ಕ್ರಿಕೆಟ್

ಭಾರತದ ಯಾವ ಆಟಗಾರನೂ ಮಾಡದ ಎಡವಟ್ಟು ಮಾಡ್ಕೊಂಡ ಕನ್ನಡಿಗ ಕೆಎಲ್ ರಾಹುಲ್!

ನಿಧಹಸ್ ತ್ರಿಕೋನ ಸರಣಿಯ ನೆನ್ನೆ ನಡೆದ ಶ್ರೀಲಂಕಾ ವಿರುದ್ಧ ಪಂದ್ಯದಲ್ಲಿ ಈವರೆಗೆ ಅಂತಾರಾಷ್ಟ್ರೀಯ ಟಿ ಟ್ವೆಂಟಿ ಪಂದ್ಯಗಳಲ್ಲಿ ಭಾರತದ ಯಾವೊಬ್ಬ ಆಟಗಾರನೂ ಮಾಡದ ಎಡವಟ್ಟನ್ನು ಕನ್ನಡಿಗ ಲೋಕೇಶ್ ರಾಹುಲ್ ಮಾಡಿಕೊಂಡಿದ್ದಾರೆ.. ಅಷ್ಟಕ್ಕೂ ರಾಹುಲ್ ಮಾಡಿಕೊಂಡ ಆ ಅಚಾತುರ್ಯ ಏನು ಅಂತೀರಾ? ಮುಂದೆ ಓದಿ.

 

 

ಟ್ವೆಂಟಿ-20 ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಹಿಟ್ ವಿಕೆಟ್‌ಗೆ ಬಲಿಯಾದ ಮೊದಲ ಭಾರತೀಯ ಆಟಗಾರ ಎಂಬ ಅಪಖ್ಯಾತಿಗೆ ಕನ್ನಡಿಗ ಕೆಎಲ್ ರಾಹುಲ್ ಪಾತ್ರವಾಗಿದ್ದಾರೆ. ಎರಡನೇ ಇನ್ನಿಂಗ್ಸ್‌ನಲ್ಲಿ ಜೀವನ್ ಮೆಂಡೀಸ್ ಎಸೆದ ಪಂದ್ಯದ 10ನೇ ಓವರ್‌ನಲ್ಲಿ ಈ ಎಡವಟ್ಟು ಆಗಿದ್ದು 5ನೇ ಎಸೆತದಲ್ಲಿ ಸಿಂಗಲ್ ಕದಿಯುವ ಭರದಲ್ಲಿ ಕಾಲಿನಿಂದ ವಿಕೆಟ್‌ನ್ನು ತುಳಿಯುವ ಮೂಲಕ 18 ರನ್ ಗಳಿಸಿದ್ದ ರಾಹುಲ್ ಹಿಟ್ ವಿಕೆಟ್ ಆಗುವ ಮೂಲಕ ಔಟಾಗಿ ನಿರ್ಗಮಿಸಿದರು.

 

 

 

ಟ್ವೆಂಟಿ-20 ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಇದುವರೆಗೂ ಕೇವಲ ಒಂಬತ್ತು ಮಂದಿ ಬ್ಯಾಟ್ಸ್‌ಮನ್‌ಗಳು ಮಾತ್ರ ಹಿಟ್-ವಿಕೆಟ್‌ಗೆ ಬಲಿಯಾಗಿದ್ದು ಇವರಲ್ಲಿ ವಿಶ್ವ ಶ್ರೇಷ್ಠ ದಾಂಡಿಗ ಎಬಿಡಿ ವಿಲಿಲಿಯರ್ಸ್ ಕೂಡ ಇರುವುದು ವಿಶೇಷ. ಈ ಸಾಲಿಗೆ ಇದೀಗ ಕೆಎಲ್ ರಾಹುಲ್ ಸಹ ಸೇರ್ಪಡೆಗೊಂಡಿದ್ದಾರೆ.

 

 

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top