ಈ ವರ್ಷದ ಮೊದಲ ಸೂರ್ಯ ಗ್ರಹಣ ಯಾವಾಗ ಗೊತ್ತೆ ?

ಈ ವರ್ಷದ ಮೊದಲ ಸೂರ್ಯ ಗ್ರಹಣವು ಏಪ್ರಿಲ್‌ 20ರಂದು ಸಂಭವಿಸಲಿದೆ. ಇದನ್ನು ‘ನಿಂಗಲೂ ಸೂರ್ಯಗ್ರಹಣ’ ಅಥವಾ ‘ಹೈಬ್ರಿಡ್ ಸೂರ್ಯಗ್ರಹಣ’ ಎಂದು ಕರೆಯಲಾಗುತ್ತದೆ. ‘ವಾರ್ಷಿಕ ರಿಂಗ್ ಆಫ್ ಫೈರ್’ ಸಮಯದಲ್ಲಿ ಇದು ಭಾರತೀಯ ಮತ್ತು ಪೆಸಿಫಿಕ್ ಸಾಗರಗಳಲ್ಲಿ ಕೆಲವು ಸೆಕೆಂಡುಗಳ ಕಾಲ ಗೋಚರಿಸುತ್ತದೆ. ಸ್ಪೇಸ್ ಡಾಟ್ ಕಾಮ್ ಪ್ರಕಾರ, ಎಕ್ಸ್‌ಮೌತ್, ವೆಸ್ಟರ್ನ್ ಆಸ್ಟ್ರೇಲಿಯಾ, ಟಿಮೋರ್ ಲೆಸ್ಟೆ ಮತ್ತು ವೆಸ್ಟ್ ಪಪುವಾ ಸೇರಿದಂತೆ ಭೂಮಿಯ ಮೇಲಿನ ಮೂರು ಸ್ಥಳಗಳಲ್ಲಿ ಮಾತ್ರ ಸಂಪೂರ್ಣ ಗ್ರಹಣ ಗೋಚರಿಸುತ್ತದೆ.

ಭಾರತೀಯ ಕಾಲಮಾನ ಪ್ರಕಾರ ಆ ದಿನ ಬೆಳಗ್ಗೆ 07.04ಕ್ಕೆ ಪ್ರಾರಂಭಗೊಂಡು ಮಧ್ಯಾಹ್ನ 12.09ರವರೆಗೆ ಗ್ರಹಣವಿದ್ದು, ಭಾರತದಲ್ಲಿ ಇದು ಗೋಚರಿಸುವುದಿಲ್ಲ. ಇದರ ನಂತರ, ಈ ವರ್ಷ ಅಕ್ಟೋಬರ್ 14 ರಂದು ಕೇವಲ ಒಂದು ಸೂರ್ಯಗ್ರಹಣ ಮಾತ್ರ ಸಂಭವಿಸುತ್ತದೆ.

ಜೋತಿಷ್ಯರು ಹೇಳುವ ಪ್ರಕಾರ ಈ ಪ್ರಥಮ ಸೂರ್ಯ ಗ್ರಹಣವು ಕೆಲವೊಂದು ರಾಶಿಗಳ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು. ಜೋತಿಷ್ಯ ಶಾಸ್ತ್ರದಂತೆ ಸಿಂಹ, ಮೇಷ, ಕನ್ಯಾ, ವೃಶ್ಚಿಕ ಹಾಗೂ ಮಕರ ರಾಶಿಗಳ ಮೇಲೆ ಈ ಗ್ರಹಣವು ಪ್ರತಿಕೂಲ ಪರಿಣಾಮ ಬೀರಬಹುದು ಎಂದು ವರದಿಯಾಗಿದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ