ಆಧಾರ್ ಕಾರ್ಡ್ ಗೆ ನಿಮ್ಮ ಕಳೆದುಹೋದ ಮೊಬೈಲ್ ನಂಬರ್ ಅನ್ನು ತೆಗೆದುಹಾಕಿ ಹೊಸ ನಂಬರನ್ನು ನವೀಕರಿಸುವುದು ಹೇಗೆ ಗೊತ್ತಾ?

 

ಆಧಾರ್ ಕಾರ್ಡ್ ಭಾರತದ ಪ್ರತಿ ನಾಗರಿಕನು ಹೊಂದಿರಬೇಕಾದ ಅತ್ಯಂತ ಮುಖ್ಯವಾದ ದಾಖಲೆಯಾಗಿದೆ. ನೀವು ಆಧಾರ್ ಕಾರ್ಡ್ ಮಾಡಿಸಿದಾಗ ಇದ್ದಂತಹ ಮೊಬೈಲ್ ನಂಬರ್ ಅನ್ನು ಬಳಸಲು ನೀವು ನಿಲ್ಲಿಸಿದಾಗ ಅಥವಾ ನಿಮ್ಮ ಸಂಖ್ಯೆಯನ್ನು ನೀವು ಬದಲಾಯಿಸಿದಾಗ ಅಥವಾ ಅದು ಕಳೆದು ಹೋದಾಗ ನೀವು ಹೊಸ ಮೊಬೈಲ್ ಅನ್ನು ಖರೀದಿಸಿರುತ್ತೀರಿ. ಆ ಹೊಸ ನಂಬರನ್ನು ಆಧಾರ್ ಕಾರ್ಡ್ ಗೆ ಹೇಗೆ ಲಿಂಕ್ ಮಾಡಬೇಕೆಂದು ಗೊತ್ತಿಲ್ಲದ ಕಾರಣದಿಂದ ಎಷ್ಟೋ ಮಂದಿ ತಮ್ಮ ಹೊಸ ಮೊಬೈಲ್ ನಂಬರನ್ನ ಆಧಾರ್ ಕಾರ್ಡ್ ಗೆ ಅಪ್ ಡೇಟ್ ಮಾಡಿಸಿರೋದಿಲ್ಲ. ಈ ಕೆಳಗೆ ತಿಳಿಸಿರುವ ಸೂಚನೆಗಳನ್ನು ಅನುಸರಿಸಿ ಆಧಾರ್ ಕಾರ್ಡ್ ಗೆ ನಿಮ್ಮ ಹೊಸ ಮೊಬೈಲ್ ನಂಬರನ್ನು ನವೀಕರಿಸಿಕೊಳ್ಳಿ.

 

 

1. ಆಧಾರ್ ದಾಖಲಾತಿ ಕೇಂದ್ರಕ್ಕೆ ಭೇಟಿ ಕೊಡಿ

 

ಆಧಾರ್‌ಕಾರ್ಡ್‌ಗೆ ಈಗಾಗಲೇ ನೋಂದಾಯಿಸಲ್ಪಟ್ಟ ಮೊಬೈಲ್ ನಂಬರ್ ಹಾಳಾಗಿದ್ದರೆ, ಅಥವಾ ಕಳೆದು ಹೋಗಿದ್ದರೆ ನೂತನ ಮೊಬೈಲ್ ನಂಬರ್ ಲಿಂಕ್ ಮಾಡಿಸಲು ನೀವು ನಿಮ್ಮ ಹತ್ತಿರದ ಆಧಾರ್ ದಾಖಲಾತಿ ಕೇಂದ್ರಕ್ಕೆ ಭೇಟಿ ಕೊಡಬೇಕು.ಅಲ್ಲಿ ಆಧಾರ್ ತಿದ್ದುಪಡಿ /ಅಪ್ ಡೇಟ್ ಅರ್ಜಿಯನ್ನು ಅವರಿಂದ ಪಡೆಯಿರಿ. ಆ ಅರ್ಜಿಯನ್ನು ಭಾರ್ತಿ ಮಾಡಿ ಆ ಅರ್ಜಿಯ ಜೊತೆ ಒಂದು ಪ್ರತು ಆಧಾರ್ ಕಾರ್ಡ್ ಅನ್ನು ಸಂಬಂಧಪಟ್ಟವರಿಗೆ ಕೊಡಿ.

2. ಹೊಸ ಮೊಬೈಲ್ ನಂಬರ್ ಗೆ ಒಟಿಪಿ ಬರುತ್ತದೆ.

ನಂತರ ಅವರು ನೀವು ಕೊಟ್ಟ ಧಾಖಲಾತಿಗಳನ್ನು ಪರಿಶೀಲನೆ ನೆಡಸುತ್ತಾರೆ. ನಂತರ ನಿಮ್ಮ ಹೊಸ ಮೊಬೈಲ್‌ ನಂಬರ್‌ ಅನ್ನು ನಿಮ್ಮ ಆಧಾರ್‌ ನಂಬರ್‌ಗೆ ಸೇರಿಸುತ್ತಾರೆ. ನಂತರ ನಿಮ್ಮ ಹೊಸ ನಂಬರ್ ಗೆ ಒನ್ ಟೈಮ್ ಪಾಸ್‌ವರ್ಡ್(OTP) ಬರುತ್ತದೆ.

3.ಬಯೋಮೆಟ್ರಿಕ್ ಮಾಹಿತಿ

ನಿಮ್ಮ ನೂತನ ಮೊಬೈಲ್‌ನಂಬರ್‌ಗೆ ಬಂದ ಒಟಿಪಿ ಪರಿಶೀಲನೆ ಮಾಡಿದ ನಂತರ ನಿಮ್ಮ ಬಯೋಮೆಟ್ರಿಕ್ (ಬೆರಳಚ್ಚು/ ಕಣ್ಣಿನ ಪಾಪೆ)ಸ್ಕ್ಯಾನ್ ಮಾಡುವುದಕ್ಕೆ ನೀವು ಸಹಕರಿಸಬೇಕು. ಈ ಪ್ರಕ್ರಿಯೆ ಪೂರ್ಣಗೊಂಡ ನಂತರ ನಿಮ್ಮ ಹೊಸ ಮೊಬೈಲ್ ಸಂಖ್ಯೆಗೆ ಆಧಾರ್‌ ಅಟ್ಯಾಚ್ ಆಗಿರುವ ನಿಮ್ಮ ಹೊಸ ಮೊಬೈಲ್ ನಂಬರ್ ಗೆ SMS ಬರುತ್ತದೆ.

4.ಹೊಸ ನಂಬರ್ ಲಿಂಕ್ ಆಯಿತು:

ಆಧಾರ್ ದಾಖಲಾತಿ ಕೇಂದ್ರದವರು ಸ್ವೀಕೃತಿ ಸ್ಲಿಪ್(acknowledgement) ಅನ್ನು ಕೊಡುತ್ತಾರೆ. ಮತ್ತು ನಿಮ್ಮ ಆಧಾರ್ ಕಾರ್ಡ್ ಗೆ ಹೊಸ ಮೊಬೈಲ್ ನಂಬರನ್ನು 2-3 ದಿನಗಳೊಳಗೆ ಸೇರಿಸಲಾಗುತ್ತದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ