ಹಿಂದಿ ಕಿರುತೆರೆಯ ಪ್ರಸಿದ್ಧ ರಿಯಾಲಿಟಿ ಶೋಗಳಲ್ಲಿ ಕಪಿಲ್ ಶರ್ಮಾ ಶೋ ಕೂಡ ಒಂದು. ಸಿನಿಮಾ ಗಣ್ಯರು ಮಾತ್ರವಲ್ಲದೇ ಕ್ರಿಕೆಟ್ ತಾರೆಯರು ಕೂಡ ಕಪಿಲ್ ಶೋನಲ್ಲಿ ಭಾಗಿಯಾಗಿದ್ದರು. ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಕೂಡ ಆಹ್ವಾನಿಸಲಾಗಿತ್ತು ಎನ್ನುವುದನ್ನು ಸ್ವತಃ ಕಪಿಲ್ ಶರ್ಮಾ ಅವರೇ ಬಹಿರಂಗ ಪಡಿಸಿದ್ದಾರೆ.
ಸಂದರ್ಶನವೊಂದರಲ್ಲಿ ಮಾತನಾಡಿದ ಕಪಿಲ್ ಶರ್ಮಾ ಅವರಿಗೆ ಪ್ರಧಾನಿ ನರೇಂದ್ರ ಮೋದಿಯನ್ನು ಆಹ್ವಾನಿಸಿದ್ದೀರಾ ಎನ್ನುವ ಪ್ರಶ್ನೆ ಎದುರಾಯಿತು. ಇದಕ್ಕೆ ಉತ್ತರಿಸಿದ ಕಪಿಲ್ ಶರ್ಮಾ, ಮೋದಿ ಅವರನ್ನು ಹೋಸ್ಟ್ ಮಾಡಲು ನಮ್ಮ ತಂಡ ಪುಣ್ಯ ಮಾಡಿದೆ ಎಂದು ಹೇಳಿದರು.
‘ನಾನು ಪ್ರಧಾನಿ ಮೋದಿಯವರನ್ನು ಖುದ್ದಾಗಿ ಭೇಟಿಯಾದಾಗ, ‘ಸರ್ ನಮ್ಮ ಕಾರ್ಯಕ್ರಮಕ್ಕೆ ಬನ್ನಿ’ ಎಂದು ಕೇಳಿದ್ದೆ. ಆದರೆ ಅವರು ಬೇಡ ಎನ್ನಲಿಲ್ಲ, ‘ಸದ್ಯ ನನ್ನ ವಿರೋಧಿಗಳು ತುಂಬಾ ಕಾಮಿಡಿ ಮಾಡುತ್ತಿದ್ದಾರೆ’ ಅಂತ ಹೇಳಿದ್ರು. ಆದರೆ ‘ಇಲ್ಲ’ ಅಂತ ಮಾತ್ರ ಹೇಳಲಿಲ್ಲ. ನಮ್ಮ ಶೋನಲ್ಲಿ ಅವರನ್ನು ಹೋಸ್ಟ್ ಮಾಡುವುದು ನಮ್ಮ ಗೌರವ’ ಎಂದು ಹೇಳಿದರು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
