ನಟಿ ಸಂಜನಾ ಗಲ್ರಾನಿ ಇತ್ತೀಚೆಗೆ ಗಂಡು ಮಗುವಿಗೆ ಜನ್ಮ ನೀಡಿರುವುದು ಗೊತ್ತಿರುವ ವಿಚಾರ. ಇದೀಗ ಮಗುವಿನ ನಾಮಕರಣವನ್ನು ಮಾಡಿ ಮುಗಿಸಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಸದಾ ಸಕ್ರೀಯರಾಗಿರುವ ನಟಿ ಸಂಜನಾ, ಮಗುವಿಗೆ ಹೆಸರಿಟ್ಟಿರುವ ವಿಚಾರವನ್ನು ಸಾಮಾಜಿಕ ಜಾಲತಾಣದ ಮೂಲಕ ಬಹಿರಂಗಪಡಿಸಿದ್ದಾರೆ.
ಅಜೀಜ್ ಪಾಷಾ ಅವರ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ನಂತರ ಸಂಜನಾ, ಸಿನಿಮಾ ವೃತ್ತಿ ಜೀವನದಿಂದ ಅಂತರ ಕಾಯ್ದುಕೊಂಡು ವೈಯಕ್ತಿಕ ಜೀವನದಲ್ಲಿ ತೊಡಗಿಸಿಕೊಂಡಿದ್ದರು. ಸದ್ಯ ಗಂಡು ಮಗುವಿಗೆ ತಾಯಿಯಾಗಿರುವ ಅವರು, ಮಗನ ನಾಮಕರಣ ನೆರವೇರಿಸಿದ್ದಾರೆ. ಸಂಜನಾ ಮಗುವಿಗೆ ‘ಅಲಾರಿಕ್’ ಎಂಬ ಹೆಸರನ್ನು ಇಡಲಾಗಿದೆ.
View this post on Instagram
ಪ್ರಿನ್ಸ್ ಅಲಾರಿಕ್ ಹೆಸರಿನಲ್ಲಿ ಹೊಸ ಖಾತೆಯನ್ನು ತೆರೆಯಲಾಗಿದ್ದು ಈ ಹೊಸ ಖಾತೆ ಮೂಲಕ ಸಂಜನಾ ಗಲ್ರಾನಿ ತಮ್ಮ ಮಗುವಿನ ಹೆಸರನ್ನು ಅಲಾರಿಕ್ ಎಂದು ತಿಳಿಸಿದ್ದಾರೆ. “ಇಂದು ನನ್ನನ್ನು ನಾನು ಪರಿಚಯಿಸಿಕೊಳ್ಳುತ್ತಿದ್ದೇನೆ. ನನ್ನ ಹೆಸರು ‘ಅಲಾರಿಕ್’. ನನಗೆ ಒಂದು ತಿಂಗಳು. ನಾನು ಇನ್‌ಸ್ಟಾಗ್ರಾಂಗೆ ಹೊಸಬ. ನನ್ನ ಈ ಖಾತೆಯನ್ನು ನನ್ನ ಅಮ್ಮ ನೋಡಿಕೊಳ್ಳುತ್ತಾರೆ.” ಎಂದು ಬರೆಯಲಾಗಿದೆ. ಇನ್ನು ಅಲಾರಿಕ್ ಎನ್ನುವ ಹೆಸರಿನ ಅರ್ಥ ಹುಡುಕಿದರೆ. ಅಲಾರಿಕ್ ಎಂದರೆ ಒಬ್ಬ ಉದಾತ್ತ ಆಡಳಿತಗಾರ ಎನ್ನುವ ಅರ್ಥ ಬರುತ್ತದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
