fbpx
ಸಮಾಚಾರ

ಬೆಂಗಳೂರಿನಲ್ಲಿ ಐಟಿ ಉದ್ಯೋಗಿಗಳು ಕಚೇರಿಗೆ ತೆರಳಲು ಬೇಕು ಜೆಸಿಬಿ, ಟ್ರ್ಯಾಕ್ಟರ್‌, ಬಿಬಿಎಂಪಿ ಕೊಟ್ಟ ಬೋಟ್! ಹೇಗಿದೆ ನೋಡಿ ನಮ್ಮ ಬೆಂಗಳೂರು ಪರಿಸ್ಥಿತಿ

ಇತ್ತೀಚಿಗೆ ಬೆಂಗಳೂರು ನಗರದಲ್ಲಿ ಮಳೆ ಬಿಟ್ಟು ಬಿಡದೆ ಕಾಡುತ್ತಿದೆ. ಈ ಮಳೆಯ ಅವಾಂತರ ಎಷ್ಟರಮಟ್ಟಿಗೆ ಇದೆ ಎಂದರೆ ಜನರು ಇದರಿಂದ ಬಹಳಷ್ಟು ಪರದಾಡುತ್ತಿದ್ದಾರೆ. ಆದರೆ ಈ ಮಳೆ ಸೃಷ್ಟಿಸಿರುವ ಅವಾಂತರ ಟ್ರಾಲಿಗರಿಗೆ ವರದಾನವಾಗಿದ್ದು, ನೆಟ್ಟಿಗರು ಹಲವಾರು ರೀತಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡುತ್ತಿದ್ದಾರೆ.

 

 

ಬೆಂಗಳೂರಿನ ಹವಾಮಾನ ಒಂತರ ವಿಚಿತ್ರ. ಬೆಳಗೆ ಸುಡೋ ಬಿಸಿಲು, ಸಂಜೆ ಆಗುತ್ತಿದ್ದಂತೆ ಮೋಡ ಕವಿದ ವಾತಾವರಣ, ರಾತ್ರಿ ಆಗುತ್ತಿದಂತೆ ಸುರಿಯುವ ಮಳೆ ರಸ್ತೆಯನ್ನು ನದಿಯಂತೆ ಮಾಡಿಬಿಡುತ್ತದೆ. ನಾವು ಹಲವಾರು ಸುದ್ದಿ ಮಾದ್ಯಮದಲ್ಲಿ ಗಮನಿಸಿದ್ದೇವೆ ಮಳೆ ಸೃಷ್ಟಿಸಿರುವ ಅವಾಂತರ ಎಷ್ಟರ ಮಟ್ಟಿಗೆ ಎಂದರೆ ಜನರು ತಮ್ಮ ವಾಹನವನ್ನು ಚಲಾಯಿಸುವುದರ ಅವಶ್ಯಕತೆ ಇರುವುದಿಲ್ಲ. ಮಳೆಯ ನೀರಿನಲ್ಲೇ ವಾಹನಗಳು ಕೊಚ್ಚಿಕೊಂಡು ಹೋಗುತ್ತದೆ. ಅದರಲ್ಲೂ ಬೆಂಗಳೂರು ನಗರವನ್ನು ಗಮನಿಸಿದರೆ, ಹಳ್ಳ ಕೊಳ್ಳ, ಹೊಂಡ ಹೀಗೆ ಬೆಂಗಳೂರು ನಗರದ ರಸ್ತೆಗಳು ಹದಗೆಟ್ಟಿದೆ.

 


ಇದರಿಂದಾಗಿ ಕೆಲಸಕ್ಕೆ ಹೋಗುವ ಜನರಿಗೆ ಬಹಳಷ್ಟು ತೊಂದರೆಯಾಗುತ್ತಿದೆ. ವಿಶೇಷವಾಗಿ ನಗರದ ಬೆಳ್ಳಂದೂರು, ಮಾರತ್‌ಹಳ್ಳಿ ಸೇರಿದಂತೆ ಐಟಿ ಕಂಪನಿಗಳಿಗೆ ಹೇಗೆ ತಲುಪಬೇಕೆಂದು ಜನರು ಚಿಂತಿಸುತ್ತಿದ್ದಾರೆ. ಆದರೆ ಇಷ್ಟಕ್ಕೆ ಸುಮ್ಮನಿರದ ಬೆಂಗಳೂರಿನ ಟಿಕ್ಕಿಗಳು ಆಫೀಸ್ ತಲುಪಲು ಪರ್ಯಾಯ ಮಾರ್ಗವನ್ನು ಕಂಡುಕೊಂಡಿದ್ದಾರೆ. ಎಷ್ಟರ ಮಟ್ಟಿಗೆ ಎಂದರೆ ಟ್ರ್ಯಾಕ್ಟರ್‌ ಗಳು, ಜೆಸಿಬಿಯ ಮಣ್ಣಗೆಯುವ ಭಾಗದಲ್ಲಿ ನಿಂತು, ಬಿಬಿಎಂಪಿ ಕೊಟ್ಟ ಬೋಟ್ ಹಿಡಿದು ಕೆಲಸಕ್ಕೆ ಹೋಗಲು ನಿಂತಿದ್ದಾರೆ.

 

 

ಬೆಂಗಳೂರಿನ ಕೆಲವು ನಗರಗಳು ಪ್ರವಾಹದಂತೆ ಹರಿಯುತ್ತಿದ್ದರೆ, ಇತ್ತ ಮತ್ತೊಂದು ಕಡೆ ಟ್ರೋಲಿಗರು ಈ ದಾಖಲೆ ಮಳೆಯ ಬಗ್ಗೆ ಟ್ವಿಟ್ಟರ್, ಫೇಸ್‌ಬುಕ್, ವಾಟ್ಸಾಪ್ ಸ್ಟೇಟಸ್‌ಗಳಲ್ಲಿ ಟ್ರೋಲ್‌ಗಳು, ಮೀಮ್ಸ್ ಹಾಗೂ ಜೋಕ್‌ಗಳು ಹಾಕುತ್ತಿದ್ದಾರೆ. ಇದೀಗ ಇದು ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗುತ್ತಿದೆ.

 

 

 

 

 

 

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment

Leave a Reply

Your email address will not be published.

To Top