ಟಾಲಿವುಡ್‌ನಲ್ಲಿ ತೆರೆ ಮೇಲೆ ಬೆರಗುಗೊಳಿಸಿದ ಸುಮಾರು ಎರಡು ದಶಕಗಳ ನಂತರ, ಪವನ್ ಕಲ್ಯಾಣ್ ಅವರ ಮಾಜಿ ಪತ್ನಿ ರೇಣು ದೇಸಾಯಿ ಬಣ್ಣದ ಲೋಕಕ್ಕೆ ಕಮ್ ಬ್ಯಾಕ್ ಮಾಡುತ್ತಿದ್ದಾರೆ. ಹೌದು, ರೇಣು ಅವರು ಮುಂಬರುವ ರವಿತೇಜ ಅಭಿನಯದ ‘ಟೈಗರ್ ನಾಗೇಶ್ವರ ರಾವ್’ ಎಂಬ ಸಿನಿಮಾ ಮೂಲಕ ತೆಲುಗು ಚಿತ್ರರಂಗಕ್ಕೆ ಮರಳುತ್ತಿದ್ದಾರೆ. ಈ ಚಿತ್ರದ ರೇಣು ದೇಸಾಯಿ ಪಾತ್ರದ ಟೀಸರ್ ಕೂಡ ಈಗ ರಿಲೀಸ್ ಆಗಿದೆ.
ಚಿತ್ರದಲ್ಲಿ ರೇಣು ಅವರು ಹೇಮಾವತಿ ಲವಣಂ ಎಂಬ ಪ್ರಮುಖ ಮತ್ತು ಶಕ್ತಿಶಾಲಿ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಹೇಮಾವತಿ ಲವಣಂ ನಿಜ ಜೀವನದ ಪಾತ್ರವಾಗಿದೆ. ಮಲತಾ ಲವಣಂ ಅವರು ಭಾರತೀಯ ಸಾಮಾಜಿಕ ಕಾರ್ಯಕರ್ತೆ ಮತ್ತು ಬರಹಗಾರರಾಗಿದ್ದರು, ಅವರು ಅಸ್ಪೃಶ್ಯತೆ ಮತ್ತು ಸಾಮಾಜಿಕ ವ್ಯವಸ್ಥೆಯಲ್ಲಿನ ಅಸಮತೋಲನದ ವಿರುದ್ಧ ಪ್ರತಿಭಟಿಸಿದ್ದರು.
ರೇಣು ಕೊನೆಯದಾಗಿ 2003 ರಲ್ಲಿ ಬಿಡುಗಡೆಯಾದ ತೆಲುಗು ಚಲನಚಿತ್ರ ‘ಜಾನಿ’ ನಲ್ಲಿ ನಟಿಸಿದರು, ಇದು ಪವನ್ ಕಲ್ಯಾಣ್ ಜೊತೆಗಿನ ಅವರ ಎರಡನೇ ಚಿತ್ರ. ಅವರು ತೆಲುಗಿನಲ್ಲಿ ಕೇವಲ ಎರಡು ಚಿತ್ರಗಳಲ್ಲಿ ನಟಿಸಿದ್ದಾರೆ., ಆ ಎರಡೂ ಚಿತ್ರಗಳೂ ಕೂಡ ಪವನ್ ಕಲ್ಯಾಣ್ ನಾಯಕರಾಗಿದ್ದ ಸಿನಿಮಾಗಳು..
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
