fbpx
Achivers

ಕನ್ನಡದ ಚಿನ್ನದ ಹುಡುಗಿ ದಾಮೀನಿ ಕೆ.ಗೌಡ

ರಾಜ್ಯದ ಭರವಸೆಯ ಈಜು ಪಟು ದಾಮೀನಿ ಕೆ.ಗೌಡ ಅವರು ರಾಂಚಿಯಲ್ಲಿ ನಡೆದಿರುವ ೭೦ನೇ ಗ್ಲೇನ್‌ಮಾರ್ಕ್ ಸೀನಿಯರ್ ರಾಷ್ಟ್ರೀಯ ಈಜು ಸ್ಪರ್ಧೆಯಲ್ಲಿ ಬಂಗಾರದ ಸಾಧನೆಯನ್ನು ಮಾಡಿದ್ದಾರೆ.
ವನಿತೆಯರ ೨೦೦ ಮೀಟರ್ ಬಟರ್‌ಫ್ಲೈ ವಿಭಾಗದಲ್ಲಿ ದಾಮೀನಿ ೨ ನಿಮಿಷ ೨೧.೯೯ ಸೆಕೆಂಡ್‌ಗಳಲ್ಲಿ ಗುರಿ ಮುಟ್ಟಿ ಪ್ರಥಮ ಸ್ಥಾನವನ್ನು ತನ್ನದಾಗಿಸಿಕೊಂಡಿದ್ದಾರೆ. ಈ ವಿಭಾಗದ ದ್ವಿತೀಯ ಸ್ಥಾನ ಮಾಹಾರಾಷ್ಟ್ರದ ತ್ರೀಷಾ ಹಾಗೂ ಮೂರನೇ ಸ್ಥಾನ ಚತ್ತೀಸಗಡ್‌ದ ಸೃಷ್ಟಿ ನಾಗ್ ಪಾಲಾಯಿತು.
ಉಳಿದಂತೆ ಪುರುಷರ ೨೦೦ ಮೀ. ಫ್ರೀಸ್ಟೈಲ್ ವಿಭಾಗದಲ್ಲಿ ಅವಿನಾಶ್ ಮಾನಿ (೧:೫೬.೧೩ ಸೆ.) ಕಂಚು ಪಡೆದರು. ೫೦ ಮೀಟರ್ ಬ್ರೇಕ್‌ಸ್ಟ್ರೋಕ್ ವಿಭಾದಲ್ಲಿ ವೈಷ್ನವ ಹೆಗಡೆ (೨೯.೧೭ ಸೆ.) ಬೆಳ್ಳಿಗೆ ಕೊರಳೊಡ್ಡಿದ್ದಾರೆ.
ಪುರುಷರ ೪*೧೦೦ ಮೀಟರ್ ಮೆಡ್ಲಿ ರಿಲೇಯಲ್ಲಿ ಕರ್ನಾಟಕ ತಂಡ (೩:೫೨.೫೨ ಸೆ.) ಬೆಳ್ಳಿ ಪಡೆದುಕೊಂಡಿದೆ. ಈ ವಿಭಾಗದ ಸ್ವರ್ಣ ಮಹಾರಾಷ್ಟ್ರ (೪:೩೬೦.೩೧ ಸೆ.) ಪಾಲಾದರೆ, ಕಂಚು ಗುಜರಾತ್ (೪:೪೧.೦೧ ಸೆ.) ಬಾಚಿಕೊಂಡಿದೆ.
ವನಿತೆಯರ ೪*೪೦೦ ಮೀಟರ್ ಮೆಡ್ಲಿ ರಿಲೇಯಲ್ಲಿ ಕರ್ನಾಟಕ ರಜತ (೪:೩೮.೩೬ ಸೆ.) ಪಡೆದು ಬೀಗಿತು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ

Click to comment
To Top