ರುಚಿಯಾದ ರವೆ ಉಂಡೆ ಮಾಡುವ ವಿಧಾನ

ಬೇಕಾಗಿರುವ ಸಾಮಗ್ರಿಗಳು :

ಚಿರೋಟಿ ರವೆ ಕಾಲು ಕಿಲೋ
ಸಕ್ಕರೆ ರುಚಿಗೆ ಅನುಸಾರ
ಸ್ವಲ್ಪ ತುಪ್ಪ
ದ್ರಾಕ್ಷಿ ಗೋಡಂಬಿ
ಏಲಕ್ಕಿ ಪುಡಿ
ತೆಂಗಿನ ಕಾಯಿ ತುರಿ (ಅರ್ಧ ಹೋಳು ಕಾಯಿತುರಿ)

ವಿಧಾನ :

ರವೆಯನ್ನು ಸ್ವಲ್ಪ ತುಪ್ಪದೊಂದಿಗೆ ಗೋಡಂಬಿಯ ಜೊತೆಗೆ ಹೊನ್ನಿನ ಬಣ್ಣ ಬರುವವರೆಗೂ ಹುರಿಯಿರಿ
ಅದಕ್ಕೆ ಕಾಯಿ ತುರಿ ಅಥವಾ ಕೊಬ್ಬರಿ ತುರಿ ಹಾಕಿ ಎರಡು ನಿಮಿಷ ಹುರಿಯಿರಿ
ಸಕ್ಕರೆಯನ್ನು ಪುಡಿ ಮಾಡಿಕೊಳ್ಳಿ
ರವೆ ಬಿಸಿ ಇರುವಾಗಲೇ ಅದಕ್ಕೆ ಸಕ್ಕರೆ ಪುಡಿ, ದ್ರಾಕ್ಷಿ, ಏಲಕ್ಕಿ ಪುಡಿ ಬೆರೆಸಿ
ಸ್ವಲ್ಪ ಹಾಲನ್ನು ಮೇಲೆ ಚುಮುಕಿಸಿ ಹದವಾಗಿ ಕಲೆಸಿಕೊಳ್ಳಿ (ಹಾಲು ಉಂಡೆ ಕಟ್ಟಲು ಬೇಕಾದಷ್ಟು ಮಾತ್ರ ಹಾಕಿ)
ಗುಂಡಾದ ಉಂಡೆಗಳನ್ನು ಕಟ್ಟಿ
ಇಷ್ಟು ಮಾಡಿದರೆ ರವೆ ಉಂಡೆ ಸವಿಯಲು ಸಿದ್ಧ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ