ಇತ್ತೀಚಿನ ದಿನಗಳಲ್ಲಿ ಅಪಘಾತಗಳ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ. ಅದರಲ್ಲೂ ಸಹ ಹೆದ್ದಾರಿಗಳಲ್ಲಿ ಅಪಘಾತಗಳ ಸಂಖ್ಯೆ ಹೆಚ್ಚು. ಇದಕ್ಕೆ ಮುಖ್ಯ ಕಾರಣ ನಿಯಮ ಪಾಲಿಸದೇ ಅಡ್ಡಾ ದಿಡ್ಡಿಯಾಗಿ ವಾಹನ ಚಲಾಯಿಸುವುದು. ಇದೀಗ ಇದನ್ನು ತಪ್ಪಿಸಲು ಸಂಚಾರಿ ಪೊಲೀಸರು ಒಂದು ಹೊಸ ತಂತ್ರ ಉಪಯೋಗಿಸುತ್ತಿದ್ದಾರೆ.
ಹೆದ್ದಾರಿಗಳಲ್ಲಿ ಸಹಜವಾಗಿ ವಾಹನಗಳು ಅತಿವೇಗವಾಗಿ ಸಾಗುತ್ತಿರುತ್ತದೆ. ಆದರೆ ನಾವು ಹೆದ್ದಾರಿಯನ್ನು ಗಮನಿಸಿದರೆ ಅದರಲ್ಲಿ ಕೆಲವೊಂದು ಗೆರೆಗಳಿರುತ್ತದೆ. ನಿದಾನವಾಗಿ ಚಲಿಸುವ ವಾಹನಗಳು ಒಂದು ಕಡೆ ಸಾಗಬೇಕು, ದ್ವಿಚಕ್ರ ವಾಹನಗಳು ಒಂದು ಕಡೆ ಸಾಗಬೇಕು, ಭಾರಿ ವಾಹನಗಳು ಒಂದು ಕಡೆ ಸಾಗಬೇಕು, ಹೀಗೆ ಹಲವಾರು ಗೆರೆಗಳು ಇರುತ್ತದೆ. ಆದರೆ ಇದನ್ನು ಪಾಲಿಸದೇ ಅಡ್ಡಾದಿಡ್ಡಿಯಾಗಿ ಚಲಾಯಿಸಿ ಅಪಘಾತಗಳಾಗುತ್ತವೆ. ಇದೀಗ ಈ ನಿಯಮವನ್ನು ಉಲ್ಲಂಘಿಸಿದರೆ ಬರೋಬ್ಬರಿ 500 ರೂ. ದಂಡ ಪಾವತಿಸಬೇಕಾಗುತ್ತದೆ.
ರಾಷ್ಟ್ರೀಯ ಹೆದ್ದಾರಿ 48(NH-48)ರಲ್ಲಿ ಪೊಲೀಸ್‌ ಇಲಾಖೆ ಕಣ್ಗಾವಲು ಹಾಕಿದೆ. ಹೆದ್ದಾರಿಯಲ್ಲಿ ಅಲ್ಲಲ್ಲಿ ಸಿಸಿ ಕ್ಯಾಮೆರಾ ಅಳವಡಿಸಿದ್ದು, ಲೇನ್‌ ನಿಯಮ ಪಾಲಿಸದೆ ಯಾವುದೋ ಬೇರೆ ಲೇನ್‌ಗಳಲ್ಲಿ ಸಂಚರಿಸುವ ವಾಹನಗಳಿಗೆ 500 ರೂ. ದಂಡ ವಿಧಿಸಲು ಉದ್ದೇಶಿಸಲಾಗಿದೆ. ಹೀಗಾಗಿ ಇನ್ನುಮುಂದೆ ರಾಷ್ಟ್ರೀಯ ಹೆದ್ದಾರಿ 48 ರಲ್ಲಿ ನೀವು ನಿಯಮವನ್ನು ಪಾಲಿಸದೇ ನಿಮಗೆ ಇಷ್ಟ ಬಂದಂತೆ ಗಾಡಿ ಓಡಿಸಿದರೆ ದಂಡ ಪಾವತಿಸಲು ರೆಡಿಯಾಗಬೇಕಾಗುತ್ತದೆ.
ಹಾವೇರಿ ಜಿಲ್ಲೆಯ ಚಳಗೇರಿ ಟೋಲ್‌ ನಾಕಾದಿಂದ ಶಿಗ್ಗಾಂವಿ ತಾಲೂಕಿನ ಹೊನ್ನಾಪುರದವರೆಗೆ ಹೆದ್ದಾರಿಯಲ್ಲಿ ಸ್ವಯಂ ಚಾಲಿತ ನಂಬರ್‌ ಪ್ಲೇಟ್‌ ಗುರುತಿಸುವ 35 ಸಿಸಿ ಕ್ಯಾಮೆರಾ ಅಳವಡಿಸಿದ್ದಾರೆ. ಹೆದ್ದಾರಿಯಲ್ಲಿ ನಿಗದಿಪಡಿಸಿದ ಲೇನ್‌ನಲ್ಲಿ ಆಯಾ ವಾಹನ ಸಂಚರಿಸಬೇಕು. ಲೇನ್‌ ಬಿಟ್ಟು ಬೇರೆ ಕಡೆ ಸಂಚರಿಸಿ ನಿಯಮ ಉಲ್ಲಂಘಿಸುವ ವಾಹನಗಳನ್ನು್ನ ಈ ಕ್ಯಾಮೆರಾಗಳು ಸೆರೆ ಹಿಡಿಯುತ್ತವೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
