ಟೀಮ್ ಇಂಡಿಯಾ ಪರವಾಗಿ ಆಡಿದ ಎರಡನೇ ಜಮ್ಮು ಕಾಶ್ಮೀರದ ಆಟಗಾರ ಎನಿಸಿಕೊಂಡ ಮಲಿಕ್: ಹಾಗಾದ್ರೆ ಮೊದಲ ಆಟಗಾರ ಯಾರು ಗೊತ್ತಾ?

ಐಪಿಎಲ್ ನಲ್ಲಿ ವಿಶೇಷ ಪ್ರದರ್ಶನ ತೋರುವ ಮೂಲಕ ಹಲವಾರು ಯುವ ಆಟಗಾರರು ಟೀಮ್ ಇಂಡಿಯಾ ಪರ ಆಡಿ ಉತ್ತಮ ಪ್ರದರ್ಶನ ತೋರಿದ್ದಾರೆ. ಇದೀಗ ಐಪಿಎಲ್ ನಲ್ಲಿ ತನ್ನ ಮಾರಕ ಬೌಲಿಂಗ್ ನಿಂದ ಹೆಸರುವಾಸಿಯಾಗಿದ್ದ ಉಮ್ರಾನ್ ಮಲಿಕ್ ಟೀಮ್ ಇಂಡಿಯಾ ಪರ ಪಾದಾರ್ಪಣೆ ಮಾಡಿದ್ದಾರೆ. ಇವರು ಟೀಮ್ ಇಂಡಿಯಾ ಪರ ಆಡುತ್ತಿರುವ ಜಮ್ಮು ಕಾಶ್ಮೀರಿನ ಎರಡನೇ ಆಟಗಾರ. ಜಮ್ಮು ಕಾಶ್ಮೀರದಿಂದ ಭಾರತವನ್ನು ಇಬ್ಬರು ಆಟಗಾರರು ಪ್ರತಿನಿಧಿಸಿದ್ದಾರೆ. ಒಬ್ಬರು ಉಮ್ರಾನ್ ಮಲಿಕ್ ಇನ್ನೊಬ್ಬರು?

ಉಮ್ರಾನ್ ಮಲಿಕ್ ಕ್ಕಿಂತ ಮುಂಚೆ ಜಮ್ಮು ಕಾಶ್ಮೀರಿನ ಆಲ್​ರೌಂಡರ್​ ಪರ್ವೇಜ್ ರಸೂಲ್ ಟೀಮ್ ಇಂಡಿಯಾ ಪರ ಆಡಿದ ಮೊದಲ ಆಟಗಾರ. ಜಮ್ಮು ಕಾಶ್ಮೀರದಿಂದ ಟೀಮ್ ಇಂಡಿಯಾ ಪರ ಆಡಿದ ಮೊದಲ ಆಟಗಾರ ಎಂಬ ಧಾಖಲೆ ಕೂಡ ಇವರ ಹೆಸರಲ್ಲಿದೆ. 2014 ರಲ್ಲಿ ಬಾಂಗ್ಲಾದೇಶದ ವಿರುದ್ಧ ಏಕದಿನ ಪಂದ್ಯದಲ್ಲಿ ಕಣಕ್ಕಿಳಿದಿದ್ದ ರಸೂಲ್, 10 ಓವರ್​ಗಳಲ್ಲಿ 60 ರನ್ ನೀಡಿ 2 ವಿಕೆಟ್ ಪಡೆದಿದ್ದರು.

ಇದಾದ ನಂತರ ಪರ್ವೇಜ್ ರಸೂಲ್ ಇಂಗ್ಲೆಂಡ್ ವಿರುದ್ಧ ಟೀಮ್ ಇಂಡಿಯಾ ಪರ 2017 ರಲ್ಲಿ ಕಣಕ್ಕಿಳಿದರು. ಈ ಪಂದ್ಯದಲ್ಲಿ 4 ಓವರ್​ಗಳಲ್ಲಿ 32 ರನ್​ ನೀಡಿ ಕೇವಲ 1 ವಿಕೆಟ್ ಪಡೆದಿದ್ದು ಬ್ಯಾಟಿಂಗ್ ವಿಭಾಗದಲ್ಲಿ ಕೇವಲ 5 ರನ್ ಮಾತ್ರ ಗಳಿಸಿದರು. ಇದಾದ ನಂತರ ಇವರು ಇವರ ಭಾರತ ಪರ ಮತ್ತೆ ಆಡಲೇ ಇಲ್ಲ.

ಇದಾದ ಬಳಿಕ ಮತ್ತೆ ಉಮ್ರಾನ್ ಮಲಿಕ್ ಅವರು ಭಾರತ ತಂಡದ ಪರ ಆಡುತ್ತಿರುವ ಜಮ್ಮು ಕಾಶ್ಮೀರಿನ ಎರಡನೆಯ ಆಟಗಾರ. ಈ ಬಾರಿಯ ಐರ್ಲೆಂಡ್ ವಿರುದ್ಧ ಪಂದ್ಯದಲ್ಲಿ ಭಾರತ ತಂಡದ ಅನುಭವಿ ವೇಗಿ ಭುವನೇಶ್ವರ್ ಕುಮಾರ್ ಅವರ ಕೈಯಿಂದ ಕ್ಯಾಪ್ ಪಡೆಯುವ ಮೂಲಕ ಭಾರತ ತಂಡವನ್ನು ಸೇರಿಕೊಂಡರು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ