ರಸ್ತೆ ಬದಿಯಲ್ಲಿ ಸೊಪ್ಪು, ತರಕಾರಿ ವ್ಯಾಪಾರ ಮಾಡುತ್ತಿದ್ದಾರೆ ಕನ್ನಡ ಬಿಗ್​ ಬಾಸ್​ ಖ್ಯಾತಿಯ ಈ ನಟ!

ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್​​ ಬಾಸ್​ ಸೀಸನ್​ 5ರಲ್ಲಿ ರನ್ನರ್ ಅಪ್ ಆಗಿ ಹೊರ ಬಂದಾತ ದಿವಾಕರ್. ಕಾಮನ್ ಮ್ಯಾನ್ ಕೋಟಾದಲ್ಲಿ ಬಿಗ್‌ಬಾಸ್ ಮನೆ ಸೇರಿದ್ದ ದಿವಾಕರ್ ಆ ನಂತರ ಪ್ರೇಕ್ಷಕರ ಮನ ಗೆದ್ದು ಈ ಶೋನಲ್ಲಿ ಕಡೇ ತನಕ ಉಳಿದುಕೊಂಡಿದ್ದರು.

ಸಾಮಾನ್ಯ ಸೇಲ್ಸ್​ಮ್ಯಾನ್ ಆಗಿದ್ದ ದಿವಾಕರ್​​ ಬಿಗ್​​ಬಾಸ್​ ಮನೆಗೆ ಬಂದು ಸಿಕ್ಕಾಪಟ್ಟೆ ಸೌಂಡು ಮಾಡಿದ್ರು. ಬಿಗ್​ ಬಾಸ್​ ಮನೆಗೆ ಕಾಲಿಟ್ಟ ನಂತರ ಅದರ ಜೀವನವೇ ಬದಲಾಯಿ ಹೋಯಿತು. ಹಲವಾರು ಸಿನಿಮಾಗಳಿಂದ ಆಫರ್​ ಕೂಡ ಬಂತು. ಕೆಲವು ಸಿನಿಮಾದಲ್ಲಿ ನಟನೆ ಕೂಡ ಮಾಡಿದ್ದಾರೆ. ಸಿನಿಮಾಗಳಲ್ಲಿ ನಟನೆ ಮಾಡಿದ್ದರೂ ಬಣ್ಣ ಹಚ್ಚಿದರೂ ತಮ್ಮ ಸೇಲ್ಸ್​ಮ್ಯಾನ್ ವೃತ್ತಿ ಬಿಟ್ಟಿರಲಿಲ್ಲ. ಈಗ ಲಾಕ್ ಡೌನ್ ಇರುವುದರಿಂದ ಸಂಚಾರ ಕಷ್ಟವಾಗಲಿದೆ ಹಾಗಾಗಿ ನೋವು ನಿವಾರಕ ತೈಲ ಮಾರಾಟದ ಬದಲಿಗೆ ತರಕಾರಿ ಸೊಪ್ಪು ಮಾರಾಟ ಮಾಡುತ್ತಿದ್ದಾರೆ.

ಸದ್ಯ ಲಾಕ್​ಡೌನ್​ ಸಮಯದಲ್ಲಿ ಯಲಹಂಕ ಮಾರ್ಕೆಟ್​​ ಬಳಿ ಸೊಪ್ಪು ತರಕಾರಿ ಮಾರುತ್ತಿದ್ದಾರೆ. ಒಂದುವರೆ ತಿಂಗಳಿನಿಂದ ದಿವಾಕರ್​​ ಈ ವೃತ್ತಿಯನ್ನು ಮಾಡುತ್ತಿದ್ದಾರೆ. ಬೆಳಗ್ಗೆ 3 ಗಂಟೆಗೆ ಎದ್ದು ಯಲಹಂಕ ಮಾರ್ಕೆಟ್​ನಿಂದ ಸೊಪ್ಪು, ತರಕಾರಿ ತಂದು ಬೀದಿಬದಿಯಲ್ಲಿ ಕಳೆದ ಒಂದೂವರೆ ತಿಂಗಳಿನಿಂದ ಮಾರಾಟ ಮಾಡುತ್ತಿದ್ದಾರೆ. ಜೊತೆಗೆ ಕೊರೋನಾ ವಿರುದ್ಧ ಹೋರಾಡಲು ಜನರಿಗೆ ಅಗತ್ಯವಾಗಿ ಬೇಕಾಗಿರುವ ಮಾಸ್ಕ್​​ ಹಾಗೂ ಸ್ಯಾನಿಟೈಸರ್​​ ಗಳನ್ನೂ ಕೂಡ ಮಾರಾಟವನ್ನು ಮಾಡುತ್ತಿದ್ದಾರೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ