ಹಾವು ಏಣಿ ಆಟ ಶುರುವಾಗಿದ್ದು ಹೇಗೆ ಗೊತ್ತಾ? ಇಲ್ಲಿದೆ ಇದರ ಕುರಿತು ಅಚ್ಚರಿಯ ಸಂಗತಿ

ನಾವು ಚಿಕ್ಕವರಾಗಿದ್ದಾಗ ಹಲವಾರು ಒಳಾಂಗಣ ಮತ್ತು ಹೊರಾಂಗಣ ಕ್ರೀಡೆಗಳನ್ನು ಆಡಿರುತ್ತೇವೆ. ಅದರಲ್ಲೂ ಹಾವು ಏಣಿ ಆಟ ಆಡದೇ ಇರೋರು ಇಲ್ಲವೇ ಇಲ್ಲ. ಚಿಕ್ಕವರಿಂದ ಹಿಡಿದು ದೊಡ್ಡವರಿನವರೆಗೂ ಪ್ರತಿಯೊಬ್ಬರೂ ಈ ಆಟವನ್ನು ಇಷ್ಟಪಟ್ಟು ಆಡುತ್ತಾರೆ. ಆದರೆ ಇಲ್ಲಿಯವರೆಗೂ ಯಾರಾದರೂ ಈ ಆಟದ ಬಗ್ಗೆ ಯೋಚಿಸಿದ್ದೀರಾ? ಈ ಆಟ ಯಾಕೆ ಹೀಗಿದೆ? ಇದರ ಹಿನ್ನೆಲೆ ಏನು ಅಂತ. ಇದರ ಕುರಿತು ಮಾಹಿತಿ ಇಲ್ಲಿದೆ.

ಇತಿಹಾಸಕಾರರ ಪ್ರಕಾರ ಭಾರತದಲ್ಲಿ ಮೊದಲ ಹಾವು-ಏಣಿ ಆಟವನ್ನು ಕ್ರಿಸ್ತಪೂರ್ವ ಎರಡನೇ ಶತಮಾನದಲ್ಲಿ ಆರಂಭಿಸಲಾಯಿತು. ಇದು ಮಕ್ಕಳಲ್ಲಿ ನೈತಿಕತೆಯನ್ನು ಹೆಚ್ಚಿಸಲು ಶುರು ಮಾಡಲಾಗಿತ್ತು. ಈ ಆಟವನ್ನು ಗಮನಿಸಿದರೆ ಇದರಲ್ಲಿ ಹಾವು ಮತ್ತು ಏಣಿ ಕಾಣುತ್ತದೆ.

ಏಣಿಯು ಮೋಕ್ಷ ಮತ್ತು ಪುಣ್ಯವನ್ನು ಸೂಚಿಸಿದರೆ ಹಾವುಗಳು ಪಾಪವನ್ನು ಪ್ರತಿನಿಧಿಸುತ್ತದೆ. ಈ ಆಟ ನಮ್ಮನ್ನು ಹಂತ ಹಂತವಾಗಿ 100 ನೇ ಮನೆಗೆ ಕರೆದುಕೊಂಡು ಹೋಗುತ್ತದೆ. ಅದು ನಮಗೆ ಮುಕ್ತಿ. ಈ ಮುಕ್ತಿ ಹಂತ ತಲುಪಲು ನಮಗೆ ಹಲವಾರು ಸವಾಲುಗಳು ಹಾವು ಮತ್ತು ಏಣಿಯ ರೂಪದಲ್ಲಿ ಕಾಡುತ್ತಿರುತ್ತದೆ.

ಹತ್ತೊಂಬತ್ತನೇ ಶತಮಾನದಲ್ಲಿ ಈ ಆಟವು ಬ್ರಿಟಿಷರಲ್ಲಿ ಬಹಳ ಜನಪ್ರಿಯವಾಯಿತು. ಈ ಆಟವು ಇಂಗ್ಲೆಂಡ್ ಮೂಲಕ ಅನೇಕ ಬ್ರಿಟಿಷ್ ವಸಾಹತುಗಳಿಗೆ ಹರಡಿತು ಎಂದು ಹೇಳಲಾಗಿದೆ. ಇದನ್ನು1943 ರಲ್ಲಿ ಯುನೈಟೆಡ್ ಸ್ಟೇಟ್ಸ್ ನಲ್ಲಿ ಆಡಲಾರಂಭಿಸಿದರು. ಈ ವೇಳೆ ಇದನ್ನು “ಶೂಟ್ ಮತ್ತು ಲೋಡರ್” ಎಂದು ಕರೆಯುತ್ತಿದ್ದರು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ