ಯುವಕನೊಬ್ಬ ಬಾಯ್ ಫ್ರೆಂಡ್ ಇಲ್ಲದ ಒಂಟಿ ಹುಡುಗಿಯರಿಗಾಗಿ ವಿನೂತನ ಆಫರ್ ಪರಿಚಯಿಸಿದ್ದಾನೆ. ದಿನಕ್ಕೆ ಇಂತಿಷ್ಟು ಹಣ ಕೊಡಲು ಸಿದ್ಧರಿದ್ದರೆ ಬಾಯ್ ಫ್ರೆಂಡ್ ಆಗಿ ಸೇವೆ ನೀಡಲು ಸಿದ್ಧ ಎಂದು ಘೋಷಿಸಿಕೊಂಡಿದ್ದಾನೆ. ಈ ಪ್ರೇಮಿಗಳ ದಿನದಂದು ಒಬ್ಬಂಟಿಯಾಗಿರಲು ಬೇಸರಗೊಂಡವರು ಅವರ ಸೇವೆಯನ್ನು ಪಡೆಯಬಹುದು ಎಂದು ಅವರು ತಿಳಿಸಿದ್ದಾರೆ. ನಗರದ 31 ವರ್ಷದ ಶಕುಲ್ ಗುಪ್ತಾ ನೀಡಿರುವ ಹೇಳಿಕೆ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಪ್ರೇಮಿಗಳ ದಿನವನ್ನು ಹೇಗೆ ಆಚರಿಸಬೇಕು ಎಂದು ದಂಪತಿಗಳು ವಿವಿಧ ಯೋಜನೆಗಳನ್ನು ಹಾಕಿದರೆ, ಒಂಟಿಯಾಗಿರುವ ಹುಡ್ಗೀರು ಬೇಸರಗೊಳ್ಳುತ್ತಾರೆ. ಅವರ ಒಂಟಿತನವನ್ನು ಹೋಗಲಾಡಿಸಲು ಈ ಸೇವೆಗಳನ್ನು ಆರಂಭಿಸಿರುವುದಾಗಿ ಅವರು ವಿವರಿಸಿದರು. ತಮ್ಮ ಈ ಆಫರ್ ಲೈಂಗಿಕ ಅಗತ್ಯಗಳಿಗಾಗಿ ಅಲ್ಲ ಎಂದು ಅವರು ಈ ಸಂದರ್ಭದಲ್ಲಿ ಸ್ಪಷ್ಟಪಡಿಸಿದರು.
ತಮ್ಮ ಅನುಭವದ ಹಿನ್ನೆಲೆಯಲ್ಲಿ ಈ ‘ಬಾಯ್ ಫ್ರೆಂಡ್ ಫಾರ್‌ ರೆಂಟ್’ ಪರಿಕಲ್ಪನೆಯನ್ನು ತಂದಿರುವುದಾಗಿ ಅವರು ಹೇಳಿದ್ದಾರೆ. ಪ್ರೇಮಿಗಳ ದಿನದಂದು ಪ್ರೇಮಿಗಳು ಒಬ್ಬರನ್ನೊಬ್ಬರು ಪ್ರೀತಿಸುತ್ತೇನೆ ಎಂದು ಹೇಳುವುದು ಸಾಮಾನ್ಯ, ಇಂತಹ ಮಾತುಗಳನ್ನು ಕೇಳಿದರೆ ಒಂಟಿಯಾಗಿರುವ ಯುವತಿಯರಿಗೆ ತಮಗೆ ಬಾಯ್ ಫ್ರೆಂಡ್ ಇರಬೇಕಿತ್ತು ಎಂದು ಅನಿಸುತ್ತದೆ. ಆ ವೇಳೆ ಒಂಟಿತನ ಕಾಡುತ್ತದೆ.
ಈ ಹಿಂದೆ ತಾನೂ ಸಹ ಅನುಭವಿಸಿದ್ದೆ. ಅಂತಹವರು ಒಂದಿಷ್ಟು ಶುಲ್ಕ ಪಾವತಿಸಿ ತನ್ನ ಸೇವೆಗಳನ್ನು ಬುಕ್ ಮಾಡಬಹುದು ಎಂದು ಶಕುಲ್ ಹೇಳಿದ್ದಾರೆ. ಬಾಡಿಗೆಗೆ ಬಾಯ್ ಫ್ರೆಂಡ್ ಎಂಬ ಕಾನ್ಸೆಪ್ಟ್ ನಲ್ಲಿ ತನ್ನನ್ನು ನೇಮಿಸಿಕೊಳ್ಳುವ ಮಹಿಳೆಗೆ ಒಂಟಿತನ ಕಾಡುವಂತೆ ಮಾಡಿ ಹರಟೆ ಹೊಡೆದು ಅಡುಗೆ ಮಾಡುತ್ತಾನೆ ಎಂದು ಶಕುಲ್ ಹೇಳಿದ್ದಾರೆ. ಈವರೆಗೆ 50 ಮಂದಿಗೆ ಇಂತಹ ಸೇವೆ ನೀಡಿರುವುದಾಗಿ ತಿಳಿಸಿದ್ದಾರೆ..
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
