ಕನ್ನಡ ಕಿರುತೆರೆ ರಿಯಾಲಿಟಿ ಷೋಗಳಿಗೆ ಹೊಸ ಆಯಾಮವನ್ನು ಕೊಟ್ಟ ಜೀ ಕನ್ನಡ ವಾಹಿನಿಯ ಜನಪ್ರಿಯ ಕಾರ್ಯಕ್ರಮವಾದ ಕಾಮಿಡಿ ಕಿಲಾಡಿಗಳು ಈಗ ಹೊಸ ರೂಪದೊಂದಿಗೆ ಮತ್ತೊಮ್ಮೆ ಮೂಡಿಬಂದಿದೆ. ನೋ ಟೆನ್ಷನ್ ಸ್ಮೈಲ್ ಪ್ಲೀಸ್ ಎನ್ನುವ ಟ್ಯಾಗ್‌ಲೈನ್‌ನೊಂದಿಗೆ ಕಾಮಿಡಿ ಕಿಲಾಡಿಗಳು ಸೀಸನ್-2 ಪ್ರಾರಂಭವಾಗಿದೆ. ಈ ಬಾರಿ ಜಗ್ಗೇಶ್, ಯೋಗರಾಜ್ ಭಟ್ ಹಾಗು ರಕ್ಷಿತಾ ಅವರು ರಿಯಾಲಿಟಿ ಷೋ ತೀರ್ಪುಗಾರರಾಗಿದ್ದಾರೆ.
ಕಾಮಿಡಿ ಕಿಲಾಡಿಗಳು ರಿಯಾಲಿಟಿ ಷೋಗೆ ಪ್ರತಿ ವಾರ ಚಿತ್ರರಂಗದ ತಾರೆಯೊಬ್ಬರು ಅತಿಥಿಯಾಗಿ ಆಗಮಿಸುತ್ತಾರೆ. ನಿರ್ದೇಶಕ ರಾಗಿರುವ ಪ್ರೇಮ್ ಕಾರ್ಯಕ್ರಮಕ್ಕೆ ಆಗಮಿಸಿದ್ದರು. ಸದ್ಯ ‘ದಿ ವಿಲನ್’ ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿ ಆಗಿರುವ ನಿರ್ದೇಶಕ ಪ್ರೇಮ ಇದರ ಮಧ್ಯೆಯೇ ಬಿಡುವು ಮಾಡಿಕೊಂಡು ಕಾರ್ಯಕ್ರಮಕ್ಕೆ ಆಗಮಿಸಿದ್ದರು.
ಕಾರ್ಯಕ್ರಮಕ್ಕೆ ಆಗಮಿಸಿದ ಪ್ರೇಮ್ ಜಗ್ಗೇಶ್, ಪತ್ನಿ ರಕ್ಷಿತಾ ಹಾಗು ಯೋಗರಾಜ್ ಭಟ್ ಜೊತೆಗೆ ಸೆಲ್ಫಿ ಕ್ಲಿಕ್ಕಿಸಿಕೊಂಡಿದ್ದಾರೆ. ಈ ಷೋ ಶೂಟಿಂಗ್ ನಡೆದಿದ್ದು ಈ ವಾರಾಂತ್ಯಕ್ಕೆ ಪ್ರಸಾರವಾಗಲಿದೆ. ಇನ್ನೊಂದು ವಿಶೇಷತೆ ಎಂದರೆ ಕಾಮಿಡಿ ಕಿಲಾಡಿಗಳು ಮೊದಲನೆಯ ಸೀಸನ್ ನಲ್ಲಿ ವಿನ್ನರ್ ಆಗಿದ್ದ ಶಿವು ಕೆ ಆರ್ ಪೇಟೆ ಮತ್ತು ಸ್ಪರ್ಧಿ ಆಗಿದ್ದ ಲೋಕೇಶ್ ಇಬ್ಬರು ಕೂಡ ಪ್ರೇಮ್ ಅವರ ಚಿತ್ರದಲ್ಲಿ ಅಭಿನಯ ಮಾಡುತ್ತಿದ್ದಾರೆ.
ಈ ಹಿಂದೆ ಸಂಚಿಕೆಗಳಲ್ಲಿ ರಕ್ಷಿತಾ ಅವರಿಗೆ ಜಗ್ಗೇಶ್ ಪ್ರೇಮ್ ಹೆಸರು ಕೇಳುತ್ತ ಕಾಲೆಳೆಯುತ್ತಿದ್ದರು ಈಗ ರಕ್ಷಿತಾ ಹಾಗು ಪ್ರೇಮ್ ಒಂದೇ ವೇದಿಕೆಯಲ್ಲಿ ಇರುವುದರಿಂದ ಜಗ್ಗೇಶ್ ಇಬ್ಬರಿಗೂ ಕಾಲೆಳೆಯುವ ಸಂಭವ ಇದೆ. ಈ ವಾರದ ಷೋ ಕುತೂಹಲ ಮೂಡಿಸಿದೆ. ಈ ಷೋ ಜೀ ಕನ್ನಡ ವಾಹಿನಿಯಲ್ಲಿ ಪ್ರತಿ ಶನಿವಾರ ಹಾಗು ರವಿವಾರ ರಾತ್ರಿ 9 ಗಂಟೆಗೆ ಪ್ರಸಾರ ಆಗುತ್ತದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
