ಆರೋಗ್ಯ

ವಿಭೂತಿಯ ಮಹತ್ವ ಏನು ? ಏಕೆ ಹಣೆಗೆ ಹಚ್ಚುತ್ತಾರೆ ? ವೈಜ್ಞಾನಿಕ ಕಾರಣಗಳು

ವಿಭೂತಿಯ ಮಹತ್ವ ಏನು ? ಏಕೆ ಹಣೆಗೆ ಹಚ್ಚುತ್ತಾರೆ ? ವೈಜ್ಞಾನಿಕ ಕಾರಣಗಳು

ವಿಭೂತಿ:

 

ವಿಭೂತಿ ಎಂದರೆ ಪವಿತ್ರವಾದ ಬೂದಿ ಎಂದು ಕರೆಯಬಹುದು , ಯಜ್ಞಯಾಗಾದಿಗಳನ್ನು ನಡೆಸಿ ಯಜ್ಞದಲ್ಲಿ ಸುಟ್ಟ ವಸ್ತುಗಳು , ಆಯುರ್ವೇದದ ಗಿಡ ಮೂಲಿಕೆಗಳು ,ದೈವಾಂಶ ಕಡ್ಡಿಗಳು ಇನ್ನಿತರ ವಸ್ತು ಗಳನ್ನು ತುಪ್ಪದಲ್ಲಿ ಸುಟ್ಟು ತಯಾರಿಸಲಾಗುತ್ತದೆ.

 

 

ಭಸ್ಮ ಎಂದರೆ ಯಾವುದೇ ಸುಟ್ಟ ವಸ್ತುವಿನ ಶೇಷವೆ ಆಗಿದೆ, ಚಿತಾ ಭಸ್ಮ ಸತ್ತ ದೇಹದ ಬೂದಿ ಶಿವನಿಗೆ ಬಹಳ ಪ್ರಿಯ.

 

 

ಭಸ್ಮ ದಲ್ಲಿ ಮೂರು ವಿಧಗಳಿವೆ ಶಾಂತಿಕಾರ , ಪುಷ್ಟಿಕರ ಮತ್ತು ಕಮದ . ಶಾಂತಿಕಾರ ಭಸ್ಮ ಶಾಂತಿಯನ್ನು , ಪುಷ್ಟಿಕರ ಪೋಷಣೆಯನ್ನು, ಕಮದ ವ್ಯಕ್ತಿಯ ಇಚ್ಛೆಯನ್ನು ಪೂರೈಸುವ ಗುಣಗಳನ್ನು ಹೊಂದಿದೆ.

 

ನಿತ್ಯ ಕರ್ಮಗಳನ್ನು ಮುಗಿಸಿ , ಯೋಗಾಭ್ಯಾಸಗಳನ್ನು ಮಾಡಿ

 

ಭಸ್ಮವನ್ನು ಅಂಗೈಗೆ ತೆಗೆದುಕೊಂಡು ಸ್ವಲ್ಪ ನೀರನ್ನು ಸೇರಿಸಿ , ಬಲಗೈನ ಮದ್ಯದ ಮೂರು ಬೆರಳುಗಳಿಂದ ಹಚ್ಚಲಾಗುತ್ತದೆ
ಹೀಗೆ ಹಚ್ಚುವಾಗ ಮೂರು ಬಾರಿ ಶಿವನ ನಾಮ ಸ್ಮರಣೆ ಮಾಡಬೇಕು ಅಥವಾ ಮೃತ್ಯುಂಜಯ ಮಂತ್ರವನ್ನು ಪಠಿಸಬೇಕು.

 

 

ಭಸ್ಮವನ್ನು ಹಣೆ, ಹೃದಯ, ಕುತ್ತಿಗೆ, ಕೈ ,ಮೊಣಕೈ , ಖಾಸಗಿ ಅಂಗಗಳು ಮತ್ತು ಕಾಲುಗಳ ಮೇಲೆ ಹಚ್ಚಬಹುದು.

 

ಭಸ್ಮ ಎಂದರೆ ವೈಭವ ಅಥವಾ ವಿಜಯ ಎಂಬುದಾಗಿದೆ ಯಾರು ವಿಭೂತಿಯನ್ನು ಹಚ್ಚುತ್ತಾರೋ ಅವರು ವಿಜಯ ಸಾಧಿಸುತ್ತಾರೆ ಎಂಬ ಅರ್ಥ ಇದಾಗಿದೆ .

 

ಹೋಮವೆಂದರೆ ಜ್ಞಾನದ ಜ್ವಾಲೆಯಲ್ಲಿ ಮನುಷ್ಯನ ಅಹಂ ಮತ್ತು ಸ್ವಕೇಂದ್ರಿತ ಆಸೆಗಳು , ಅಶುದ್ಧ ಮನಸು ಬೆಂಕಿಯಲ್ಲಿ ಉರಿದು ಹೋಗಿರುತ್ತದೆ ಅಜ್ಞಾನ ಜಡತ್ವದಿಂದ ಮನಸು ದೂರವಾಗಿರುತ್ತದೆ
ಬೆಂಕಿಯಲ್ಲಿ ಹಾಲು ಅರ್ಗ್ಯ , ಆಯುರ್ವೇದದ ಗಿಡ ಮೂಲಿಕೆಗಳು , ಕಡ್ಡಿಗಳು , ಹಾಲು, ಬಿಲ್ವ ಹಣ್ಣು, ಶ್ರೀಗಂಧದ ಇಂತಹ ವಸ್ತುಗಳನ್ನು ಸುಡಲಾಗುತ್ತದೆ.

 

ಇವೆಲ್ಲವೂ ಸುಟ್ಟು ತರುವಾಯದ ಬೂದಿ ಮನಸ್ಸಿನ ಶುದ್ಧತೆಯನ್ನು ಸೂಚಿಸುತ್ತದೆ ಇದು ನಮಗೆ ಶಾಂತಿ ನೆಮ್ಮದಿ , ಜ್ಞಾನದ ಸಂಕೇತವಾಗಿ ಕಾಣುತ್ತದೆ.

 

 

ಆಯುರ್ವೇದದಲ್ಲಿ ಭಸ್ಮ ಬಳಕೆ :

ಭಸ್ಮ ಔಷಧೀಯ ಮೌಲ್ಯವನ್ನು ಹೊಂದಿದೆ ಮತ್ತು ಅನೇಕ ಆಯುರ್ವೇದೀಯ ಔಷಧಿಗಳಲ್ಲಿ ಬಳಸಲಾಗುತ್ತದೆ. ಇದು ದೇಹದ ಹೆಚ್ಚುವರಿ ತೇವಾಂಶ ಹೀರಿಕೊಳ್ಳುವ ಶಕ್ತಿ ಹೊಂದಿದ್ದು  ಶೀತಗಳ ಮತ್ತು ತಲೆನೋವು ತಡೆಯುತ್ತದೆ.

 

ಭಸ್ಮ ದಲ್ಲಿ ಸುಟ್ಟ ವಸ್ತುಗಳು ಆಯುರ್ವೇದದ ಗಿಡ ಮೂಲಿಕೆಗಳು , ಕಡ್ಡಿಗಳು , ಹಾಲು, ಬಿಲ್ವ ಹಣ್ಣು, ಶ್ರೀಗಂಧದ ವಸ್ತುಗಳಾಗಿರುತ್ತದೆ ಇವು ಆರೋಗ್ಯಕ್ಕೆ ಬಹಳ ಒಳ್ಳೆಯದು.

 

ಆಯುರ್ವೇದದ ಭಸ್ಮಗಳಲ್ಲಿ ಕಬ್ಬಿಣ ಚಿನ್ನ, ತಾಮ್ರ, ಮುತ್ತು, ಇತ್ಯಾದಿ ಭಸ್ಮ ಗಳನ್ನೂ ಉಪಯೋಗಿಸಲಾಗುತ್ತದೆ
ಸೌಂದರ್ಯದ ಸಮಸ್ಯೆಗಳಿಗೆ ಈ ಭಸ್ಮಗಳನ್ನು ಉಪಯೋಗಿಸಲಾಗುತ್ತದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top