ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ)ಯಲ್ಲಿ ನಿರ್ವಾಹಕರಾಗಿರುವ ಮಂಡ್ಯ ಮೂಲದ ಮಧು ಐಎಎಸ್ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದಾರೆ ಎಂಬ ಸುದ್ದಿ ಕಳೆದ ವಾರ ಎಲ್ಲೆಡೆ ಹರಿದಾಡಿತ್ತು! ಬೆಂಗಳೂರು ಬಿಎಂಟಿಸಿ ನಿರ್ವಾಹಕರು ಯುಪಿಎಸ್‌ಸಿ ಅಂತಿಮ ಸಂದರ್ಶನಕ್ಕೆ ಆಯ್ಕೆಯಾಗಿದ್ದಾರೆ ಎಂಬ ಸುದ್ದಿಗೆ ಟ್ವಿಸ್ಟ್ ಸಿಕ್ಕಿದೆ.
ಬಿಎಂಟಿಸಿ ಬಸ್‌ನಲ್ಲಿ ಕಂಡಕ್ಟರ್ ಆಗಿ ಕಾರ್ಯನಿರ್ವಹಿಸುತ್ತಿರುವ ಮಧು ತಮ್ಮ ರೋಲ್ ನಂಬರ್ ಸುಳ್ಳು ಹೇಳಿದ್ದಾರೆ ಎನ್ನಲಾಗಿದೆ. ಹಾಗಾಗಿ ಮಧು ಅಂತಿಮ ಹಂತದ ಸಂದರ್ಶನಕ್ಕೆ ಆಯ್ಕೆಯಾಗಿಲ್ಲ ಎನ್ನುವುದು ವಾಸ್ತವದ ಸತ್ಯ!
ಈ ಬಗ್ಗೆ ಟ್ವೀಟ್ ಮಾಡಿರುವ ಬೆಂಗಳೂರು ಮಿರರ್ ಸಂಪಾದಕ ರವಿ ಜೋಶಿ ‘ ಕಂಡಕ್ಟರ್ ನಾನು ಐಎಎಸ್ ಅಂತಿಮ ಸಂದರ್ಶನಕ್ಕೆ ಆಯ್ಕೆಗೆ ಆಯ್ಕೆಯಾಗಿದ್ದೇನೆ ಎಂದು ಹೇಳಿರುವುದು ಸುಳ್ಳು ಎಂಬುದು ಗೊತ್ತಾಗಿದೆ. ಆತ ನೀಡಿರುವ ರೋಲ್ ನಂಬರ್ ಆತನದ್ದಲ್ಲ. ಆತ ಬಿಎಂಟಿಸಿ ಮತ್ತು ನಮಗೆ ಯಾಕೆ ಸುಳ್ಳು ಹೇಳಿದ ಎಂದು ನಮಗೆ ಅರ್ಥವಾಗುತ್ತಿಲ್ಲ.. ನಮ್ಮ ಎಲ್ಲಾ ಓದುಗರ ಬಳಿ ನಾವು ಕ್ಷಮೆ ಕೋರುತ್ತೇವೆ. ಒಬ್ಬ ನಿರ್ವಾಹಕ ಐಎಎಸ್ ಪಾಸ್ ಮಾಡಿದ್ದಾನೆ ಎಂದರೆ ಹೆಮ್ಮೆಯ ಸುದ್ದಿಯಾಗಿತ್ತು, ಆದರೆ ಪರಿಸ್ಥಿತಿ ಹಾಗಿಲ್ಲ’ ಎಂದು ಬರೆದುಕೊಂಡಿದ್ದಾರೆ.
We’ve come to know that the BMTC bus conductor who claimed to have cracked the IAS Mains exam was lying. We have reason to believe that the roll number he showed us didnt belong to him. @bangaloremirror is taking down the story till it becomes clear why he lied to BMTC and us
— Ravi Joshi (@Joshi_Aar) January 30, 2020
“ಮೇನ್ಸ್ ರಿಸಲ್ಟ್ ಬಂದಾಗ ನನ್ನ ರೋಲ್ ನಂಬರ್ ಕೂಡ ಸೆಲೆಕ್ಟ್ ಆಗಿದೆ ಎಂದು ನಾನು ತಪ್ಪಾಗಿ ಭಾವಿಸಿದೆ. ನಾನು ಫಲಿತಾಂಶ ನೋಡುವಾಗ ಒಂದು ಅಂಕಿ ಮಿಸ್ ಮಾಡಿಕೊಂಡಿದ್ದು ಇದಕ್ಕೆ ಕಾರಣ. ನನ್ನ ನಂಬರ್ (0841646) ಸೀರಿಸ್‌ನಲ್ಲೇ ಬಂದಿದ್ದ ಮಧು ಕುಮಾರಿ ಎಂಬ ಹೆಸರಿನವರು ಆಯ್ಕೆಯಾಗಿದ್ದರು. ಹೆಸರು ಮತ್ತು ರೋಲ್ ನಂಬರ್ ನ ಒಂದೇ ಅಂಕಿ ಮಿಸ್ ಆದರಿಂದ ಯಡವಟ್ಟಾಯಿತು. ಅವರ ರೋಲ್ ನಂಬರ್ ನನ್ನ ನಂಬರ್ ಸೀರಿಸ್ ನಲ್ಲೆ ಬಂದಿದ್ದು ಕೂಡ ಈ ಯಡವಟ್ಟಿಗೆ ಕಾರಣವಾಯಿತು. ಪರೀಕ್ಷೆ ಪಾಸ್ ಮಾಡಿದೆ ಎಂದುಕೊಂಡು ಸಂಭ್ರಮದಲ್ಲಿ ಸಂಸ್ಥೆ (ಬಿಎಂಟಿಸಿ)ಯ MD ಅವರಿಗೆ ಹೇಳಿದೆ. ಉಳಿದ ಅಧಿಕಾರಿಗಳಿಗೆ ಮೇಲ್ ಕಳುಹಿಸಿದೆ. ನನ್ನ ಕಡೆಯಿಂದ ಅಷ್ಟೆ ನಡೆದಿದ್ದು,” ಎಂದು ಮಧು ಹೇಳುತ್ತಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
