ಹಬ್ಬದ ವಿಶೇಷ ಸಿಹಿ ಸಿಹಿ ಖಾದ್ಯ  ಕಾಯಿ ಹೋಳಿಗೆ ಮಾಡುವ ವಿಧಾನ

ಹಬ್ಬದ ವಿಶೇಷ ಸಿಹಿ ಸಿಹಿ ಖಾದ್ಯ  ಕಾಯಿ ಹೋಳಿಗೆ ಮಾಡುವ ವಿಧಾನ

ಕಾಯಿ ಹೋಳಿಗೆ ಹೂರಣ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

* ಸಣ್ಣದಾಗಿ ತುರಿದ ತೆಂಗಿನ ಕಾಯಿ – 1

* ಬೆಲ್ಲ –ಸುಮಾರು-300 gm.

* 1 ಟೀ ಸ್ಪೂನ್ ಯಾಲಕ್ಕಿ ಪುಡಿ

* ಎರಡು ಚಮಚದಸ್ಟು ಅಕ್ಕಿ ಹಿಟ್ಟು.

ಕಾಯಿ ಹೋಳಿಗೆ ಕಣಕ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

* ಮೈದಾ ಹಿಟ್ಟು 2 ಕಪ್

* ಚಿರೋಟಿ ರವಾ 1 ಕಪ್

* ಒಂದು ಸಣ್ಣ ಚಮಚ ಅರಸಿನ ಪುಡಿ.

*ಮತ್ತು  ಸ್ವಲ್ಪ  ಎಣ್ಣೆ

ಕಾಯಿ ಹೋಳಿಗೆ  ತಯಾರಿಸುವ ವಿಧಾನ:

*ತುರಿದ ತೆಂಗಿನ ಕಾಯಿಯನ್ನು ಮಿಕ್ಸಿಯಲ್ಲಿ ಹಾಕಿ ಎರಡು ಸುತ್ತು ತಿರುಗಿಸಿಕೊಳ್ಳಿ.

*ಒಂದು ಕಾವಲಿಯಲ್ಲಿ ತೆಂಗಿನ ಕಾಯಿ ತುರಿ,ಬೆಲ್ಲ ಸೇರಿಸಿ ಕದಕುತ್ತಿರಿ.ಪಾಕ ಬಂದ ನಂತರ ಯಾಲಕ್ಕಿ ಪುಡಿ ,ಅಕ್ಕಿ ಹಿಟ್ಟು ಹಾಕಿ ಚನ್ನಾಗಿ ಗೊಟಾಯಿಸಿ ಗ್ಯಾಸ್ ಆರಿಸಿ.ಆರಿದ ನಂತರ ನಿಂಬೇ ಹಣ್ಣು ಗಾತ್ರದಲ್ಲಿ ಉಂಡೆ ಮಾಡಿಕೊಳ್ಳಿ.

*ಒಂದು ಪಾತ್ರೆಯಲ್ಲಿ ಮೈದಾ ಹಿಟ್ಟು, ಚಿರೋಟಿ ರವಾ , ಅರಶಿನ ಪುಡಿ,ಎಣ್ಣೆ  ಸೇರಿಸಿ ಸ್ವಲ್ಪವೇ ನೀರು ಹಾಕುತ್ತ ಕಲಸಿಕೊಳ್ಳಿ.ಹಿಟ್ಟು ಹದವಾಗಿರಲಿ.ಅರ್ಧ ತಾಸು ನೆನೆಯಲು ಬಿಡಿ.

*ಕಣಕದ ಹಿಟ್ಟನ್ನು ಚೆನ್ನಾಗಿ ನಾದಿಕೊಂಡು ಗೋಲಿ ಗಾತ್ರದಲ್ಲಿ ಉಂಡೆ ಮಾಡಿಕೊಳ್ಳಿ.ಅದನ್ನು ಸ್ವಲ್ಪ  ಎಣ್ಣೆ ಕೈಯಲ್ಲಿ ತಟ್ಟಿಕೊಂಡು,ನಡುವೆ ಹೂರಣದ ಉಂಡೆ ಇರಿಸಿ ತಿರುಗಿಸಿ ಭದ್ರವಾಗಿ ಮುಚ್ಚಿರಿ.

*ಒಲೆಯ ಮೇಲೆ ತವ ಇರಿಸಿ.

*ಈಗ ಕಾಯಿ ಹೊಳಿಗೆಗಳನ್ನು ತೆಳ್ಳಗೆ ಲಟ್ಟಿಸಿ.ಕಾದ ತವಾದ ಮೇಲೆ ಹಾಕಿ ಎರಡು ಬದಿಗಳನ್ನು ಕೆಂಪಾಗಿ ಕಾಯಿಸಿ ಅರಲು ಬಿಡಿ.

*ಕಾಯಿ ಹೋಳಿಗೆಗಳು ತಯಾರಾಗಿವೆ. ಎಂಟು ದಿನಗಳಾದರೂ ಚೆನ್ನಾಗಿರುತ್ತವೆ.

*ತಯಾರಿಸುವ ಸಮಯ –ಸುಮಾರು-ಒಂದು ತಾಸು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ