ತೆಲುಗು ಕಿರುತೆರೆಯಲ್ಲಿ ನಾಗಾರ್ಜುನ ನಡೆಸಿಕೊಡುತ್ತಿರುವ ಬಿಗ್ ಬಾಸ್ ಸೀಸನ್-7 ಸೆಪ್ಟೆಂಬರ್ 3 ರಂದು ಆರಂಭವಾಗಲಿದೆ. ಈಗಾಗಲೇ ಕೆಲವು ಸ್ಪರ್ಧಿಗಳ ಹೆಸರು ಲೀಕ್ ಆಗಿದೆ. ಈ ಮಧ್ಯೆ ಮಲಯಾಳಿ ಇಂಡಸ್ಟ್ರಿಯ ಬೋಲ್ಡ್ ಬ್ಯೂಟಿ ಶಕೀಲಾ ಕೂಡ ಮನೆಗೆ ಎಂಟ್ರಿ ಕೊಡಲಿದ್ದಾರೆ ಎಂಬ ಸುದ್ದಿ ಬಂದಿದೆ.
ಆದರೆ, ಸ್ಪರ್ಧಿಗಳ ಹೆಸರುಗಳ ಪಟ್ಟಿಯನ್ನು ಗೌಪ್ಯವಾಗಿಟ್ಟುಕೊಂಡು ಬಿಗ್ ಬಾಸ್ ಆಯೋಜಕರು ಲಾಂಚ್ ದಿನವೇ ಸರ್ಪ್ರೈಸ್ ನೀಡಲು ಹೊರಟಿದ್ದಾರೆ ಎಂದು ವರದಿಯಾಗಿದೆ. ಶಕೀಲಾ ಅವರಂತಹ ವಿವಾದಿತ ನಟಿ ಮನೆಗೆ ಬಂದರೆ ಪ್ರೇಕ್ಷಕರಿಗೆ ಖುಷಿಯಾಗುತ್ತೆ ಅಂತ ನೆಟಿಜನ್ ಗಳು ಜೋರಾಗಿ ಕಾಮೆಂಟ್ ಮಾಡುತ್ತಿದ್ದಾರೆ. ಮತ್ತು ಇದು ಎಷ್ಟರ ಮಟ್ಟಿಗೆ ಸತ್ಯ ಎಂಬುದು ಇನ್ನಷ್ಟೇ ತಿಳಿಯಬೇಕಿದೆ.
ಹಾಗೆ ನೋಡಿದರೆ ಶಕೀಲಾ ಬಿಗ್ ಬಾಸ್ ಷೋ ನಲ್ಲಿ ಭಾಗವಹಿಸುತ್ತಿರುವುದು ಇದೇ ಮೊದಲೇನು ಅಲ್ಲ. ಈ ಹಿಂದೆ ಕಿಚ್ಚ ಸುದೀಪ್ ನಡೆಸುಕೊಡುವ ಕನ್ನಡ ಬಿಗ್ ಬಾಸ್ ನ ಎರಡನೇ ಸೀಸನ್ ನಲ್ಲಿ ಶಕೀಲಾ ಭಾಗಿಯಾಗಿದ್ದರು. ಈ ಸೀಸನ್ ನಲ್ಲಿ ಶಕೀಲಾ ಮೂರು ವಾರಗಳ ಕಾಲ ದೊಡ್ಮನೆಯಲ್ಲಿ ವಾಸ ಮಾಡಿ ಎಲಿಮಿನೇಟ್ ಆಗಿದ್ದರು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
