fbpx
ಸಮಾಚಾರ

ನಮೀಬಿಯಾದಿಂದ ಬಂದ ಚೀತಾಗಳು ಹಸುವನ್ನು ಬೇಟೆಯಾಡುತ್ತಿವೆಯೇ? ವೈರಲ್ ವಿಡಿಯೋದ ಅಸಲಿ ಸತ್ಯ ತಿಳಿಯಿರಿ

ಪ್ರಧಾನಿ ನರೇಂದ್ರ ಮೋದಿ ಅವರ ಹುಟ್ಟುಹಬ್ಬದಂದು ನಮೀಬಿಯಾದಿಂದ 8 ಚೀತಾಗಳನ್ನು ಭಾರತಕ್ಕೆ ಕರೆತಂದರು. ಈ ಚೀತಾಗಳು ಭಾರತಕ್ಕೆ ಆಗಮಿಸುತ್ತಿದ್ದಂತೆ ಇದೀಗ ಹಲವಾರು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗುತ್ತಿದೆ. ಅದ್ದರಲ್ಲೂ ಈ ಚೀತಾಗಳು ಹಸುವನ್ನು ಭೇಟೆಯಾಡುತ್ತವೆ ಎಂಬ ವಿಡಿಯೋ ಕೂಡ ಸಕತ್ ವೈರಲ್ ಆಗುತ್ತಿದೆ. ಆದರೆ ಇದೀಗ ಈ ವಿಡಿಯೋ ನಿಜಾನೋ ಸುಳ್ಳೋ ಎಂಬುದರ ಕುರಿತು ಸ್ಪಷ್ಟನೆ ಸಿಕ್ಕಿದೆ.

ಇತ್ತೀಚಿಗೆ ಸಾಮಾಜಿಕ ಜಾಲತಾಣದಲ್ಲಿ #Cheetah ನಂತಹ ಹ್ಯಾಶ್‌ಟ್ಯಾಗ್‌ಗಳೊಂದಿಗೆ ಹಲವಾರು ವಿಡಿಯೋ ವೈರಲ್ ಆಗುತ್ತಿದೆ. ಅದರಲ್ಲೂ ಹೆಚ್ಚಾಗಿ ಜನರು ನಮೀಬಿಯಾದಿಂದ ಬಂದ ಚೀತಾ ಕುರಿತು ಹಲವಾರು ವಿಡಿಯೋ ಗಳನ್ನು ಪೋಸ್ಟ್ ಮಾಡುತ್ತಿದ್ದಾರೆ. ಇದಲ್ಲದೆ ಈ ಚೀತಾಗಳಿಗೆ ತಿನ್ನಲು ಹಸುವನ್ನು ನೀಡುತ್ತಿದ್ದಾರೆ ಎಂದು ಸಹ ಆರೋಪ ಮಾಡುತ್ತಿದ್ದಾರೆ. ಇವೆಲ್ಲದರ ಹೊರತಾಗಿ ಚಿರತೆಯೊಂದು ರಸ್ತೆ ಬದಿಯಲ್ಲಿ ಹಸುವನ್ನು ಹಿಡಿದುಕೊಂಡು ಬಾಯಲ್ಲಿಟ್ಟು ಕಾಡಿನೊಳಗೆ ಕರೆದುಕೊಂಡು ಹೋಗುತ್ತಿರುವ ವಿಡಿಯೋ ಸಕತ್ ವೈರಲ್ ಆಗುತ್ತಿದೆ.

 


 

ಈ ವಿಡಿಯೋವನ್ನು ಗಮನಿಸದ ನೆಟ್ಟಿಗರು ಇದು ನಮೀಬಿಯಾದಿಂದ ಬಂದ ಚಿರತೆಗಳು ಎಂದು ವಾದಮಾಡುತ್ತಿದ್ದಾರೆ. ಈ ಚಿರತೆಗಳು ಹಸುವನ್ನು ಭೇಟೆಯಾಡುತ್ತದೆ ಎಂದು ಜನರು ಹೇಳುತ್ತಿದ್ದಾರೆ. ಆದರೆ ಇದರ ನಿಜಾಂಶ ಮಾತ್ರ ಬೇರೆ ಇದೆ.

ಮೊದಲನೆಯದಾಗಿ ಈ ವಿಡಿಯೋದಲ್ಲಿ ಇರುವುದು ಚೀತಾ ಅಲ್ಲ ಬದಲಾಗಿ ಚಿರತೆ. ಚೀತಾ ಮತ್ತು ಚಿರತೆಗೆ ಬಹಳಷ್ಟು ವ್ಯತ್ಯಾಸವಿದೆ. ಮತ್ತೊಂದು ಸಂಗತಿ ಎಂದರೆ ಈ ವಿಡಿಯೋ ಇತ್ತೀಚಿನದಲ್ಲ ಬದಲಾಗಿ ಇದು ನಡೆದಿರುವುದು ಆಗಸ್ಟ್ ತಿಂಗಳಲ್ಲಿ. ಆದರೆ ನಮೀಬಿಯಾದಿಂದ 8 ಚೀತಾಗಳು ಭಾರತಕ್ಕೆ ಬಂದಿದ್ದು ಸಪ್ಟೆಂಬರ್ ತಿಂಗಳಲ್ಲಿ. ಹೀಗಾಗಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ವಿಡಿಯೋ ಗು ಮತ್ತು ನಮೀಬಿಯಾದಿಂದ ಭಾರತಕ್ಕೆ ಬಂದ 8 ಚೀತಾ ಗಳಿಗೂ ಯಾವುದೇ ಸಂಬಂಧವಿಲ್ಲ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment

Leave a Reply

Your email address will not be published.

To Top