ಶ್ವಾನ ಪ್ರೀಯರಿಗೆ ಇಲ್ಲೋಂದು ಕಡೆ ವಿಶೇಷವಾಗಿ ಶ್ವಾನಗಳಿಗಾಗಿಯೇ ಡಾಬಾವೊಂದು ಪ್ರಾರಂಭವಾಗಿದೆ. ಸಾಕು ನಾಯಿಗಳಿಗೆ ನೀಡುವ ಆಹಾರವನ್ನು ಅತಿ ಕಡಿಮೆ ಬೆಲೆಗೆ ಮಾರಾಟ ಮಾಡುವ ಅಂಗಡಿ ಮಧ್ಯಪ್ರದೇಶದಲ್ಲಿ ಆರಂಭವಾಗಿದೆ. ಅದುವೇ ಮಧ್ಯಪ್ರದೇಶದ ಇಂದೋರ್‌ನಲ್ಲಿರುವ ‘ಡಾಗಿ ಡಾಬಾ’.
ಡಾಗಿ ಡಾಬಾದಲ್ಲಿ ನಾಯಿಗಳಿಗೆ ನೀಡುವ ಆಹಾರ ಪದಾರ್ಥಗಳನ್ನು ಮಾತ್ರ ಮಾರಾಟ ಮಾಡಲಾಗುತ್ತದೆ. ಇಲ್ಲಿ ಶ್ವಾನಗಳಿಗೆ ಇಷ್ಟವಾಗುವ ತಿಂಡಿ-ತಿನಿಸು ಸರ್ವ್‌ ಮಾಡುವುದು, ಪಾರ್ಸೆಲ್‌ ಕೊಡುವುದರ ಜತೆಗೆ ಅವುಗಳ ಬರ್ತ್‌ಡೇ ಸೆಲೆಬ್ರೆಷನ್‌ಗೂ ವ್ಯವಸ್ಥೆ ಮಾಡಿ, ರೆಸ್ಟೋರೆಂಟ್‌ ಸರ್ವೀಸ್‌ ಕೂಡ ನೀಡಲಾಗುತ್ತಿದೆ.
ಶ್ವಾನಪ್ರಿಯರಾದ ಬಾಲರಾಜ್ ಝಾಲಾ ಮತ್ತು ಅವರ ಪತ್ನಿ ಈ ಡಾಬಾವನ್ನ ಸ್ಥಾಪಿಸಿದ್ದಾರೆ. ಡಾಬಾದಲ್ಲಿ ನಾಯಿಗಳಿಗೆ ಆಹಾರ, ವಸತಿ ಮತ್ತು ಹುಟ್ಟುಹಬ್ಬದ ಆಚರಣೆಯ ಆಯ್ಕೆಗಳನ್ನು ನೀಡುತ್ತದೆ ಮತ್ತು ಸಾಕುನಾಯಿಗೆ ಆಹಾರ ವಿತರಣಾ ಸೇವೆಗಳನ್ನು ಸಹ ನೀಡಲಾಗುತ್ತದೆ.
ಸಸ್ಯಾಹಾರಿ ಮತ್ತು ಮಾಂಸಾಹಾರಿ ವಿಶೇಷತೆಗಳನ್ನೊಳಗೊಂಡಂತೆ ಅತಿ ಕಡಿಮೆ ಬೆಲೆ 7 ರೂಪಾಯಿಯಿಂದ ಹಿಡಿದು 500 ರೂ. ವರೆಗಿನ ಬೆಲೆಯಲ್ಲಿ ಡಾಬಾದಲ್ಲಿ ವಿವಿಧ ನಾಯಿ ಆಹಾರವನ್ನು ಒದಗಿಸಲಾಗುತ್ತದೆ. ಹೆಚ್ಚುವರಿಯಾಗಿ ನಾಯಿಗಳ ಜನ್ಮದಿನ ಆಚರಣೆಗಾಗಿ ವೈಯಕ್ತಿಕ ವಿಶೇಷ ಕೇಕ್ ಗಳನ್ನೂ ಸಹ ತಯಾರಿಸಲಾಗುತ್ತದೆ
ಶ್ವಾನ ಪ್ರೇಮಿ ಮತ್ತು ಡಾಬಾದ ಸಂಸ್ಥಾಪಕ ಝಾಲಾ ಮಾತನಾಡಿ, ಕೋವಿಡ್ ಲಾಕ್‌ಡೌನ್ ಸಮಯದಲ್ಲಿ ನಾಯಿಗಳಿಗೆ ಆಹಾರ ಸಮಸ್ಯೆಯಾಗಿತ್ತು. ಹೀಗಾಗಿ ನಾವು ಡಾಬಾವನ್ನು ತೆರೆಯುವ ಯೋಚನೆ ಮಾಡಿದೆವು. ಆನ್‌ಲೈನ್‌ನಲ್ಲಿ ಶ್ವಾನಗಳ ಆಹಾರ ವಿತರಿಸಲು ಡೆಲಿವರಿ ಬಾಯ್‌ಗಳನ್ನು ಇರಿಸಲಾಗಿದೆ ಎಂದು ಹೇಳಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
