ನಿಮ್ಮ ಬೆರಳುಗಳಲ್ಲಿ ಇರುವ ಶಂಖ,ಚಕ್ರದ ಆಧಾರದ ಮೇಲೆ ನಿಮ್ಮ ಭವಿಷ್ಯ.

ಅಸ್ತ ಸಾಮುದ್ರಿಕಾ ಶಾಸ್ತ್ರದಲ್ಲಿ ಅಂಗಶಾಸ್ತ್ರ ತುಂಬಾ ಪ್ರಮುಖ ಪಾತ್ರ ವಹಿಸುತ್ತದೆ. ಬೆರಳುಗಳಲ್ಲಿನ ಶಂಖ, ಚಕ್ರ, ಚಿಹ್ನೆಗಳ ಮಹತ್ವವನ್ನು ತಿಳಿಸುತ್ತದೆ. ಬ್ರಹ್ಮನ  ಸೃಷ್ಟಿಯಲ್ಲಿಯೇ ಪ್ರತಿಯೊಂದು ಬೆರಳುಗಳಲ್ಲಿ ಅವರ ಕರ್ಮಾನುಸಾರ ಅವರ ಹಣೆಬರಹದ ಆಧಾರದ ಮೇಲೆ ಅವರ ಭೂತ,ಭವಿಷ್ಯತ್ ಮತ್ತು ವರ್ತಮಾನ ಭವಿಷ್ಯವನ್ನು ತಿಳಿಸುತ್ತದೆ. ಈ ಬೆರಳುಗಳ ಅಂಗಶಾಸ್ತ್ರದ ಮುಖಾಂತರ ಸಾಕಷ್ಟು ವಿಚಾರಗಳನ್ನು ತಿಳಿದುಕೊಳ್ಳಬಹುದು.

ಕೈ ಬೆರಳುಗಳಲ್ಲಿ ಎಷ್ಟು ಚಕ್ರಗಳಿವೆ,ಎಷ್ಟು ಶಂಖಗಳಿವೆ   ಎಂಬ ಮಹತ್ವದ ವಿಚಾರದ ಮೇಲೆ ಅವರ ಭವಿಷ್ಯದ ವಿಚಾರವನ್ನು ತಿಳಿದುಕೊಳ್ಳಬಹುದು.ಹಾಗಾದರೆ  ತಡ ಯಾಕೆ ಬನ್ನಿ ಕೂಲಂಕುಷವಾಗಿ ತಿಳಿದುಕೊಳ್ಳೋಣ.

ಜ್ಯೋತಿಶ್ಶಾಸ್ತ್ರಾದ ಪ್ರಕಾರ ಪಂಡಿತರು ಹೇಳುವಂತೆ 

ಒಂದು ಚಕ್ರವಿದ್ದರೆ ಸುಖವಂತರು,ಯೋಗ ಪುರುಷರು, ನೆಮ್ಮದಿಯಿಂದ ಜೀವನ ನೆಡೆಸುತ್ತಾರೆ.

ಎರಡು ಚಕ್ರವಿದ್ದರೆ ರಾಜ ಮರ್ಯಾದೆ,ಉನ್ನತ ಪದವಿಗಳನ್ನು ಪಡೆಯುತ್ತಾರೆ, ಸುಖ,ಸಮೃದ್ಧಿಯಿಂದ ಬಾಳುತ್ತಾರೆ.

ಮೂರು ಚಕ್ರಗಳಿದ್ದರೆ ದೊಡ್ಡ ಶ್ರೀಮಂತರಾಗುತ್ತಾರೆ, ಎಲ್ಲಾ ರಂಗಗಳಲ್ಲಿಯೂ ಸಹ ಉನ್ನತಿಗೆ ಹೋಗುತ್ತಾರೆ.

ನಾಲ್ಕು ಚಕ್ರಗಳಿದ್ದರೆ ಜೀವನದಲ್ಲಿ ದಾರಿದ್ರ್ಯವನ್ನು ಅನುಭವಿಸುತ್ತಾ , ಕ್ರೂರಿಗಳಾಗಿ, ಕಷ್ಟದಿಂದ ಕೂಡಿದ ಜೀವನವನ್ನು ನಡೆಸುತ್ತಾರೆ.

ಐದು ಚಕ್ರಗಳಿದ್ದರೆ  ಸ್ತ್ರೀಯರ ಸಹವಾಸವನ್ನು ಮಾಡಿ ಎಲ್ಲವನ್ನು ಸರ್ವನಾಶ ಮಾಡಿಕೊಳ್ಳುತ್ತಾರೆ,ಮಾನಸಿಕ ಚಂಚಲತೆ (ಚಂಚಲ ಮನಸ್ಸು) ಇವರಿಗೆ ಹೆಚ್ಚು ಇರುತ್ತದೆ.

ಆರು ಚಕ್ರಗಳಿದ್ದರೆ ಅತಿಯಾದ ಕಾಮದ ಆಸೆಯಿಂದ ಕಷ್ಟದಲ್ಲಿ ಬೀಳುತ್ತಾರೆ.

ಏಳು ಚಕ್ರಗಳಿದ್ದರೆ ಸುಖ,ಸಂಪತ್ತನ್ನು ಪಡೆಯುವರು. ಆರೋಗ್ಯವು ಚೆನ್ನಾಗಿರುತ್ತದೆ.

ಎಂಟು ಚಕ್ರಗಳಿದ್ದರೆ ನಿರಂತರವಾಗಿ ಖಾಯಿಲೆಯಿಂದ ಬಳಲುತ್ತಿರುತ್ತಾರೆ, ಮಾನಸಿಕ ನೆಮ್ಮದಿ ಇರಲ್ಲ.

ಒಂಬತ್ತು ಚಕ್ರಗಳಿದ್ದರೆ ರಾಜ ಸಮಾನರಾಗಿ ಇರುವರು, ರಾಜ್ಯ ಭಾರ ಮಾಡುವವರು, ಮಂತ್ರಿ ಪದವಿಯನ್ನು ಅಲಂಕರಿಸುವವರು.

ಹತ್ತು ಚಕ್ರಗಳಿದ್ದರೆ ಮಹಾನ ಯೋಗಿಯಾಗಿ, ಮಹಾಮೇಧಾವಿಯಾಗಿ ಮತ್ತು ದೇಶಾಧಿಪತಿಯೂ ಆಗಿ ಕೀರ್ತಿವಂತರಾಗುವರು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ