ಭಾರತ ತಂಡದ ಶ್ರೇಷ ಆಟಗಾರ ರನ್ ಮೆಷಿನ್ ಎಂದೇ ಪ್ರಖ್ಯಾತಿಗೊಂಡಿರುವ ವಿರಾಟ್ ಕೊಹ್ಲಿ ಅವರಿಗೆ ಇಂದು 34 ನೇ ವರ್ಷದ ಹುಟ್ಟುಹಬ್ಬ. ಇಷ್ಟು ಸಣ್ಣ ವಯಸ್ಸಿನಲ್ಲಿ ವಿರಾಟ್ ಗಳಿಸುತ್ತಿರುವ ಆದಾಯ ಎಷ್ಟು ಎಂದು ನೀವು ಕೇಳಿದರೆ ಶಾಕ್ ಆಗೋದು ಪಕ್ಕ ಎಂದು ಹೇಳಬಹುದು. ಹಾಗಿದ್ದರೆ ವಿರಾಟ್ ಅವರ ಒಟ್ಟು ಆದಾಯದ ಮೊತ್ತ ಎಷ್ಟು ಗೊತ್ತಾ?
ವಿರಾಟ್ ಕೇವಲ ಕ್ರಿಕೆಟ್ ನಲ್ಲಿ ಮಾತ್ರ ಕಿಂಗ್ ಅಲ್ಲದೆ ಆದಾಯ ಗಳಿಕೆಯಲ್ಲೂ ಸಹ ಕಿಂಗ್ ಎಂದು ಹೇಳಬಹುದು. 2022ರಲ್ಲಿ ವಿಶ್ವದ ಅತಿ ಹೆಚ್ಚು ಸಂಭಾವನೆ ಪಡೆಯುವ ಕ್ರಿಕೆಟಿಗರಲ್ಲಿ ಪಟ್ಟಿಯಲ್ಲಿ ಕೊಹ್ಲಿಗೆ ಮೊದಲ ಸ್ಥಾನ. ಅಷ್ಟೇ ಅಲ್ಲ, ವಿಶ್ವದ ಅತಿ ಹೆಚ್ಚು ಸಂಭಾವನೆ ಪಡೆಯುವ 100 ಕ್ರೀಡಾಳುಗಳ ಪಟ್ಟಿಯಲ್ಲಿ ಕೊಹ್ಲಿ ಕೂಡ ಸೇರಿದ್ದಾರೆ. ಕೇವಲ ಕ್ರಿಕೆಟ್ ಮಾತ್ರವಲ್ಲದೆ ಸಾಮಾಜಿಕ ಜಾಲತಾಣಗಳ ಮೂಲಕ ಕೂಡ ಕೊಹ್ಲಿ ಆದಾಯವನ್ನು ಗಳಿಸುತ್ತಿದ್ದಾರೆ.
ವಿರಾಟ್ ಕೊಹ್ಲಿ ಅವರಿಗೆ ತಿಂಗಳಿಗೆ ಸರಿಸುಮಾರು ಐದೂವರೆ ಕೋಟಿ ಆದಾಯ ಬರುತ್ತದೆ. ಇವರ ನಿವ್ವಳ ಆದಾಯ ಸುಮಾರು 12 ಶತಕೋಟಿ ಅಂದರೆ 1200 ಕೋಟಿ. ಕೊಹ್ಲಿ ಹಲವಾರು ಜಾಹೀರಾತುಗಳಲ್ಲಿ ಸಹ ನಟಿಸುತ್ತಿದ್ದಾರೆ. ಹೀಗಾಗಿ ಇದರಲ್ಲೂ ಸಹ ಇವರಿಗೆ ಆದಾಯ ಬರುತ್ತದೆ. ಇದಲ್ಲದೆ ತಮ್ಮ ಬ್ಯಾಟ್‌ ಮೇಲೆ ಅಂಟಿಸಿಕೊಳ್ಳುವ ಕಂಪನಿಯೊಂದರ ಸ್ಟಿಕರ್ನಿಂದ ಪ್ರತಿ ವರ್ಷ ಸುಮಾರು 12 ಕೋಟಿ ರೂ. ಸಂಭಾವನೆ ಪಡೆಯುತ್ತಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
