ಹಿಂದಿನ ಕಾಲದವರು ಯಾವಾಗಲು ಒಂದು ಮಾತು ಹೇಳುತ್ತಿದ್ದರು. ಅದೇನೆಂದರೆ ನಮ್ಮ ಕಾಲದಲ್ಲಿ ಕೇವಲ 1 ರುಪಾಯಿಗೆ ಹೊಟ್ಟೆ ತುಂಬಾ ಊಟ ಸಿಗುತ್ತಿತ್ತು ಎಂದು. ಈ ಮಾತು ನಾವು ಹಲವು ಬಾರಿ ಕೇಳಿರುತ್ತೇವೆ. ಆದರೆ ನಮಗೆಲ್ಲ ಒಂದು ಅನುಮಾನ ಮೂಡುವುದು ಸಹಜ. ಏಕೆಂದರೆ ಹಿಂದಿನ ಕಾಲದಲ್ಲಿ ಆಹಾರ ಪದಾರ್ಥಗಳ ಬೆಲೆ ಅಷ್ಟು ಕಡಿಮೆ ಇತ್ತಾ ಎಂದು. ಇದೀಗ ನಿಮ್ಮ ಅನುಮಾನದ ಪ್ರಶ್ನೆಗೆ ಉತ್ತರ ಸಿಕ್ಕಿದೆ.
ಇತ್ತೀಚಿಗೆ ಸಾಮಾಜಿಕ ಜಾಲತಾಣದಲ್ಲಿ ಒಂದು ಹೋಟೆಲ್ ಬಿಲ್ ಸಕತ್ ವೈರಲ್ ಆಗುತ್ತಿದೆ. Lazeez ರೆಸ್ಟೋರೆಂಟ್ ಮತ್ತು ಹೋಟೆಲ್ ಎಂಬ ಹೋಟೆಲ್ ಒಂದು ಡಿಸೆಂಬರ್ 20, 1985ರ ಗ್ರಾಹಕರ ಬಿಲ್ ಅನ್ನು ಹಂಚಿಕೊಂಡಿದ್ದಾರೆ. ಈ ಬಿಲ್ ಅನ್ನು ನೀವು ಗಮನಿಸಿದರೆ ಇದರ ಒಟ್ಟು ಮೊತ್ತ 26.30 ರೂ. ಗ್ರಾಹಕರು ಇಷ್ಟು ಸಣ್ಣ ಅಮೌಂಟ್ ಗೆ ಯಾವೆಲ್ಲ ಪದಾರ್ಥಗಳನ್ನು ತಿಂದಿರಬಹುದು ಎಂದು ತಿಳಿಯಲು ಜೂಮ್ ಮಾಡಿದರೆ ಇದರಲ್ಲಿ ಶಾಹಿ ಪನೀರ್, ದಾಲ್ ಮಖ್ನಿ, ರೈತಾ ಮತ್ತು ಕೆಲವು ಚಪಾತಿಗಳ ಪ್ಲೇಟ್ ಅನ್ನು ಆರ್ಡರ್ ಮಾಡಿರುವುದು ತಿಳಿದುಬರುತ್ತದೆ. ವಸ್ತುಗಳ ಬೆಲೆ ಕ್ರಮವಾಗಿ ರೂ 8 (ಮೊದಲ ಎರಡು ವಸ್ತುಗಳು), ರೂ 5 ಮತ್ತು ರೂ 6 ಆಗಿತ್ತು. ಹೀಗಾಗಿ ಇದರ ಒಟ್ಟು ಬಿಲ್ 26 ರೂ. ಆಗಿರುತ್ತದೆ.
ಇದೀಗ ಈ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗುತ್ತಿದೆ. ಈ ಪೋಸ್ಟ್ ವೀಕ್ಷಿಸಿರುವ ಜನರು ತಮ್ಮದೇ ರೀತಿಯಲ್ಲಿ ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಒಬ್ಬರು ಇಷ್ಟೊಂದು ಹಳೆಯ ಬಿಲ್ ಅನ್ನು ಇನ್ನೂ ಇಟ್ಟುಕೊಂಡಿದ್ದೀರಿ ಧನ್ಯವಾದ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ. ಒಂದು ವೇಳೆ ನಾವು ಈಗಿನ ಪರಿಸ್ಥಿಯಲ್ಲಿ ಇಷ್ಟೊಂದು ಪದಾರ್ಥಗಳನ್ನು ತಿಂದಿದ್ದರೆ ಇದರ ಬಿಲ್ 1000 ರೂ. ಆಗುತ್ತಿತ್ತು. ಹೀಗಾಗಿ ಹಿಂದಿನ ಕಾಲದವರು ಹೇಳಿದಂತ ಮಾತುಗಳು ನಿಜ ಎಂದು ಹೇಳಬಹುದು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
