“ಶುಭಾಶಯಗಳು ಮಾಮ” ನೂತನ ಸಿಎಂ ಬೊಮ್ಮಾಯಿಗೆ ಸುದೀಪ್ ಹಾರೈಸಿದ್ದು ಹೀಗೆ

ರಾಜಭವನದ ಆವರಣದಲ್ಲಿ ಇಂದು ನಡೆದ ಸರಳ ಸಮಾರಂಭ ಕಾರ್ಯಕ್ರಮದಲ್ಲಿ ನೂತನ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ, ದೇವರ ಹೆಸರಿನಲ್ಲಿ ಪ್ರಮಾಣ ವಚನ ಸ್ವೀಕರಿಸಿದ ಬೆನ್ನಿಗೆ ಶುಭಾಶಯಗಳ ಮಹಾಪೂರವೇ ಹರಿದು ಬಂದಿದೆ.

 

 

ಸಿನಿ ಲೋಕದ ತಾರೆ, ಚಂದನವನದ ಅಭಿನಯ ಚಕ್ರವರ್ತಿ ಕಚ್ಚ ಸುದೀಪ್ ಕೂಡ ನೂತನ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರಿಗೆ ಶುಭಾಶಯ ತಿಳಿಸಿದ್ದಾರೆ.

ಟ್ವೀಟ್​ ಮಾಡಿ ಶುಭ ಕೋರಿರುವ ಕಿಚ್ಚ ಸುದೀಪ್​ ಅವರು, “ನಿಮ್ಮ ಸರಳತೆಯನ್ನು ನೋಡುತ್ತಾ ಬೆಳೆದಿದ್ದೇನೆ. ನನ್ನ ಸಿನಿ ಕರಿಯರ್​​ನ ಆರಂಭದ ದಿನದಲ್ಲಿ ನೀವು ನನಗೆ ತುಂಬಾನೆ ಸಹಾಯ ಮಾಡಿದ್ದೀರಿ. ನಾನೆಂದೂ ಆ ದಿನಗಳನ್ನ ಮರೆಯಲು ಸಾಧ್ಯವಿಲ್ಲ. ನಿಮಗೆ ಶುಭವಾಗಲಿ ಮಾಮ” ಎಂದು ಪ್ರೀತಿಯಿಂದ ಟ್ವೀಟ್ ಸಂದೇಶ ನೀಡಿದ್ದಾರೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ