ರುಚಿಯಾದ ಮಶ್ರೂಮ್ ನೂಡಲ್ಸ್ ಈಗ ಮನೇಲಿ ಮಾಡ್ಕೋಬಹುದು

ಬೇಕಾಗುವ ಸಾಮಾಗ್ರಿಗಳು:

ಅಣಬೆ – ಒಂದು ಕಪ್
ನೂಡಲ್ಸ್ -ಒಂದು ಕಪ್
ಈರುಳ್ಳಿ ಸಣ್ಣಗೆ ಕತ್ತರಿಸಿದ್ದು – 2
10 ಬೆಳ್ಳುಳ್ಳಿ ಎಸಳು (ಜಜ್ಜಿದ)
ಜೀರಿಗೆ ಸ್ವಲ್ಪ
ಹಸಿಮೆಣಸಿನ ಕಾಯಿ ಕತ್ತರಿಸಿದ್ದು 2
ಹಾಲಿನ ಕೆನೆ – 4 ಚಮಚ
ಬೆಣ್ಣೆ- 3 ಚಮಚ
ಉಪ್ಪು ರುಚಿಗೆ ತಕ್ಕಷ್ಟು
ಕರಿಮೆಣಸಿನ ಪುಡಿ – 1/2 ಚಮಚ
ಚೀಸ್ ತುರಿದದ್ದು 5 ಚಮಚ

ತಯಾರಿಸುವ ವಿಧಾನ:

ನೂಡಲ್ಸ್ ಅನ್ನು ಒಂದು ಪಾತ್ರೆಗೆ ಹಾಕಿ ರುಚಿಗೆ ಸ್ವಲ್ಪ ಉಪ್ಪು ಮತ್ತು ನೀರು ಹಾಕಿ ಬೇಯಿಸಬೇಕು.

ನಂತರ ಬೆಂದ ನೂಡಲ್ಸ್ ಅನ್ನು ತಣ್ಣನೆಯ ನೀರಿನ ಬಟ್ಟಲಿಗೆ ಹಾಕಿ ತೆಗೆಯಬೇಕು.

ಶುಚಿ ಮಾಡಿಟ್ಟ ಮಶ್ರೂಮ್ ಚಿಕ್ಕ ತುಂಡುಗಳಾಗಿ ಕತ್ತರಿಸಬೇಕು.

ಒಂದೂವರೆ ಚಮಚ ಬೆಣ್ಣೆಯನ್ನು ಬಾಣಲೆಯಲ್ಲಿ ಹಾಕಿ ಬಿಸಿ ಮಾಡಬೇಕು.

ಈಗ ನೂಡಲ್ಸ್ ಅನ್ನು ಅದರಲ್ಲಿ ಹಾಕಿ ಚಿಟಿಕೆಯಷ್ಟು ಉಪ್ಪು ಹಾಕಿ ಫ್ರೈ ಮಾಡಿ ಪಕ್ಕಕ್ಕೆ ಇಡೀ

ಒಂದೂವರೆ ಚಮಚ ಬೆಣ್ಣೆಯನ್ನು ಬಿಸಿ ಮಾಡಿ ಅದರಲ್ಲಿ ಈರುಳ್ಳಿ ಮತ್ತು ಬೆಳ್ಳುಳ್ಳಿ, ಹಸಿಮೆಣಸಿನ ಕಾಯಿ ಹಾಕಿ, ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.

ಅಣಬೆ ಮತ್ತು ಸ್ವಲ್ಪ ಜೀರಿಗೆ ಹಾಕಿ 2 ನಿಮಿಷ ಬಿಸಿಮಾಡಬೇಕು. ನಂತರ ರುಚಿಗೆ ತಕ್ಕ ಉಪ್ಪು ಮತ್ತು ಕಾಳುಮೆಣಸಿನ ಪುಡಿ ಮತ್ತು ಸ್ವಲ್ಪ ನೀರು ಹಾಕಿ ಅಣಬೆಯನ್ನು ಬೇಯಿಸಬೇಕು, ಅಣಬೆ ಬೆಂದಾಗ 4 ಚಮಚ ಹಾಲಿನ ಕೆನೆ (ಕ್ರೀಮ್) ಸೇರಿಸಬೇಕು.

2-3 ನಿಮಿಷ ಬೇಯಿಸಿ ನಂತರ ನೂಡಲ್ಸ್ ಹಾಕಿ ನಂತರ ತುರಿದ ಚೀಸ್ ಹಾಕಿ ಮಿಶ್ರ ಮಾಡಿದರೆ ರುಚಿಕರವಾದ ಮಶ್ರೂಮ್ ನೂಡಲ್ಸ್ ಫ್ರೈ ರೆಡಿ.
ಇದನ್ನು ಟೊಮೆಟೊ ಸಾಸ್ ಜೊತೆ ಬಿಸಿಬಿಸಿಯಾಗಿ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ