fbpx
ಸಮಾಚಾರ

“ಶೇರ್‌ ಮಾಡ್ಬೇಡಿ” ವೈರಲ್ ಆಗಿರುವ ಪುನೀತ್ ಫೋಟೋ ಅಸಲಿ ವಿಚಾರ ಏನು ಗೊತ್ತಾ?

ನಟ ಪುನೀತ್ ರಾಜಕುಮಾರ್ ಅಕಾಲಿಕ ನಿಧನಕ್ಕೆ ಕರ್ನಾಟಕ ಮಾತ್ರವಲ್ಲ ದೇಶದ ಇತರ ರಾಜ್ಯಗಳು ಮತ್ತು ವಿಶ್ವದ ಇತರ ದೇಶಗಳಿಂದಲೂ ವಿಷಾದ ವ್ಯಕ್ತವಾಗುತ್ತಿದೆ. ಅಭಿಮಾನಿಗಳಿ ತಮ್ಮ ನೆಚ್ಚಿನ ನಟನ ಅಕಾಲಿಕ ಮರಣದ ಬಗ್ಗೆ ಶೋಕ ವ್ಯಕ್ತಪಡಿಸಿದ್ದಾರೆ. ಈ ಮದ್ಯೆ ವೈರಲ್ ಆಗಿರುವ ಪುನೀತ್ ಅವರಿಗೆ ಸಂಭಂದಪಟ್ಟ ವಿಚಾರವೊಂದರ ಹಿಂದಿನ ರಹಸ್ಯ ಬಯಲಾಗಿದೆ.

ಪುನೀತ್ ವಾಕಿಂಗ್ ಮಾಡುತ್ತಿರುವ ಫೋಟೋವೊಂದು ಅವರು ನಿಧನಗೊಂಡ ಮರುದಿನ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಆ ಫೋಟೋದಲ್ಲಿ ಅಪ್ಪು ತಮ್ಮ ಕೈಯನ್ನು ಎದೆ ಮೇಲೆ ಹಿಡಿದುಕೊಂಡು ವಾಕಿಂಗ್ ಮಾಡುತ್ತಿದ್ದರು. ಹಾಗಾಗಿ ವಾಕಿಂಗ್‌ ಮಾಡುವಾಗಲೇ ಪುನೀತ್ ಗೆ ಎದೆನೋವು ಕಾಣಿಸಿಕೊಂಡಿತ್ತು ಎಂದು ಶೀರ್ಷಿಕೆ ನೀಡಿ ಜನ ಈ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡಿದ್ದರು. ಆದರೆ ಈ ಫೋಟೋ ಅಸಲಿ ಸತ್ಯವೇ ಬೇರೆಯಾಗಿದೆ. ಏನದು ಅಂತೀರಾ? ಮುಂದೆ ಓದಿ

ಅಸಲಿಗೆ ಅದು ಎರಡು ತಿಂಗಳ ಹಳೆಯ ಫೋಟೋ, ಎರಡು ತಿಂಗಳ ಹಿಂದೆ ಪುನೀತ್‌ ವಾಕಿಂಗ್‌ ಮಾಡುತ್ತಿದ್ದಾಗ ಈ ಫೋಟೋವನ್ನು ಸದಾಶಿವನಗರದ ಸ್ನೇಹಜೀವಿ ಗ್ರೂಪ್‌ ಸದಸ್ಯರು ತೆಗೆದಿದ್ದರು. ವಾಕಿಂಗ್‌ ಮಾಡುತ್ತಿರುವ ಅಪ್ಪು ಅವರಿಗೆ ಮುಂದುಗಡೆಯಲ್ಲಿದ್ದ ವ್ಯಕ್ತಿಯೊಬ್ಬರು ನಮಸ್ಕರಿಸಿದ್ದರು. ಅಪ್ಪು ಪ್ರತಿಯಾಗಿ ನಮಸ್ಕರಿಸುವ ಸಂದರ್ಭದಲ್ಲೇ ಫೋಟೋ ಕ್ಲಿಕ್ಕಿಸಲಾಗಿತ್ತು. ಕೈ ಎದೆ ಹತ್ತಿರ ಹೋಗಿದ್ದ ಕಾರಣ ಜನರು ಈ ಫೋಟೋವನ್ನು ತಪ್ಪಾಗಿ ಅರ್ಥೈಸಿಕೊಂಡಿದ್ದರು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top