ಕಿಚ್ಚ ಸುದೀಪ್ ಹಾಗೂ ಅಜಯ್ ದೇವಗನ್ ನಡುವಿನ ‘ರಾಷ್ಟ್ರ ಭಾಷೆ’ ಕುರಿತ ಟ್ವೀಟ್ ಮಾತುಕತೆ ಇದೀಗ ದೇಶಾದ್ಯಂತ ಸಂಚಲನ ಸೃಷ್ಟಿಸಿದೆ. ಹಿಂದಿ ರಾಷ್ಟ್ರಭಾಷೆಯಲ್ಲ ಎಂದು ಹೇಳಿದ್ದ ಸುದೀಪ್ ಹೇಳಿಕೆಯನ್ನು ಖಂಡಿಸಿ ಟ್ವೀಟ್ ಮಾಡಿದ್ದ ಅಜಯ್ ದೇವಗನ್ ‘ ನಿಮ್ಮ ಪ್ರಕಾರ ಹಿಂದಿ ರಾಷ್ಟ್ರೀಯ ಭಾಷೆಯಲ್ಲ ಅಂತೀರಿ. ಹಾಗಿದ್ದಲ್ಲಿ ನಿಮ್ಮ ಚಿತ್ರಗಳನ್ನೇಕೆ ಹಿಂದಿಯಲ್ಲಿ ಡಬ್ ಮಾಡಿ ಬಿಡುಗಡೆ ಮಾಡುತ್ತಿದ್ದೀರಿ? ಹಿಂದಿ ನಮ್ಮ ಮಾತೃಭಾಷೆ ಹಾಗೂ ಮುಂದೆಯೂ ಕೂಡ ಇದು ನಮ್ಮ ರಾಷ್ಟ್ರಭಾಷೆಯಾಗಿಯೇ ಇರಲಿದೆ.’ ಎಂದು ಟ್ವೀಟ್ ಮಾಡಿದ್ದರು. ಇದು ಸಹಜವಾಗಿ ಕನ್ನಡಿಗರನ್ನು ಕೆರಳಿಸಿದೆ.
ಈ ಬಗ್ಗೆ ಕನ್ನಡ ಚಿತ್ರರಂಗದ ತಾರೆಯರು ಸಾಮಾಜಿಕ ಜಾಲತಾಣದಲ್ಲಿ ಪ್ರತಿಕ್ರಿಯಿಸಿ ಸುದೀಪ್ ಮಾತಿಗೆ ಬೆಂಬಲ ಸೂಚಿಸಿದ್ದಾರೆ. ಹಿಂದಿಯನ್ನು ರಾಷ್ಟ್ರಭಾಷೆ ಎಂದ ಅಜಯ್ ದೇವಗನ್ ಮಾತನ್ನು ತೀವ್ರವಾಗಿ ಖಂಡಿಸಿದ್ದಾರೆ. ಕಿಚ್ಚ ಸುದೀಪ್ ಬೆಂಬಲಕ್ಕೆ ಕಿಚ್ಚನ ಅಭಿಮಾನಿಗಳು ಮಾತ್ರವಲ್ಲದೆ ಎಲ್ಲಾ ನಟರ ಅಭಿಮಾನಿಗಳು ,ಚಿತ್ರರಂಗದ ಪ್ರಮುಖರು ಜೊತೆಗೆ ರಾಜಕಾರಣಿಗಳು ಕೂಡ ನಿಂತಿದ್ದಾರೆ. ಈ ಮದ್ಯೆ ಕೆಲವು ಅವಿವೇಕಿಗಳು ಕಿಚ್ಚನ ಮಾತನ್ನು ವಿರೋಧಿಸಿ ಹಿಂದಿ ಮೇಲಿನ ಪ್ರೇಮವನ್ನು ಪ್ರದರ್ಶಿಸುವ ಮೂಲಕ ದಡ್ಡತನ ಮೆರೆದಿದ್ದಾರೆ.
ಇದೀಗ ‘ಸೈಕೋ’ ಖ್ಯಾತಿಯ ನಟಿ ಅನಿತಾ ಭಟ್ ಕೂಡ ಹಿಂದಿ ಭಾಷೆಗೆ ಸಪೋರ್ಟ್ ಮಾಡುವ ಮೂಲಕ ಕಿಚ್ಚ ನಿಲುವಿಗೆ ಪರೋಕ್ಷವಾಗಿ ವಿರೋಧ ವ್ಯಕ್ತಪಡಿದ್ದಾರೆ. ಹಿಂದಿ ಹೇರಿಕೆ ವಿರೋಧಿಸುವ ಕನ್ನಡಪರ ಹೋರಾಟಗಾರರನ್ನು ಅಪಹಾಸ್ಯ ಮಾಡಿ ಮಾಡಲಾಗಿದ್ದ ಕಿಡಿಗೇಡಿಯೊಬ್ಬರ ಟ್ವೀಟ್ ಗೆ ಪ್ರತಿಕ್ರಿಯಿಸಿರುವ ಅನಿತಾ ಭಟ್ “ಹಿಂದಿ ನಮಗೆ ಬೇಕು” ಎಂಬರ್ಥದಲ್ಲಿ ರಿಪ್ಲೆ ಮಾಡಿದ್ದಾರೆ.
ಇವಮ್ಮನಿಗೆ ಹಿಂದಿ ಜನ ಇಂಗ್ಲಿಷ್ ಕಲಿಬೇಕಾದ್ರೆ ಅದು ಬೇರೆ ದೇಶದ ಭಾಷೆ ಅಂತ ಗೊತ್ತಿಲ್ವ?
ಅವರು ಹಿಂದಿ ಜೊತೆಗೆ ಇಂಗ್ಲಿಷ್ ಕಲಿಯಬಹುದು ಆದರೆ ನಾವು ಕನ್ನಡದ ಜೊತೆಗೆ ಇಂಗ್ಲಿಷ್ ಕಲಿಬಾರ್ದು ಅಲ್ವ?
ನಾವು ಎರಡನೇ ದರ್ಜೆ ಜನಗಳಾಗಿ ಬದುಕಬೇಕು ಅನ್ನೋದೆ ಇವರ ವಾದ ಅಷ್ಟೇ.
ಇವಮ್ಮನ ಹೆತ್ತತಾಯಿ ಮತ್ತು ಕಲಿಸಿದ ಮೇಷ್ಟ್ರು ಗಳಿಗೆ ಇಲ್ಲಿಂದಲೆ ನಮನ🙏 https://t.co/uf412tOdv1— ಗಂಗರಸ (@Mayanna_1963) April 29, 2022
“ಹಿಂದಿ ಯಾಕೆ ಬೇಡ? ನಮ್ಮ ಭಾಷೆ ಮೇಲೆ ಪ್ರೀತಿ ಇರಲಿ, ಆದರೆ ಬೇರೆ ಭಾಷೆನ ದ್ವೇಷಿಸೋದು ಯಾಕೆ ಅಂತ ಗೊತ್ತಾಗ್ತಿಲ್ಲ. ಕರ್ನಾಟಕದಲ್ಲಿ ಕನ್ನಡಾನೇ ಮಾತಾಡ್ದೆ ಇರೋವ್ರು ಎಷ್ಟೊಂದು ಜನ ಇದ್ದಾರೆ. ಅವರ ಜೊತೆ ವ್ಯವಹರಿಸೋದಕ್ಕೆ ಒಂದು ಭಾಷೆ ಬೇಡ್ವಾ? ಇಂಗ್ಲಿಷ್ ಓಕೆ ಆದರೆ ನಮ್ಮದೇ ದೇಶದ ಇನ್ನೊಂದು ಭಾಷೆ ಬೇಡ” ಎಂದು ಅನಿತಾ ಭಟ್ ಟ್ವೀಟ್ ಮಾಡಿದ್ದು ಇದು ಕಿಚ್ಚನ ಹೇಳಿಕೆಗೆ ಪರೋಕ್ಷವಾಗಿ ತಿರುಗೇಟು ನೀಡಿದಂತಿದೆ ಎಂದು ಕನ್ನಡಾಭಿಮಾನಿಗಳು ಹೇಳುತ್ತಿದ್ದಾರೆ.
ತಾಯಿ ಭಟ್ ನಿಮ್ಮ ಮನೆಯಲ್ಲಿ ಸಂಬಂಧಿಕರಲ್ಲಿ ಎಷ್ಟು ಜನ ಇಂಗ್ಲಿಷ್ ಬಿಟ್ಟು ಹಿಂದಿಯನ್ನು ಓದಿದ್ದಾರೆ ಹೇಳಿ ?? ಹಿಂದಿಯಿಂದ ವಿದೇಶದಲ್ಲಿ ಇರುವ ನಿಮ್ಮವರ ವ್ಯವಹಾರ ಉದ್ಯೋಗ ಹೇಗಿದೆ… @IamAnitaBhat ಜನರಿಗೆ ಪುಂಗೋದು ನಿಮ್ ಮನೆ ಮಕ್ಕಳಿಗೆ ಇಂಗ್ಲೀಷ್ ಕಲಿಸೋದು ಯಾವ ತರ ಯೋಚನೆ ಇದು?? ವ್ಯಾವಹಾರಿಕ ಭಾಷೆ ಹಳೆಯ ಕನ್ನಡ ತಮಿಳು ಯಾಕಗ್ಬಾರ್ದು ?? https://t.co/IcB9DT71sf
— ವನ ಸಿರಿ || Vanasiri (@Vanasiri_K) April 28, 2022
ಅಸಲಿಗೆ ನಮಗೆ ಯಾವುದೇ ರಾಷ್ಟ್ರೀಯ ಭಾಷೆ ಇಲ್ಲ. ಆದಾಗ್ಯೂ ಹಿಂದಿಗೆ ಏಕೆ ವಿಶೇಷ ಸ್ಥಾನಮಾನ ಎಂಬುದು ಕನ್ನಡಿಗರ ಪ್ರಶ್ನೆ. ಆದರೆ ಕನ್ನಡ ಚಿತ್ರಗಳಲ್ಲೇ ನಟಿಸಿ ಹೆಸರು ಮಾಡಿರುವ ಅನಿತಾ ಅವರ ಹಿಂದಿ ಪ್ರೇಮಕ್ಕೆ ಕನ್ನಡ ಚಿತ್ರರಂಗದ ಅಭಿಮಾನಿಗಳು ತರಾಟೆಗೆ ತೆಗೆದುಕೊಂಡಿದ್ದಾರೆ.
ನೀವು ಸುತ್ತಿ ಬಳಸಿ ಹೇಳೋಕೆ ಹೊರಟಿರುವುದು ಒಂದೇ…ಅದು ಹಿಂದಿ ಇರ್ಬೇಕು ಅಂತ..
ನಾವು ಡೈರೆಕ್ಟ್ಕ್ ಆಗಿ ಹೇಳ್ತೀವಿ .ಹಿಂದಿ ನಮಗೆ ಬೇಡ.
ಕನ್ನಡ ಮತ್ತು ಇಂಗ್ಲಿಷ್ ಎರಡೇ ಸಾಕು ಜೀವನ ಮಾಡೋಕೆ…
ನೀವು ಬೇಕಿದ್ರೆ ನಿಮ್ ಮನೇಲಿ ಹಿಂದಿಯಾದ್ರೂ ಮಾತಾಡಿ..ಹಂದಿನಾದ್ರು ಸಾಕೊಳ್ಳಿ https://t.co/eGwZuRdy55— Nagaraja K Madegowda (@NagarajaMgowda) April 28, 2022
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
