ರುಚಿಯಾದ ಚಿಕನ್ ಗೀ ರೋಸ್ಟ್ ತಯಾರಿಸುವ ವಿಧಾನ

ಬೇಕಾಗುವ ಸಾಮಗ್ರಿಗಳು:

ಚಿಕನ್ ಬೋನ್ ಲೆಸ್ -ಅರ್ಧ ಕಿ ಲೋ
ಒಣ ಕೆಂಪು ಮೆಣಸು 15-20 (ಖಾರ ಬೇಕಿದ್ದರೆ ಇನ್ನೊಂದು ನಾಲ್ಕು ಮೆಣಸು ಹಾಕಬಹುದು)
ಕರಿಮೆಣಸಿನ ಪುಡಿ -ಅರ್ಧಚಮಚ
ಅರಶಿಣ ಪುಡಿ – ಅರ್ಧ ಚಮಚ
ಬೆಳ್ಳುಳ್ಳಿ 2 ಎಸಳು
ಕರಿಬೇವಿನ ಎಲೆ 4 ,5
ಶುಂಠಿ ಚಿಕ್ಕ ತುಂಡು
ಉಪ್ಪು ರುಚಿಗೆ
ಮೊಸರು ಅರ್ಧ ಕಪ್
ಹುಣಸೆ ಹಣ್ಣು -ರುಚಿಗೆ
ತುಪ್ಪ 150 ಮಿಲೀ

ತಯಾರಿಸುವ ವಿಧಾನ:

ಹುಣಸೆ ಹಣ್ಣಿನ ರಸ ಮಾಡಿ ಅದರಲ್ಲಿ ಒಣ ಕೆಂಪು ಮೆಣಸನ್ನು ಒಂದು ರಾತ್ರಿ ನೆನೆಹಾಕಬೇಕು.

ಹುಣಸೆ ಒಣ ಕೆಂಪು ಮೆಣಸು ರಸ , ಶುಂಠಿ, ಬೆಳ್ಳುಳ್ಳಿ, ಸ್ವಲ್ಪ ಕರಿಮೆಣಸು ಹಾಕಿ ಚೆನ್ನಾಗಿ ಪೇಸ್ಟ್ ಮಾಡಬೇಕು.

ನಂತರ 100 ಮಿಲೀ ತುಪ್ಪ ಹಾಕಿ ತುಪ್ಪ ಬಿಸಿಯಾದಾಗ ಸ್ವಲ್ಪ ಕರಿಬೇವಿನ ಎಲೆ ಮತ್ತು ಈ ಮೆಣಸಿನ ಪೇಸ್ಟ್ ಹಾಕಿ ಚೆನ್ನಾಗಿ ಹುರಿಯಬೇಕು.

ತುಪ್ಪ ಮಿಶ್ರಣದ ಮೇಲ್ಭಾಗದಲ್ಲಿ ತೇಲುವಂತೆ ಇರಬೇಕು. ನಂತರ ಅದಕ್ಕೆ ಚಿಕನ್ ಮತ್ತು ರುಚಿಗೆ ಉಪ್ಪು ಮತ್ತು ಸ್ವಲ್ಪ ಮೊಸರು ಹಾಕಿ ಬೇಯಿಸಬೇಕು.
ಮಿಶ್ರಣ ತುಂಬಾ ಗಟ್ಟಿಯಾಗಿದ್ದರೆ ಇನ್ನೂ ಸ್ವಲ್ಪ ಮೊಸರು ಹಾಕಿ ಚೆನ್ನಾಗಿ ಮಿಶ್ರಮಾಡಿ
ಚಿಕನ್ ಬೆಂದ ತಕ್ಷಣ ಉರಿಯಿಂದ ತೆಗೆಯಬೇಕು.
ಈ ಚಿಕನ್ ಗೀ ರೋಸ್ಟ್ ಸವಿಯಲಿ ಸಿದ್ಧ

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ