RCB ಪ್ಲೇಯರ್, ಆಸ್ಟ್ರೇಲಿಯಾದ ಸ್ಟಾರ್ ಕ್ರಿಕೆಟಿಗ ಗ್ಲೆನ್ ಮ್ಯಾಕ್ಸ್ ವೆಲ್ ಭಾರತೀಯ ಯುವತಿಯನ್ನು ಪ್ರೀತಿಸಿ ಹಿಂದೂ ಸಂಪ್ರದಾಯದ ಪ್ರಕಾರ ಮದುವೆಯಾಗಿರುವುದು ಗೊತ್ತೇ ಇದೆ. ಗ್ಲೆನ್ ಮ್ಯಾಕ್ಸ್ವೆಲ್ ಮತ್ತು ವಿನಿ ರಾಮನ್ ತಮ್ಮ ಮೊದಲ ಮಗುವನ್ನು ಸ್ವಾಗತಿಸಿದ್ದಾರೆ.
ಹೌದು, ವಿನಿ ರಾಮನ್ ಸೆಪ್ಟೆಂಬರ್ 11ರಂದು ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಗ್ಲೆನ್ ಮ್ಯಾಕ್ಸ್ವೆಲ್ ತಾವು ತಂದೆಯಾಗಿರುವ ವಿಷಯವನ್ನು ಸಾಮಾಜಿಕ ಜಾಲತಾಣವಾದ ಇನ್‌ಸ್ಟಾಗ್ರಾಂನಲ್ಲಿ ತಿಳಿಸಿದ್ದಾರೆ. ಗ್ಲೆನ್ ಮ್ಯಾಕ್ಸ್ವೆಲ್ ಹಾಗೂ ವಿನಿ ರಾಮನ್ ಇಬ್ಬರೂ ಪುಟ್ಟ ಕಂದಮ್ಮನ ಕೈ ಹಿಡಿದಿರುವ ಫೋಟೋವನ್ನು ಮ್ಯಾಕ್ಸ್ ವೆಲ್ ಅವರು ಹಂಚಿಕೊಂಡಿದ್ದಾರೆ.
ಲೋಗನ್ ಮೇವರಿಕ್ ಮ್ಯಾಕ್ಸ್ವೆಲ್:
ಇನ್ನು ಈ ಫೋಟೋ ಜೊತೆಗೆ ಮಗುವಿನ ಹೆಸರನ್ನು ಕೂಡ ಮ್ಯಾಕ್ಸ್ವೇಲ್ ಬಹಿರಂಗ ಪಡಿಸಿದ್ದಾರೆ. 11-09-2023ರಂದು ‘ಲೊಗಾನ್ ಮಾವೆರಿಕ್‌ ಮ್ಯಾಕ್ಸ್ವೆಲ್’ ಎಂದು ಒಕ್ಕಣೆ ಬರೆಯುವ ಮೂಲಕ ಮಗುವಿನ ಹೆಸರನ್ನು ತಿಳಿಸಿದ್ದಾರೆ.
ಅಂದಹಾಗೆ ಈ ವರ್ಷದ ಐಸಿಸಿ ಪುರುಷರ ಕ್ರಿಕೆಟ್ ವಿಶ್ವಕಪ್‌ಗೆ ಮುಂಚಿತವಾಗಿ ಅವರು ತಮ್ಮ ಸಿದ್ಧತೆಗಳನ್ನು ನಡೆಸಲು ಬಯಸುತ್ತಿರುವ ಕಾರಣ ಅವರು ಮುಂಬರುವ ಭಾರತದೊಂದಿಗೆ ಪಂದ್ಯವನ್ನು ಕಳೆದುಕೊಳ್ಳುವ ಸಾಧ್ಯತೆಯಿದೆ. ಹಾಗಾಗಿಯೇ ಗಾಯದಿಂದ ಚೇತರಿಸಿಕೊಂಡು ತಂಡಕ್ಕೆ ಮರಳಲು ಮ್ಯಾಕ್ಸ್ ವೆಲ್ ಕಷ್ಟಪಡುತ್ತಿದ್ದಾರೆ ಎಂದು ವರದಿಯಾಗಿದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
