fbpx
ಮನೋರಂಜನೆ

ಲೈಫ್ ಜೊತೆ ಒಂದ್ ಸೆಲ್ಫಿ ತೆಗೆಸಿಕೊಂಡ ರವಿಮಾಮ!

ವರ್ಷಾಂತಗರಗಳ ಗ್ಯಾಪ್ ನಂತರ ದಿನಕರ್ ತೂಗುದೀಪ ನಿರ್ದೇಶಿಸಿರುತ್ತಿರುವ ಸಿನಿಮಾ ಲೈಫ್ ಜೊತೆ ಸೆಲ್ಫಿ. ಈ ಸಿನಿಮಾದಲ್ಲಿ ಪ್ರಜ್ವಲ್ ದೇವರಾಜ್ ಮತ್ತು ನೆನಪಿರಲಿ ಪ್ರೇಮ್ ಒಟ್ಟಿಗೇ ನಟಿಸುತ್ತಿರೋ ವಿಚಾರ ಎಲ್ಲರಿಗೂ ಗೊತ್ತೇ ಇದೆ.

 


ಇದೀಗ ಬಂದಿರುವ ಸುದ್ದಿಯೇನೆಂದರೆ ಕ್ರೇಜಿಸ್ಟಾರ್ ರವಿಚಂದ್ರನ್ ‘ಲೈಫ್ ಜೊತೆ ಸೆಲ್ಫಿ’ಯಲ್ಲಿ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ತುಂಬಾ ಇಂಪಾರ್ಟೆಂಟ್ ಆದ, ಇಡೀ ಕತೆಗೆ ಟ್ವಿಸ್ಟ್ ಕೊಡೋ ಈ ಪಾತ್ರಕ್ಕಾಗಿ ಯಾರನ್ನು ಆಯ್ಕೆ ಮಾಡಿಕೊಳ್ಳೋದು ಅಂತಾ ಚಿತ್ರತಂಡ ಸಾಕಷ್ಟು ತಲೆ ಕೆಡಿಸಿಕೊಂಡಿತ್ತು. ಕಡೆಗೆ ಆ ಪಾತ್ರಕ್ಕೆ ರವಿಚಂದ್ರನ್ ಅವರನ್ನು ಆಯ್ಕೆ ಮಾಡಿಕೊಳ್ಳಲಾಯಿತಂತೆ. ಮೊನ್ನೆ ದಿನ ರವಿ ಸರ್ ಶೂಟಿಂಗ್‌ಗೆ ಕೂಡಾ ಹಾಜರಾಗಿ ‘ಗೆಸ್ಟ್ ರೋಲ್’ ಕಂಪ್ಲೀಟ್ ಮಾಡಿಕೊಟ್ಟಿದ್ದಾರೆ.

 

 

ಇತ್ತೀಚೆಗೆ ರವಿಚಂದ್ರನ್ ವಿಶೇಷ ಪಾತ್ರದಲ್ಲಿ ನಟಿಸಿದ ಚಿತ್ರಗಳೆಲ್ಲವೂ ಸೂಪರ್ ಹಿಟ್ ಆಗುತ್ತಿದೆ. ಈ ಹಿನ್ನೆಲೆಯಲ್ಲಿ ಲೈಫ್ ಜೊತೆ ಸೆಲ್ಫಿ ಕೂಡಾ ಚೆಂದದ್ದೊಂದು ಕಥೆ ಹೊಂದಿದೆಯಂತೆ. ಈ ಸಿನಿಮಾಗೆ ದಿನಕರ್ ಅವರ ಪತ್ನಿ ಮಾನಸ ಅವರೇ ಕಥೆ ಬರೆದಿದ್ದು, ರನ್ ಆಂಟನಿ ಸಿನಿಮಾದ ಮೂಲಕ ನಿರ್ದೇಶಕರಾಗಿ ಈಗ ಟಕ್ಕರ್ ಸಿನಿಮಾ ನಿರ್ದೇಶನದ ತಯಾರಿಯಲ್ಲಿರುವ ರಘು ಶಾಸ್ತ್ರಿ ಸಂಭಾಷಣೆ ಹೊಸೆದಿದ್ದಾರೆ. ಈ ತಲೆಮಾರಿಗೆ ತಾಕುವ ಕಥೆಯೊಂದಿಗೆ ಅಪಾರ ಹಾಸ್ಯ ಮತ್ತು ಕಾಡುಂವಥಾ ಸೆಂಟಿಮೆಂಟುಗಳು ಈ ಚಿತ್ರದಲ್ಲಿ ಬೆರೆತಿದೆ ಎನ್ನಲಾಗುತ್ತಿದೆ. ಅದರಲ್ಲೂ ಹರಿಪ್ರಿಯಾ ಪಾತ್ರವಂತೂ ಯಾರೂ ಮರೆಯಲೂ ಸಾಧ್ಯವಾಗಷ್ಟು ರೀತಿಯಲ್ಲಿ ಮೂಡಿಬಂದಿದೆಯಂತೆ.

 

 

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top