ಇಂಗ್ಲೆಂಡ್ ಕ್ರಿಕೆಟ್ ತಂಡದ ಸ್ಟಾರ್ ಆಲ್ ರೌಂಡರ್ ಬೆನ್ ಸ್ಟೋಕ್ಸ್ ಏಕದಿನ ಕ್ರಿಕೆಟ್‌ಗೆ ದಿಢೀರ್ ನಿವೃತ್ತಿ ಘೋಷಿಸುವ ಮೂಲಕ ಎಲ್ಲರನ್ನೂ ಅಚ್ಚರಿಗೊಳಿಸಿದ್ದಾರೆ. ಭಾರತದ ವಿರುದ್ಧದ ಸರಣಿಯ ನಂತರ ಅವರು ಈ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ, ಆದರೆ ಅವರು ಡರ್ಹಾಮ್‌ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಕೊನೆಯ ಏಕದಿನ ಪಂದ್ಯವನ್ನು ಆಡಲಿದ್ದಾರೆ. ಇದಾದ ನಂತರ ಸ್ಟೋಕ್ಸ್ ಅವರ ಏಕದಿನ ಕ್ರಿಕೆಟ್ ವೃತ್ತಿಜೀವನದ ಅಧ್ಯಾಯ ಕೊನೆಗೊಳ್ಳಲಿದೆ.
ಬೆನ್ ಸ್ಟೋಕ್ಸ್ ಅವರನ್ನು ಇತ್ತೀಚೆಗೆ ಇಂಗ್ಲೆಂಡ್ ಟೆಸ್ಟ್ ನಾಯಕರನ್ನಾಗಿ ನೇಮಿಸಲಾಗಿತ್ತು. ಬೆನ್ ಸ್ಟೋಕ್ಸ್ 2019 ರ ಇಂಗ್ಲೆಂಡ್‌ನ ವಿಶ್ವಕಪ್ ವಿಜಯೋತ್ಸವದ ಹೀರೋಗಳಲ್ಲಿ ಒಬ್ಬರಾಗಿದ್ದರು. ಸ್ಟೋಕ್ಸ್ ಇದುವರೆಗೆ ಇಂಗ್ಲೆಂಡ್ ಪರ 104 ODIಗಳನ್ನು ಆಡಿದ್ದು, 39.44 ಸರಾಸರಿಯಲ್ಲಿ 2,919 ರನ್ ಗಳಿಸಿದ್ದಾರೆ. 2011ರಲ್ಲಿ ಐರ್ಲೆಂಡ್ ವಿರುದ್ಧ ಏಕದಿನ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಿದ ಸ್ಟೋಕ್ಸ್ ಮೂರು ಶತಕ ಸೇರಿದಂತೆ 2919 ರನ್ ಗಳಿಸಿ 74 ವಿಕೆಟ್ ಪಡೆದಿದ್ದಾರೆ.
ಇಷ್ಟೆಲ್ಲಾ ಸಾಧನೆಗಳನ್ನು ಮಾಡಿರುವ ಬೆನ್ ಸ್ಟೋಕ್ಸ್ ತಮ್ಮ ಮೈಮೇಲೆ ಹಲವಾರು ವಿವಾದಗಳನ್ನು ಹಾಕಿಕೊಂಡಿದ್ದರು. ಇದೀಗ ಬೆನ್ ಸ್ಟೋಕ್ಸ್ ಸುತ್ತಾ ಇರುವ ಕೆಲವೊಂದು ವಿವಾದಗಳ ಪಟ್ಟಿ ಇಲ್ಲಿದೆ.
ಬೆನ್ ಸ್ಟೋಕ್ಸ್ ವಿವಾದಗಳಲ್ಲಿ ಆಳವಾಗಿ ತೊಡಗಿಸಿಕೊಂಡಿದ್ದರು. ಇದರಿಂದಾಗಿ ಅವರಿಗೆ ‘ಬ್ಯಾಡ್ ಬಾಯ್’ ಎಂಬ ಪದಗಳು ಕೂಡ ಕೇಳಿ ಬರುತ್ತಿತ್ತು. ನೈಟ್‌ಕ್ಲಬ್‌ನಲ್ಲಿ ಹೊಡೆದಾಡಿರುವ ವಿಷಯ ಹೊರತಾಗಿ, ವೆಸ್ಟ್ ಇಂಡೀಸ್ ವಿರುದ್ಧದ ತನ್ನ ಮೊದಲ ಟಿ 20 ಇಂಟರ್‌ನ್ಯಾಶನಲ್‌ ಪಂದ್ಯದಲ್ಲಿ ಶೂನ್ಯಕ್ಕೆ ಔಟ್ ಆದರು. ಇದರಿಂದ ಕೋಪಗೊಂಡು ಡ್ರೆಸ್ಸಿಂಗ್ ರೂಮ್ ನಲ್ಲಿರುವ ಗೋಡೆಗೆ ಗುದ್ದಿ ವಿವಾದವನ್ನು ಸೃಷ್ಟಿಸಿದರು. ವಾಸ್ತವವಾಗಿ ವಿವಾದಕ್ಕೆ ಕಾರಣವಾಗಿದ್ದು, ಇವರ ಕೈ ಬೆರಳು ಮುರಿದಿದ್ದ ವಿಚಾರ. ಇದರಿಂದ ಇವರ ಜೊತೆ ಇದ್ದ ಆಟಗಾರರು ಇವರನ್ನು ಗೇಲಿ ಮಾಡ ತೊಡಗಿದರು.
2017 ರಲ್ಲಿ ಬ್ರಿಸ್ಟಲ್‌ನ ಪಬ್‌ನಲ್ಲಿ ಕುಡಿದು ಜಗಳ ಮಾಡಿದ ಕಾರಣಕ್ಕಾಗಿ ಸ್ಟೋಕ್ಸ್ ಅವರನ್ನು ಜೈಲಿಗೆ ಕಳುಹಿಸಲಾಗಿತ್ತು. ಈ ವಿಷಯಕ್ಕಾಗಿ ಜನರು ಅವರ ವಿರುದ್ಧ ತಿರುಗಿಬಿದ್ದರು ಮತ್ತು ಅವರನ್ನು ಆಶಸ್ ಸರಣಿಯಿಂದ ಹೊರಹಾಕಲಾಗಿತ್ತು. ಒಂದು ವರ್ಷದ ನಂತರ ತೀರ್ಪು ಬರುತ್ತದೆ ಮತ್ತು ಸ್ಟೋಕ್ಸ್ ‘ತಪ್ಪಿತಸ್ಥನಲ್ಲ’ ಎಂದು ಸಾಬೀತಾಗುತ್ತದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
