದ ಕಲರ್ಪುಲ್ ಸ್ಟೋರಿ ಇಷ್ಟ ಆದ್ರೆ ನಮ್ಮ ಪುಟ fb.com/Aralikattez ಲೈಕ್ ಮಾಡೋಕೆ ಮರೀಬೇಡಿ ಯಾಕಂದ್ರೆ ನಿಮ್ಮ ಒಂದೊಂದು ಲೈಕ್ ತುಂಬಾ ಮುಖ್ಯ .

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ