ಪತಿ ನಿಧನದಿಂದ ಪತ್ನಿ ವಿಧವೆಯಾಗಿ, ತನ್ನ ಪತಿಯ ಹೆಸರಿನಲ್ಲಿದ್ದ ಆಸ್ತಿಯನ್ನು ಮಕ್ಕಳಿಗೆ ಪಾಲು ಮಾಡುವಂಥ ಸಂದರ್ಭ ಬಂದಾಗ, ಗಂಡು ಮಕ್ಕಳಲ್ಲಿ ಯಾವುದೇ ಮಗ ಮೃತನಾಗಿದ್ದರೆ, ಆ ಮೃತ ಮಗನ ಪಾಲಿಗೆ ಬಂದಿರುವ ಆಸ್ತಿಯಲ್ಲಿ ಸಮಾನ ಪಾಲು ಪಡೆಯಲು ಪತ್ನಿ ಅರ್ಹರಾಗಿರುತ್ತಾರೆ ಎಂಬ ಆದೇಶವನ್ನು ಹೈ ಕೋರ್ಟ್ ಹೊರಡಿಸಿದೆ.
ಹಿಂದೂ ಉತ್ತರಾಧಿಕಾರಿ ಕಾಯ್ದೆಯ ಅನ್ವಯ, ಮೃತ ಮಗನಿಗೆ ಬಂದಿರುವ ಆಸ್ತಿಯನ್ನು ಆತನ ಪತ್ನಿ ಹಾಗೂ ಮಕ್ಕಳಿಗೆ ಸಮಾನವಾಗಿ ಹಂಚಿಕೆಯಾಬೇಕು. ಅದರ ಜೊತೆಗೆ, ವಿಧವೆ ತಾಯಿಗೂ ಸಮಾನ ಹಂಚಿಕೆಯಾಗಬೇಕು ಎಂದು ಹೈಕೋರ್ಟ್ ಸ್ಪಷ್ಟಪಡಿಸಿದೆ. ಇದರ ಜೊತೆಗೆ ಈ ನಿಯಮ ವಿಧವೆ ತಾಯಂದಿರಿಗೆ ಮಾತ್ರ ಅನ್ವಯವಾಗುತ್ತದೆ ಎಂದು ಹೈಕೋರ್ಟ್ ಸ್ಪಷ್ಟಪಡಿಸಿದೆ.
ಹೈ ಕೋರ್ಟ್ ಈ ರೀತಿ ಹೇಳಲು ಕಾರಣವೇನು?
ಬೀದರ್ ನ ಹನುಮಂತ ರೆಡ್ಡಿ ಹಾಗೂ ಈರಮ್ಮ ದಂಪತಿಗೆ, ಪೊರಸರೆಡ್ಡಿ, ಭೀಮರೆಡ್ಡಿ, ರೇವಮ್ಮ ಹಾಗೂ ಬಸವರೆಡ್ಡಿ ಎಂಬ ನಾಲ್ಕು ಮಕ್ಕಳಿದ್ದು, ಇವರಲ್ಲಿ ಭೀಮರೆಡ್ಡಿ ಎಂಬುವರು ಮೃತಪಟ್ಟಿದ್ದಾರೆ. ಪತಿ ಹನುಮಂತ ರೆಡ್ಡಿಯೂ ಮೃತಪಟ್ಟಿದ್ದಾರೆ. ಆಸ್ತಿ ಹಂಚಿಕೆ ವಿಚಾರದಲ್ಲಿ ತಾಯಿ, ಮಕ್ಕಳ ನಡುವೆ ಗೊಂದಲ ಏರ್ಪಟ್ಟ ಹಿನ್ನೆಲೆಯಲ್ಲಿ ಈ ವಿಚಾರ ಬೀದರ್ ಜಿಲ್ಲೆಯ ಸ್ಥಳೀಯ ನ್ಯಾಯಾಲಯದ ಮೆಟ್ಟಿಲೇರಿತ್ತು. ಆದರೆ, ಅಲ್ಲಿ ಬಂದ ತೀರ್ಪು ಸಮಾಧಾನ ತರದ ಹಿನ್ನೆಲೆಯಲ್ಲಿ ತಾಯಿ ಹೈಕೋರ್ಟ್ ಮೆಟ್ಟಿಲೇರಿದ್ದರು.
ಕಲ್ಯಾಣ ಕರ್ನಾಟಕ ಭಾಗದಲ್ಲಿ ವಿಧವೆ ಪತ್ನಿಗೆ, ಪತಿಯ ಆಸ್ತಿಯಲ್ಲಿ ಆತನ ಪತ್ನಿಗೆ, ಮಕ್ಕಳಿಗೆ ಕೊಟ್ಟಂತೆ ಸಮಾನ ಪಾಲು ಕೊಡುವುದಿಲ್ಲ. ಆದರೆ, ಆಸ್ತಿ ಹಂಚಿಕೆ ವೇಳೆ ಪತಿಯ ಪಾಲಿಗೆ ಬರಬೇಕಾದ ಆಸ್ತಿಯಲ್ಲಿ ಆಕೆಗೆ ಭಾಗಶಃ ಪಾಲು ನೀಡಲಾಗುತ್ತದೆ. ಇದರನ್ವಯ, ಈ ಪ್ರಕರಣದಲ್ಲಿ ಮೂರು ಹಂತದಲ್ಲಿ ಹಿಂದೂ ಉತ್ತರಾಧಿಕಾರಿ ಕಾಯ್ದೆಯ ಪ್ರಕಾರ, ಆಸ್ತಿ ಹಂಚಿಕೆ ಮಾಡಬೇಕೆಂದು ಹೈಕೋರ್ಟ್ ಸೂಚಿಸಿತ್ತು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
