ಹೆಚ್ಚಿನ

ಬಾಯಲ್ಲಿ ನೀರು ಬರಿಸುವ ಬಾದಾಮಿ-ಬನಶಂಕರಿ ಅಮ್ಮಂದಿರ ಕೈ ತುತ್ತು ಎಂದಾದರೂ ಸವಿದಿದ್ದೀರಾ? ಈ ಸಾರಿ ಬಾದಾಮಿಗೆ ಹೋದರೆ ತಪ್ಪದೆ ಸವಿದು ಬನ್ನಿ!

ಶ್ರೀ ಕ್ಷೇತ್ರ ಬಾದಾಮಿ ಬನಶಂಕರಿ ದೇವಾಲಯಕ್ಕೆ ಎಂದಾದರೊಮ್ಮೆ ಭೇಟಿ ನೀಡಿದ್ದೀರಾ? ಶ್ರೀ ಕ್ಷೇತ್ರದಲ್ಲಿ ಬನಶಂಕರಿ ತಾಯಿಯ ಮಹಿಮೆ ಅಪಾರವಾಗಿದ್ದು. ಭಕ್ತಿಯಿಂದ ಬರುವ ಭಕ್ತರ ಅಭಿಲಾಷೆಗಳನ್ನು ಈಡೇರಿಸುವ ಮಹಾತಾಯಿ ಬಾದಾಮಿಯಲ್ಲಿ ನೆಲೆಯೂರಿದ್ದು ತನ್ನ ಪ್ರಿಯ ಭಕ್ತರನ್ನು ಪೊರೆಯುತ್ತಿದ್ದಾಳೆ.

ಬಾಗಲಕೋಟೆಯ ಬಳಿ ಇರುವ ಈ ಬನಶಂಕರಿ ದೇವಾಲಯವು ಎಲ್ಲರ ಮೆಚ್ಚಿನ ತಾಣವಾಗಿದ್ದು . ಈ ದೇವಾಲಯದಲ್ಲಿ ಇನ್ನೊಂದು ವಿಶೇಷವಿದೆ. ಹೌದು, ಈ ದೇವಲಾಯಕ್ಕೆ ಭೇಟಿ ಕೊಟ್ಟಾಗ, ಅಲ್ಲಿ ಬಗೆ ಬಗೆ
ತಿಂಡಿಗಳ ಬುಟ್ಟಿಯನ್ನು ತಲೆಯ ಮೇಲಿಟ್ಟುಕೊಂಡು ಅತ್ತಿಂದಿತ್ತ ಇತ್ತಿಂದತ್ತ ಓಡಾಡುವ ಕೆಲ ತಾಯಂದಿರು ಕಾಣಸಿಗುತ್ತಾರೆ. ಅಸಲಿಗೆ ಇದು ಆ ತಾಯಂದಿರು ಬದುಕ ನಿರ್ವಹಣೆಗೆ ಮಾಡುವ ದಿವ್ಯ ಕೆಲಸವಾಗಿದ್ದು , ಈ ಅಮ್ಮಂದಿರು ಸಾಕ್ಷಾತ್ ಅನ್ನಪೂರ್ಣೇಶ್ವರಿಯ ಮಕ್ಕಳು. ಈ ತಾಯಂದಿರ ತಿಂಡಿ ಬುಟ್ಟಿಯಲ್ಲಿ ಕೆಲ ತಿಂಡಿ ಇರುತ್ತವೆ ಉದಾಹರಣೆಗೆ ಉತ್ತರ ಕರ್ನಾಟಕ ಶೈಲಿಯ ಖಡಕ್ ರೊಟ್ಟಿ , ಗಟ್ಟಿ ಮೊಸರು ಇತ್ಯಾದಿ,. ಸಾಮಾನ್ಯವಾಗಿ ಈ ಭವ್ಯ ಕ್ಷೇತ್ರಕ್ಕೆ ಭೇಟಿ ಕೊಡುವ ಭಕ್ತಾದಿಗಳು ಹಾಗೂ ಅಲ್ಲೇ ನೆಲಸಿರುವ ಕೆಲವರು ಈ ಅಮ್ಮಂದಿರು ಪ್ರೀತಿಯಿಂದ ಬಡಿಸುವ ಊಟವ ಸವಿಯದೇ ಹೋಗಲಾರರು.ಈ ಅಮ್ಮಂದಿರು ಬಡಿಸುವ ರೀತಿಯೇ ವಿಶಿಷ್ಟ ವಾಗಿದ್ದು ಎಷ್ಟು ತಿಂದರು ಇನ್ನಷ್ಟು ಬೇಕು ಅನಿಸುತ್ತಲೇ ಇರುತ್ತದೆ. ಬುಟ್ಟಿಯಲ್ಲಿ ಆ ಅಮ್ಮಂದಿರು ಇಟ್ಟುಕೊಂಡಿರುವ ಒಂದೊಂದೇ ತಿಂಡಿ ಪದಾರ್ಥಗಳನ್ನು ನೋಡುತ್ತಿದ್ದರಂತೂ ಬಾಯಲ್ಲಿ ನೀರು ಬರುವುದಂತೂ ಖಚಿತ. ಅದರಲ್ಲೂ ಆ ಖಡಕ್ ರೊಟ್ಟಿಟಿಯನ್ನು ಗಟ್ಟಿ ಮೊಸರಿನೊಂದಿಗೆ ಅದ್ದಿಕೊಂಡು ತಿನ್ನುತ್ತಿದ್ದರಂತೂ ಸ್ವರ್ಗಕ್ಕೆ ಮೂರೇ ಗೇಣು.

ಮುಖ್ಯವಾಗಿ ಈ ಊಟಕ್ಕೆ ಆ ಅಮ್ಮಂದಿರು ವಿಧಿಸುವ ಬೆಲೆಯೂ ಅತಿ ಕಡಿಮೆ ಇದ್ದು, ಹೊಟ್ಟೆ ತುಂಬ ಮಾತ್ರವಲ್ಲದೆ ಮನಸ್ತುಂಬ ಊಟ ಮಾಡಿದ ಅನುಭವವು ನಮ್ಮದಾಗುತ್ತದೆ. ಒಟ್ಟಿನಲ್ಲಿ ಅತಿ ಕಡಿಮೆ ಬೆಲೆಯಲ್ಲಿ ಪ್ರೀತಿಯಿಂದ ಕೂಡಿದ ಊಟ ನಮ್ಮ ಪಾಲಿಗೆ ಸಿಗುತ್ತದೆ.

ಒಟ್ಟಿನಲ್ಲಿ ಈ ಕಸುಬನ್ನು ಆರಿಸಿಕೊಂಡಿರುವ ಅಲ್ಲಿನ ಕೆಲ ತಾಯಂದಿರು ಲಾಭಕ್ಕಾಗಿ ಈ ದುಡಿಮೆಯನ್ನು ಮಾಡುತ್ತಿಲ್ಲ ಬದಲಿಗೆ ಒಬ್ಬರಿಗೆ ಹೊಟ್ಟೆ ತುಂಬ ಊಟ ಹಾಕಬಹುದು ಅನ್ನೋ ತೃಪ್ತ ಭಾವದಿಂದ ಈ ಕೆಲಸ ಮಾಡುತ್ತಿದ್ದಾರೆ. ಹಾಗೆಂದ ಮೇಲೆ ಇಂತಹ ಸ್ವಾವಲಂಬಿ ತಾಯಂದಿರಿಗೆ ನಾವು ಸಲಾಂ ಹೇಳಲೇ ಬೇಕು ಅಲ್ಲವೇ? .

ಸ್ನೇಹಿತರೇ, ಮುಂದೆ ಯಾವಾಗಲಾದರೂ ನೀವು ಬಾದಾಮಿ ಬನಶಂಕರಿ ದೇವಲಾಯಕ್ಕೆ ಭೇಟಿ ಕೊಟ್ಟಾಗ ತಪ್ಪದೇ ಈ ಭರ್ಜರಿ ಭೋಜನವನ್ನು ಸವಿದು ಬರುತ್ತೀರಾ ಅಲ್ಲವೇ?

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top