ರಾಧಿಕಾ ಪಂಡಿತ್ ಅವರಿಗೆ ನಟಿಯಾಗುವ ಆಸೆಯೇ ಇರಲಿಲ್ಲವಂತೆ! ಇವರು ಶಿಕ್ಷಕಿಯಾಗಲು ಬಯಸಿದ್ದರಂತೆ

ಇಂದು ನಮ್ಮ ಕನ್ನಡದ ಚಂದುಳ್ಳಿ ಚಲುವೆ ರಾಧಿಕಾ ಪಂಡಿತ್ ಅವರ ಹುಟ್ಟುಹಬ್ಬ. ಇಂದು ಇವರು ತಮ್ಮ 39 ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಪ್ರತಿಯೊಬ್ಬರಿಗೂ ಕೂಡ ತಮ್ಮ ಜೀವನದಲ್ಲಿ ಏನಾದರು ಒಂದು ಕನಸನ್ನು ಕಂಡುಕೊಂಡಿರುತ್ತಾರೆ. ಆದರೆ ಕೆಲವರಿಗೆ ಆ ಕನಸು ನನಸಾಗುತ್ತದೆ ಮತ್ತು ಇನ್ನು ಕೆಲವರಿಗೆ ಅದು ಈಡೇರದೆ ಇರಬಹುದು. ಆದರೂ ಸಹ ಅವರು ಹೆಚ್ಚಾಗಿ ಗುರುತಿಸಿಕೊಳ್ಳುತ್ತಾರೆ. ಇದೀಗ ರಾಧಿಕಾ ಪಂಡಿತ್ ಅವರ ಜೀವನದಲ್ಲಿ ಕೂಡ ಆಗಿರುವುದು ಇದೆ.

ನಟಿ ರಾಧಿಕಾ ಪಂಡಿತ್ ಅವರಿಗೆ ನಟಿಯಾಗುವ ಯಾವುದೇ ಕನಸಿರಲಿಲ್ಲವಂತೆ. ಬದಲಾಗಿ ಅವರಿಗೆ ಶಿಕ್ಷಕಿಯಾಗುವ ಆಸೆಯಿತ್ತಂತೆ. ಇವರು ಆರಂಭಿಕ ಶಿಕ್ಷಣವನ್ನು ಬೆಂಗಳೂರಿನ ಶಾಲೆಯಲ್ಲಿ ಮುಗಿಸಿ ನಂತರ ಬಿ.ಕಾಂ ಪದವಿ ಪಡೆದಿದ್ದಾರೆ. ಅಷ್ಟೇ ಅಲ್ಲ ರಾಧಿಕಾ ಬಿಸಿನೆಸ್ ಅಡ್ಮಿನಿಸ್ಟ್ರೇಷನ್ ಕೋರ್ಸ್ ಕೂಡ ಮಾಡಿದ್ದಾರೆ.

ಅವರು ಸಿನಿಮಾ ಕುಟುಂಬಕ್ಕೆ ಸೇರಿದವರು. ರಾಧಿಕಾ ತಂದೆ ಕೃಷ್ಣ ಪಂಡಿತ್ ಸಾರಸ್ವತ್ ಅವರು ಸಿನಿಮಾ ಮತ್ತು ರಂಗ ಕಲಾವಿದರಾಗಿದ್ದಾರೆ. ಇವರು ತಮ್ಮ ಅಂತಿಮ ವರ್ಷದ ಬಿ.ಕಾಂ ಪದವಿ ಓದುತ್ತಿರುವಾಗ ನಟನೆಯ ಆಫರ್ ಗಳು ಬರುತ್ತಿದ್ದವು. ಅವರ ಸ್ನೇಹಿತರೊಬ್ಬರು ಕನ್ನಡ ಟಿವಿ ಕಾರ್ಯಕ್ರಮವೊಂದರಲ್ಲಿ ಆಡಿಷನ್‌ಗಾಗಿ ಅವರನ್ನು ಸಂಪರ್ಕಿಸಿದರು. ರಾಧಿಕಾ ಅವರು ‘ನಂದ ಗೋಕುಲ’ ಸೀರಿಯಲ್ ಮೂಲಕ ಹಿಟ್ ಆದರು. ಹೀಗೆ ಧಾರಾವಾಹಿಗಳಲ್ಲಿ ಸೈ ಎನಿಸಿಕೊಂಡಿದ್ದ ರಾಧಿಕಾ ಮೊಗ್ಗಿನ ಮನಸು ಸಿನಿಮಾದ ಮೂಲಕ ಸಿನಿಮಾ ರಂಗಕ್ಕೆ ಕಾಲಿಟ್ಟರು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ