ಸುಲಭವಾಗಿ ಪಾನ್ ಕಾರ್ಡ್ಗೆ ಆಧಾರ್ ಲಿಂಕ್ ಮಾಡಿಸುವುದು ಹೇಗೆ ?

ಕೇಂದ್ರ ಸರ್ಕಾರವು  ಪ್ಯಾನ್ ಕಾರ್ಡ್ ಮತ್ತು ಆಧಾರ್ ನಂಬರ್ ಜೋಡಣೆ ಕಡ್ಟಾಯಗೊಳಿಸಿದ್ದು, ಇದೇ ಜುಲೈ 1ರಿಂದ ಇದು ಜಾರಿಗೆ ಬರುವಂತೆ ಅಧಿಸೂಚನೆ ಹೊರಡಿಸಿದೆ.ಸಾಕಷ್ಟು ಮಂದಿಗೆ ಆಧಾರ್-ಪ್ಯಾನ್ ಜೋಡಣೆಯ ಮಾಹಿತಿ  ಸರಿಯಾಗಿ ತಿಳಿದಿಲ್ಲ.ಕೇಂದ್ರ ಸರ್ಕಾರ ತಿಳಿಸಿರುವಂತೆ ಆಧಾರ್ ನಂಬರ್ ಅನ್ನು ಪ್ಯಾನ್ ಕಾರ್ಡ್ ಗೆ ಜೋಡಣೆ ಮಾಡುವ ವಿವಿಧ ಬಗೆಗಳನ್ನು ಇಲ್ಲಿ ವಿವರಿಸಲಾಗಿದೆ.

ಮೊದಲನೇ ಹಂತ:

ಮೊದಲು ನೀವು ಆದಾಯ ತೆರಿಗೆ ಇಲಾಖೆಯ ಅಧಿಕೃತ ವೆಬ್ ಸೈಟ್ ಆದ

https://www.incometaxindiaefiling.gov.in/ ಗೆ ಹೋಗಬೇಕು.

ಎರಡನೆಯ ಹಂತ:

ವೆಬ್‍ಸೈಟ್ ಓಪನ್ ಆಗುತ್ತಿದ್ದಂತೆ ಪುಟದ ಎಡ ಭಾಗದಲ್ಲಿ  ಸರ್ವಿಸಸ್ ಎನ್ನುವ ವಿಭಾಗ ಇದೆ. ಇದರಲ್ಲಿ ಮೇಲುಗಡೆ ‘ಲಿಂಕ್ ಆಧಾರ್’  ಎಂಬುದು ಬ್ಲಿಂಕ್ ಆಗುತ್ತಿರುತ್ತದೆ. ಈ ‘ಲಿಂಕ್ ಆಧಾರ್’ ಅನ್ನು   ಕ್ಲಿಕ್ ಮಾಡಿ

 

ಮೂರನೇ ಹಂತ:

‘ಲಿಂಕ್ ಆಧಾರ್’ ಕ್ಲಿಕ್ ಮಾಡಿದ ತಕ್ಷಣ  ಒಂದು ಬೇರೆ ಪುಟವು ತೆರೆಯುತ್ತದೆ. ಇದರಲ್ಲಿ ನೀವು ನಿಮ್ಮ ಆಧಾರ್ ಸಂಖ್ಯೆ ,ಪಾನ್ ಸಂಖ್ಯೆ, ಹೆಸರುಗಳನ್ನೂ ಕೊಟ್ಟಿರು ಜಾಗಗಳಲ್ಲಿ ಕ್ರಮವಾಗಿ  ಟೈಪ್ ಮಾಡಬೇಕು. ನಂತರ ಬಳಿಕ ಕೆಳಗೆ  ಕಾಣುವ  ಕಾಪ್ಚಾ ಕೋಡ್ ಅನ್ನು ಬಾಕ್ಸ್ ನಲ್ಲಿ ನಮೂದಿಸಿ.  ಒಂದು ವೇಳೆ  ಕ್ಯಾಪ್ಚಾ ಕೋಡ್ ಚಿತ್ರವು ಬರೆದೆ ಇದ್ದರೆ ಒಟಿಪಿ(ಒನ್ ಟೈಮ್ ಪಾಸ್‍ವರ್ಡ್) ಆಯ್ಕೆಯೂ ಇದೆ. ಸೇರಿಸಬೇಕಾದ ಎಲ್ಲ ಮಾಹಿತಿಗಳನ್ನು ಟೈಪ್ ಮಾಡಿದ ನಂತರ ಕೆಳಗೆ  ಹಸಿರು ಬಾಕ್ಸ್ ನಲ್ಲಿರುವ ಲಿಂಕ್ ಆಧಾರ್ ಅನ್ನು  ಕ್ಲಿಕ್ ಮಾಡಬೇಕು. ನೀವು ಟೈಪ್ ಮಾಡಿದ ಆಧಾರ್ ಮಾಹಿತಿ ಮತ್ತು ಪಾನ್ ಸಂಖ್ಯೆಗಳು ಸರಿಯಾಗಿ ಇದ್ದರೆ ನಿಮ್ಮ ಈ ಜೋಡಣಾ ಪ್ರಕ್ರಿಯೆ ಯಶಸ್ವಿಯಾಗಿದೆ ಎನ್ನುವ ಸಂದೇಶ ಸ್ಕ್ರೀನ್‍ನಲ್ಲಿ ತಕ್ಷಣವೇ ಬರುತ್ತದೆ. ಒಂದು ವೇಳೆ ಈ ಸಂದೇಶ ಬಾರದೇ ಇದ್ದಲ್ಲಿ ನೀವು ತಪ್ಪು ಮಾಹಿತಿ ನೀಡಿದ್ದೀರಿ ಎಂದು ತಿಳಿದುಕೊಳ್ಳಬೇಕು.

 

ಎಸ್ಎಂಎಸ್ ಮೂಲಕ ಆಧಾರ್-ಪ್ಯಾನ್ ಜೋಡಣೆ:

ವೆಬ್ ಸೈಟ್ ನಲ್ಲಿ  ಆಧಾರ್ ಜೋಡಣೆ ಮಾಡುವುದು ತಿಳಿಯುವುದಿಲ್ಲ ಎನ್ನುವವರು ತಮ್ಮ ಮೊಬೈಲ್ ನಲ್ಲಿ ಎಸ್ ಎಂಎಸ್ ಮೂಲಕವೂ ಆಧಾರ್-ಪ್ಯಾನ್ ಜೋಡಣೆ ಮಾಡಬಹುದು. ಇದಕ್ಕಾಗಿ ನಿಮ್ಮ ರಿಜಿಸ್ಟರ್ಡ್ ಮೊಬೈಲ್  ಮೂಲಕ  567678 ಅಥವಾ 56161 ಈ ಸಂಖ್ಯೆಗೆ ಕೆಳಕಂಡ ರೀತಿಯಲ್ಲಿ sms ಕಳುಹಿಸುವುದರ ಮೂಲಕ  ಮೂಲಕ ಆಧಾರ್-ಪ್ಯಾನ್ ಜೋಡಣೆ ಮಾಡಬಹುದು.

UIDPAN<SPACE><12 digit Aadhaar><Space><10 digit PAN>

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ