ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಅವರ ಪುತ್ರಿ ಶನೆಲ್ ಇರಾನಿ ಅವರು ಕೆನಡಾದ ಎನ್‌ಆರ್‌ಐ ಅರ್ಜುನ್ ಭಲ್ಲಾ ಅವರನ್ನು ವರಿಸಲಿದ್ದಾರೆ. ಇವರ ಮದುವೆ ಫೆಬ್ರವರಿ 9 ರಂದು ರಾಜಸ್ಥಾನದಲ್ಲಿ ನಡೆಯಲಿದೆ. ವಿವಾಹ ಮಹೋತ್ಸವದಲ್ಲಿ ಪಾಲ್ಗೊಳ್ಳಲು ಸ್ಮೃತಿ ಇರಾನಿ ಅವರ ಕುಟುಂಬ ಸದಸ್ಯರು ಮತ್ತು ಸಂಬಂಧಿಕರು ಈಗಾಗಲೇ ರಾಜಸ್ಥಾನ ತಲುಪಿದ್ದಾರೆ.
ರಾಜಸ್ಥಾನದ ಜೋಧ್‌ಪುರದಲ್ಲಿರುವ 15 ನೇ ಶತಮಾನದ ಖಿನ್ವಾಸರ್ ರಾಜ್‌ಫೋರ್ಟ್‌ನಲ್ಲಿ ಅವರ ವಿವಾಹ ಸಮಾರಂಭವು ಅದ್ದೂರಿಯಾಗಿ ನಡೆಯಲಿದೆ. ಮದುವೆ ಸಮಾರಂಭಕ್ಕೆ ಖಿನ್ವಾಸರ್ ಅರಮನೆಯನ್ನು ಈಗಾಗಲೇ ಸಿದ್ಧಪಡಿಸಲಾಗಿದೆ.. ಸ್ಮೃತಿ ಇರಾನಿ ಅವರು ಡಿಸೆಂಬರ್ 2021 ರಲ್ಲಿ ದಂಪತಿಗಳ ನಿಶ್ಚಿತಾರ್ಥವನ್ನು Instagram ಮೂಲಕ ಬಹಿರಂಗಪಡಿಸಿದರು. ಬುಧವಾರ ಬೆಳಗ್ಗೆಯಿಂದಲೇ ವಿವಾಹ ಪೂರ್ವ ಸಂಭ್ರಮಾಚರಣೆ ಆರಂಭವಾಗಿದೆಯಂತೆ. ಪಾರ್ಸಿ ಮತ್ತು ಪಂಜಾಬಿ ಪದ್ಧತಿಯಲ್ಲಿ ಮದುವೆ ನಡೆಯಲಿದೆಯಂತೆ.
ಸ್ಮೃತಿ ಇರಾನಿ ಅವರ ಪುತ್ರಿ ಶನೆಲ್ ಇರಾನಿ ಅವರು ಡಿಸೆಂಬರ್ 2021 ರಲ್ಲಿ ಅರ್ಜುನ್ ಭಲ್ಲಾ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡರು. ಶನೆಲ್ ಇರಾನಿ ಅವರು ಮುಂಬೈನ ಸರ್ಕಾರಿ ಕಾನೂನು ಕಾಲೇಜಿನಲ್ಲಿ ತಮ್ಮ ಕಾನೂನು ಕೋರ್ಸ್ ಅನ್ನು ಪೂರ್ಣಗೊಳಿಸಿದರು ಮತ್ತು ನಂತರ ವಾಷಿಂಗ್ಟನ್ DC ಯ ಜಾರ್ಜ್ ಟೌನ್ ವಿಶ್ವವಿದ್ಯಾಲಯದಿಂದ ತಮ್ಮ LLM ಪದವಿಯನ್ನು ಪೂರ್ಣಗೊಳಿಸಿದರು. ಶನೆಲ್ ಇರಾನಿ ಅವರ ನಿಶ್ಚಿತ ವರ ಅರ್ಜುನ್ ಭಲ್ಲಾ ಕೆನಡಾದಲ್ಲಿ ವಾಸಿಸುತ್ತಿದ್ದಾರೆ.
ಅಂದಹಾಗೆ ಅರ್ಜುನ್ ಭಲ್ಲಾ ಕೆನಡಾದ ವಕೀಲ. ಅರ್ಜುನ್ ಹುಟ್ಟಿ ಕೆನಡಾದಲ್ಲಿ ನೆಲೆಸಿದ್ದರೂ, ಅವರ ತಂದೆ-ತಾಯಿ ಮತ್ತು ಅಜ್ಜಿಯರು ಭಾರತದವರು. ಅರ್ಜುನ್ ತಂದೆಯ ಹೆಸರು ಸುನಿಲ್ ಭಲ್ಲಾ ಮತ್ತು ತಾಯಿಯ ಹೆಸರು ಶಬೀನಾ ಭಲ್ಲಾ. ವರದಿಯ ಪ್ರಕಾರ, ಅರ್ಜುನ್ ಭಲ್ಲಾ ಅವರು ಕೆನಡಾದ ಒಂಟಾರಿಯೊದಲ್ಲಿರುವ ಸೇಂಟ್ ರಾಬರ್ಟ್ಸ್ ಕ್ಯಾಥೋಲಿಕ್ ಹೈಸ್ಕೂಲ್‌ನಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದರು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
