ಆಸಿಡ್ ಸಂತ್ರಸ್ತೆಗೆ ಕಿಚ್ಚ ಸುದೀಪ್ ನೋಡುವಾಸೆ! ಆಸ್ಪತ್ರೆ ನೋವಿನಲ್ಲಿಯೂ ಕಿಚ್ಚನದ್ದೇ ಕನವರಿಕೆ

ನಟ ಕಿಚ್ಚ ಸುದೀಪ್ ಅವರು ಅಪಾರವಾದ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಕನ್ನಡ ಸಿನಿಮಾ ಇಂಡಸ್ಟ್ರಿ ಅಲ್ಲದೆ ಇತರೆ ಸಿನಿಮಾ ಇಂಡಸ್ಟ್ರಿಗಳಲ್ಲಿಯೂ ಸಹ ಅಪಾರವಾದ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಇಷ್ಟೆಲ್ಲಾ ಅಭಿಮಾನಿಗಳಿದ್ದರು ಕೂಡ ಎಂದಿಗೂ ತಮ್ಮ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿಲ್ಲಾ. ಇದೀಗ ಆಸಿಡ್ ಸಂತ್ರಸ್ತೆ ಒಬ್ಬರು ಕಿಚ್ಚ ಅವರನ್ನು ಭೇಟಿಮಾಡುವ ಆಸೆಯನ್ನು ವ್ಯಕ್ತಪಡಿಸಿದ್ದಾರೆ.

ಆಸಿಡ್ ದಾಳಿಗೆ ಒಳಗಾದ ಯುವತಿ ಸುದೀಪ್ ಅವರ ಅಪ್ಪಟ ಅಭಿಮಾನಿಯಾಗಿದ್ದಾರೆ. ಇವರ ಪ್ರತಿಯೊಂದು ಸಿನಿಮಾವನ್ನು ವೀಕ್ಷಿಸಿದ್ದಾರೆ. ಇವರ ಪ್ರತಿಯೊಂದು ಸಿನಿಮಾವು ನನಗೆ ಬಹಳ ಇಷ್ಟ. ನಾನು ಆಸಿಡ್ ದಾಳಿಗೆ ಒಳಗಾಗುವ ಮುಂಚೆ ಇವರ ಸಿನಿಮಾಗಳನ್ನು ನೋಡಿದ್ದೇನೆ ಎಂದು ಹೇಳಿದ್ದಾರೆ. ಹೀಗಾಗಿ ಇವರು ಕಿಚ್ಚನನ್ನು ಭೇಟಿಮಾಡುವ ಭಯಕೆಯನ್ನು ತೋರಿದ್ದಾರೆ.

ಸದ್ಯ ಸಂತ್ರಸ್ತೆ ಇನ್ನು ಸೆಂಟ್ ಜಾನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇವರಿಗೆ ಎರಡು ಬಾರಿ ಬ್ಲಡ್ ಮತ್ತು ಸ್ಕಿನ್ ಪ್ಲಾಂಟೇಷನ್ ಸರ್ಜರಿ ಮುಗಿದಿದೆ. ಇವೆಲ್ಲಾ ನೋವುಗಳ ಮದ್ಯೆ ಇವರು ತಮ್ಮ ಕುಟುಂಬಸ್ಥರ ಬಳಿ ಕಿಚ್ಚ ಅವರನ್ನು ಭೇಟಿಮಾಡಬೇಕು ಎಂದು ಹೇಳಿದ್ದಾರೆ. ನಾಲ್ಕು ಬಾರಿ ಸುದೀಪ್ ಅವರನ್ನು ನೋಡಬೇಕು ಎಂದು ಕೇಳಿಕೊಂಡಿದ್ದಾರಂತೆ. ಈ ಯುವತಿಯನ್ನು ಸಮಾಧಾನಿಸಲು ಕುಟುಂಬದವರು ‘ಸುದೀಪ್ ಅವರು ಬ್ಯುಸಿಯಲ್ಲಿರ್ತಾರೆ. ವ್ಯವಸ್ಥೆ ಮಾಡುತ್ತೇವೆ’ ಅಂತಾ ಸಮಾಧಾನ ಮಾಡಿದ್ದಾರಂತೆ.

ತನ್ನ ಅಭಿಮಾನಿಗಳಿಗೆ ಎಂದೂ ನಿರಾಸೆ ಮೂಡಿಸದ ಕಿಚ್ಚ ಈ ಯುವತಿಯನ್ನು ಭೇಟಿ ಮಾಡಿ ಅವರ ಆಸೆಯನ್ನು ಪೂರೈಸಲಿ ಎಂಬುದು ಅವರ ಕುಟುಂಬದವರ ಅಸೆ ಆಗಿದೆ. ಸದ್ಯ ಕಿಚ್ಚ ವಿಕ್ರಾಂತ್ ರೋಣ ಸಿನಿಮಾದ ಪ್ರಮೋಷನ್ ನಲ್ಲಿ ಬ್ಯುಸಿ ಯಾಗಿದ್ದು ಯಾವಾಗ ಭೇಟಿ ಮಾಡುತ್ತಾರೋ ಕಾದು ನೋಡಬೇಕು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ